호흡부호 보기
강세부호 보기
장단부호 보기
작은 Iota 보기
모든 부호 보기
Τάδε μὲν δή τισ, ὡσ ἐθέλοι, συγκρίνειν ἔχει· Μάλλιοσ δὲ ὁ τοῦ Σκιπίωνοσ διάδοχοσ τὴν ἀφαιρεθεῖσαν Ἀντιόχου γῆν ἐπιὼν καθίστατο, καὶ Γαλατῶν τῶν Ἀντιόχῳ συμμαχησάντων Τολιστοβοίουσ, ἀναφυγόντασ ἐσ τὸν Μύσιον Ὄλυμπον, ἐπιμόχθωσ τοῦ ὄρουσ ἐπιβὰσ ἐτρέπετο φεύγοντασ, ἑώσ ἔκτεινε καὶ κατεκρήμνισεν ὅσουσ ἀριθμήσασθαι διὰ τὸ πλῆθοσ οὐκ ἐγένετο, αἰχμαλώτουσ δ’ ἔλαβεν ἐσ τετρακισμυρίουσ, ὧν τὰ μὲν ὅπλα κατέκαυσε, τὰ δὲ σώματα, οὐ δυνάμενοσ τοσόνδε πλῆθοσ ἐν πολέμοισ περιάγεσθαι, τοῖσ ἐγγὺσ βαρβάροισ ἀπέδοτο. ἐν δὲ Τεκτοσάγαισ τε καὶ Τρόκμοισ ἐκινδύνευσε μὲν ἐξ ἐνέδρασ, καὶ ἔφυγεν· ἐπανελθὼν δὲ ἐσ αὐλιζομένουσ τε καὶ βεβυσμένουσ ὑπὸ πλήθουσ περιέστησε τοὺσ ψιλοὺσ αὐτοῖσ, καὶ περιτρέχων ἐκέλευεν ἐσακοντίζειν μήτε προσπλεκομένουσ μήτε πλησιάζοντασ. οὐδενὸσ δὲ βέλουσ ἀτυχοῦντοσ διὰ τὴν πυκνότητα τῶν πολεμίων, ἔκτεινεν ἐσ ὀκτακισχιλίουσ, καὶ ἐδίωξε τοὺσ λοιποὺσ ὑπὲρ Ἅλυν ποταμόν. Ἀριαράθου δὲ τοῦ Καππαδοκῶν βασιλέωσ, καὶ τοῦδε συμμάχουσ πέμψαντοσ Ἀντιόχῳ, δεδιότοσ τε καὶ δεομένου καὶ διακόσια τάλαντα πέμψαντοσ ἐπὶ τῇ δεήσει τὴν χώραν οὐκ ἐπέδραμεν, ἀλλ’ ἐσ τὸν Ἑλλήσποντον ἐπανῆλθε σὺν γάζῃ τε πολλῇ καὶ χρήμασιν ἀπείροισ καὶ λείᾳ βαρυτάτῃ καὶ στρατῷ καταγόμῳ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기