Appian, The Foreign Wars, chapter 10 5:

(아피아노스, The Foreign Wars, chapter 10 5:)

Καὶ Σέλευκοσ μὲν οὕτω τελευτᾷ, τρία καὶ ἑβδομήκοντα ἔτη βιώσασ, καὶ βασιλεύσασ αὐτῶν δύο καὶ τεσσαράκοντα. καὶ μοι δοκεῖ καὶ ἐσ τοῦτο αὐτῷ συνενεχθῆναι τὸ αὐτὸ λόγιον, "μὴ σπεῦδ’ Εὐρώπηνδ’· Ἀσίη τοι πολλὸν ἀμείνων. " ἡ γὰρ Λυσιμάχεια τῆσ Εὐρώπησ ἐστί, καὶ τότε πρῶτον ἀπὸ τῆσ Ἀλεξάνδρου στρατείασ ἐσ τὴν Εὐρώπην διεπέρα. λέγεται δὲ καὶ περὶ αὐτοῦ τοῦ θανάτου ποτὲ αὐτῷ χρωμένῳ λόγιον προαγορευθῆναι "Ἄργοσ ἀλευόμενοσ τὸ πεπρωμένον εἰσ ἔτοσ ἥξεισ· εἰ δ’ Ἄργει πελάσαισ, τότε κεν παρὰ μοῖραν ὄλοιο. " ὁ μὲν δὴ Ἄργοσ τὸ Πελοποννήσιον καὶ Ἄργοσ τὸ Ἀμφιλοχικὸν καὶ Ἄργοσ τὸ ἐν Ὀρεστείᾳ ὁ̔́θεν οἱ Ἀργεάδαι Μακεδόνεσ̓ καὶ τὸ ἐν τῷ Ιὀνίῳ λεγόμενον οἰκίσαι Διομήδην ἀλώμενον, καὶ εἴ τί που γῆσ ἄλλο Ἄργοσ ἐκαλεῖτο, πάντα ἀνεζήτει καὶ ἐφυλάσσετο· ἀναβαίνοντι δ’ ἐσ τὴν Λυσιμάχειαν αὐτῷ ἀπὸ τοῦ Ἑλλησπόντου βωμὸσ ἦν ἐν ὄψει μέγασ τε καὶ περιφανήσ, καὶ πυθόμενοσ αὐτὸν ἢ τοὺσ Ἀργοναύτασ στήσασθαι παραπλέοντασ ἐσ Κόλχουσ ἢ τοὺσ Ἀχαιοὺσ ἐπὶ Ἴλιον στρατεύοντασ, καὶ διὰ τοῦτο ἔτι τὸν βωμὸν τοὺσ περιχώρουσ Ἄργοσ καλεῖν, ἢ διὰ τὴν ναῦν διαφθείροντασ τὸ ὄνομα ἢ διὰ τὴν πατρίδα τῶν Ἀτρειδῶν, κτείνεται, ταῦτα ἔτι μανθάνων, ὑπὸ τοῦ Πτολεμαίου προσπεσόντοσ ὄπισθεν. καὶ Σέλευκον μὲν ἔκαιε Φιλέταιροσ ὁ Περγάμου δυναστεύσασ, πολλῶν χρημάτων τὸ σῶμα τὸν κεραυνὸν αἰτήσασ, καὶ τὰ λείψανα ἔπεμπεν Ἀντιόχῳ τῷ παιδὶ αὐτοῦ. ὁ δ’ ἐν Σελευκείᾳ τῇ πρὸσ θαλάσσῃ ἀπέθετο, καὶ νεὼν αὐτῷ ἐπέστησε καὶ τέμενοσ περιέθηκε· καὶ τὸ τέμενοσ Νικατόρειον ἐπικλῄζεται.

SEARCH

MENU NAVIGATION