호흡부호 보기
강세부호 보기
장단부호 보기
작은 Iota 보기
모든 부호 보기
Σελεύκου δὲ θαυμάσαντοσ εἴ τινα μὴ δύναιτο πεῖσαι Σέλευκοσ ὁ τῆσ Ἀσίασ βασιλεύσ, ἐπὶ γάμῳ τοιοῦδε παιδόσ, ἱκεσίᾳ τε καὶ χρήμασι καὶ δωρεαῖσ καὶ ὅλῃ τῇ τοσῇδε βασιλείᾳ, περιιούσῃ μὲν ἐσ τόνδε τὸν κάμνοντα βασιλέα, δοθησομένῃ δὲ καὶ νῦν ἀντὶ τῆσ σωτηρίασ εἰ ἤδη τισ ἐθέλοι, καὶ μόνον ἀξιοῦντοσ μαθεῖν τίσ ἔστι τὸ γύναιον, ὁ Ἐρασίστρατοσ ἔφη· "τῆσ ἐμῆσ γυναικὸσ ἐρᾷ. " καὶ ὁ Σέλευκοσ, "εἶτ’ ὦ ̓γαθέ," ἔφη, "φιλίασ μὲν οὕτω καὶ χαρίτων ἔχων ἐφ’ ἡμῖν, ἀρετῆσ δὲ καὶ σοφίασ ἐν ὀλίγοισ, οὐ σώσεισ μοι νέον ἄνδρα καὶ βασιλικόν, φίλου καὶ βασιλέωσ υἱόν, ἀτυχοῦντα καὶ σωφρονοῦντα καὶ τὸ κακὸν ἐπικρύπτοντα καὶ προτιμώμενον αὑτῷ θανάτου, ἀλλ’ ὑπερόψει μὲν οὕτωσ Ἀντιόχον, ὑπερόψει δ’ ἐπ’ αὐτῷ καὶ Σέλευκον; ὁ δ’ ἀπομαχόμενοσ εἶπε λόγον ὡσ ἄφυκτον, ὅτι μηδ’ ἂν σύ, καίπερ ὢν πατήρ, τῆσ σῆσ Ἀντιόχοσ εἰ ἤρα γυναικόσ, μεθῆκασ ἂν αὐτῷ τὴν γυναῖκα. ἔνθα δὴ πάντασ ὤμνυ τοὺσ βασιλείουσ θεοὺσ ὁ Σέλευκοσ, ἦ μὴν ἑκὼν ἂν καὶ χαίρων μεθεῖναι καὶ διήγημα γενέσθαι καλὸν εὐνοίασ ἀγαθοῦ πατρὸσ ἐσ παῖδα σώφρονα καὶ ἐγκρατῆ τοῦ κακοῦ καὶ ἀνάξιον τῆσ συμφορᾶσ. πολλά τε ὅμοια ἐπενεγκών, ἤρξατο ἄχθεσθαι ὅτι μὴ αὐτὸσ αὐτῷ γίγνοιτο ἰατρὸσ ἀτυχοῦντι, ἀλλὰ καὶ ἐσ ταῦτα δέοιτο Ἐρασιστράτου.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기