Appian, The Foreign Wars, chapter 5 1:

(아피아노스, The Foreign Wars, chapter 5 1:)

Καὶ οἱ μὲν Σκιπίωνεσ ἔτι ἦσαν ἐν παρασκευῇ, Λίουιοσ δ’ ὁ φύλαξ τῆσ Ἰταλίασ, ἐπὶ τὴν ναυαρχίαν αἱρεθεὶσ Ἀτιλίῳ διάδοχοσ, αὐτίκα ταῖσ τε ἰδίαισ ναυσίν, αἷσ τὴν Ἰταλίαν περιέπλει, καὶ παρὰ Καρχηδονίων αὐτῷ τισὶ δοθείσαισ καὶ συμμαχίσιν ἄλλαισ ἐσ Πειραιᾶ κατήχθη, καὶ τὸν ὑπ’ Ἀτιλίῳ στόλον παραλαβὼν ἔπλει καταφράκτοισ ὀγδοήκοντα καὶ μιᾷ, ἑπομένου καὶ Εὐμένουσ πεντήκοντα ἰδίαισ· καὶ ἦν κατάφρακτον καὶ τῶνδε τὸ ἥμισυ. ἔσ τε Φώκαιαν ὑπήκοον μὲν Ἀντιόχου, ὑπὸ δ’ ἐκπλήξεωσ αὐτοὺσ δελομένην κατήγοντο, καὶ τῆσ ἐπιούσησ ἐσ ναυμαχίαν ἀνέπλεον. ἀντανήγετο δ’ αὐτοῖσ ὁ ναύαρχοσ ὁ Ἀντιόχου Πολυξενίδασ διακοσίαισ ναυσί, κουφοτέραισ τῶν πολεμίων παρὰ πολύ· ᾧ δὴ καὶ μάλιστα προύλαβε τοῦ πελάγουσ ἔτι Ῥωμαίων ἀναπειρωμένων. καὶ δύο τῶν Καρχηδονίων ναῦσ ἰδὼν προπλεούσασ, τρεὶσ τῶν ἰδίων ἐπιπέμψασ εἷλε τὰσ δύο κενάσ, ἐξαλομένων τῶν Λιβύων ἐσ τὸ πέλαγοσ. Λίουιοσ δ’ ἐπὶ τὰσ τρεῖσ ἐφέρετο πρῶτοσ ὑπ’ ὀργῆσ τῇ στρατηγίδι νηί, πολὺ προύχων τοῦ στόλου. αἱ δ’, ὡσ μιᾷ, σὺν καταφρονήσει χεῖράσ τε σιδηρᾶσ ἐπέβαλον, καὶ συνεστηκότων τῶν σκαφῶν ὁ ἀγὼν ἦν ὥσπερ ἐν γῇ. πολὺ δὲ κρείσσουσ ὄντεσ οἱ Ῥωμαῖοι ταῖσ εὐτολμίαισ, ἐπιβάντεσ ἐσ τὰσ ἀλλοτρίασ ἐκράτουν, καὶ μιᾷ νηὶ δύο ὁμοῦ φέροντεσ ἐπανῄεσαν. καὶ τόδε μὲν τῆσ ναυμαχίασ προαγώνισμα ἦν· ἐπεὶ δὲ οἱ στόλοι συνέπεσον ἀλλήλοισ, ἰσχύι μὲν καὶ προθυμίᾳ τὰ Ῥωμαίων ἐπεκράτει, διὰ δὲ βαρύτητα τῶν σκαφῶν τοὺσ ἐχθροὺσ οὐκ ἐδύναντο καταλαμβάνειν κούφαισ ναυσὶν ὑποφεύγοντασ, ἑώσ οἳ μὲν ἐσ τὴν Ἔφεσον ὀξέωσ κατέφυγον, οἳ δ’ ἐσ Χίον ἀπῇραν, ἔνθα αὐτοῖσ Ῥοδίων νῆεσ συμμαχίδεσ ἦλθον ἑπτὰ καὶ εἴκοσιν. Ἀντίοχοσ δὲ περὶ τῆσδε τῆσ ναυμαχίασ πυθόμενοσ, Ἀννίβαν ἔστελλεν ἐπὶ Συρίασ ἐσ νεῶν ἄλλων ἐκ τε Φοινίκησ καὶ Κιλικίασ παρασκευήν. Καὶ τόνδε μὲν ἐπανιόντα Ῥόδιοι κατέκλεισαν ἐσ Παμφυλίαν, καί τινασ αὐτοῦ τῶν νεῶν εἷλον, καὶ τὰσ λοιπὰσ ἐφεδρεύοντεσ ἐφύλασσον· 23. Πόπλιοσ δὲ Σκιπίων ἀφικόμενοσ ἐσ Αἰτωλίαν μετὰ τοῦ ὑπάτου, καὶ τὸν Μανίου στρατὸν παραλαβών, τὰσ μὲν ἐν Αἰτωλίᾳ πολιορκίασ ὑπερεῖδεν ὡσ μικρὸν ἔργον, καὶ τοῖσ Αἰτωλοῖσ δεομένοισ ἐπέτρεψεν αὖθισ ἐσ Ῥώμην πρεσβεῦσαι περὶ σφῶν, ἐπὶ δὲ τὸν Ἀντίοχον ἠπείγετο πρὶν ἐκβῆναι τῷ ἀδελφῷ τὴν στρατηγίαν. διὰ δὲ Μακεδόνων ὥδευε καὶ Θρᾳκῶν ἐπὶ τὸν Ἑλλήσποντον, δυσχερῆ καὶ χαλεπὴν ὁδὸν αὐτῷ γενομένην ἄν, εἰ μὴ Φίλιπποσ ὁ Μακεδὼν ὡδοποίει καὶ ὑπεδέχετο καὶ παρέπεμπεν ἐζευγμένοισ τε ποταμοῖσ ἐκ πολλοῦ καὶ ἀγοραῖσ ἑτοίμοισ· ἐφ’ οἷσ αὐτὸν οἱ Σκιπίωνεσ αὐτίκα τῶν ὑπολοίπων χρημάτων ἀπέλυσαν, ἐπιτετραμμένοι τοῦθ’ ὑπὸ τῆσ βουλῆσ, εἰ πρόθυμον εὑρ́οιεν. ἐπέστελλον δὲ καὶ ἐσ Προυσίαν τὸν Βιθυνῶν βασιλέα, καταλέγοντεσ ὅσοισ βασιλεῦσι Ῥωμαῖοι συμμαχήσασι τὰσ ἀρχὰσ ἐπηύξησαν· Φίλιππον δέ, φασί, τὸν Μακεδόνα καὶ πολέμῳ κρατήσαντεσ ἄρχειν ἐῶσι, καὶ τὸν παῖδα αὐτῷ τῆσ ὁμηρείασ ἀπελύσαμεν, καὶ τὸ ἔτι ὄφλημα τῶν χρημάτων. οἷσ ὁ Προυσίασ ἡσθεὶσ συνέθετο συμμαχήσειν ἐπ’ Ἀντίοχον. Λίουιοσ δ’ ὁ ναύαρχοσ ἐπεὶ τῆσ ὁδοιπορίασ τῶν Σκιπιώνων ἐπύθετο, Παυσίμαχον μὲν τὸν Ῥόδιον μετὰ τῶν Ῥοδίων νεῶν ἐν τῇ Αἰολίδι κατέλιπε, καὶ μέροσ τι τοῦ ἰδίου στόλου, ταῖσ δὲ πλείοσιν ἐσ τὸν Ἑλλήσποντον ἔπλει τὸν στρατὸν ὑποδεξόμενοσ. καὶ Σηστὸσ μὲν αὐτῷ καὶ Ῥοίτειον καὶ ὁ Ἀχαιῶν λιμὴν καί τινα ἄλλα προσέθετο, Ἀβυδον δὲ ἀπειθοῦσαν ἐπολιόρκει.

일치하는 문장이 없습니다.

SEARCH

MENU NAVIGATION