헬라어 문장 검색 - Αππιαν́ΤηεΦορέ72́

(아피아노스, The Foreign Wars, chapter 4)

Ῥωμαῖοι δ’ ὑπὸ σπουδῆσ τοῖσ τότε ἑτοίμοισ ἱππεῦσι δισχιλίοισ καὶ πεζοῖσ δισμυρίοισ καὶ ἐλέφασί τισιν, ἡγουμένου σφῶν Ἀκιλίου Μανίου Γλαβρίωνοσ, ἐσ Ἀπολλωνίαν ἐκ Βρεντεσίου διαβαλόντεσ ἐπὶ Θεσσαλίασ ἐβάδιζον καὶ τὰσ πόλεισ ἐξέλυον τῶν πολιορκιῶν, ἐν ὅσαισ δ’ ἦσαν ἤδη Ἀθαμάνων φρουραί, τὰσ φρουρὰσ ἐξέβαλλον. καὶ τὸν Μεγαλοπολίτην Φίλιππον αἰχμάλωτον ἔλαβον, ἐλπίζοντα ἔτι τὴν Μακεδόνων ἀρχήν. εἷλον δὲ καὶ τῶν Ἀντιοχείων ἐσ τρισχιλίουσ. ἅμα δὲ ταῦτα ὁ Μάνιοσ εἰργάζετο, καὶ ὁ Φίλιπποσ ἐσ Ἀθαμανίαν ἐμβαλὼν πᾶσαν αὐτὴν ὑπήκοον ἔλαβεν, Ἀμυνάνδρου φυγόντοσ ἐσ Ἀμβρακίαν. ὧν ὁ Ἀντίοχοσ αἰσθανόμενόσ τε, καὶ τὴν ὀξύτητα τῶν γιγνομένων καταπλαγείσ, ἔδεισεν ὡσ ἐπὶ αἰφνιδίῳ καὶ ταχείᾳ μεταβολῇ, καὶ τῆσ εὐβουλίασ Ἀννίβου τότε ᾔσθετο, ἔσ τε τὴν Ἀσίαν ἄλλουσ ἐπ’ ἄλλοισ ἔπεμπεν ἐπισπέρχειν Πολυξενίδαν ἐσ τὴν διάβασιν, αὐτὸσ δ’ ὅσουσ εἶχε, πανταχόθεν συνεκάλει. γενομένων δ’ αὐτῷ τῶν μὲν οἰκείων πεζῶν μυρίων καὶ ἱππέων πεντακοσίων, ἐπὶ δὲ τούτοισ καὶ τινῶν συμμάχων, Θερμοπύλασ κατέλαβεν ὡσ τὴν δυσχωρίαν προβαλούμενοσ τοῖσ πολεμίοισ καὶ τὸν στρατὸν ἐκ τῆσ Ἀσίασ ἀναμενῶν. δίοδοσ δ’ ἐστὶν αἱ Θερμοπύλαι στενὴ καὶ ἐπιμήκησ, καὶ αὐτὴν περιέχει τῇ μὲν θάλασσα τραχεῖα καὶ ἀλίμενοσ, τῇ δὲ ἕλοσ ἄβατόν τε καὶ βαραθρῶδεσ. κορυφαί τε εἰσὶν ἐν αὐτῇ δύο ὀρῶν ἀπόκρημνοι, καὶ τούτων μὲν Τειχιοῦντα καλοῦσι τὴν δὲ Καλλίδρομον. ἔχει δὲ ὁ τόποσ θερμῶν ὑδάτων πηγάσ, καὶ Θερμοπύλαι ἀπὸ τοῦδ’ ἐπικλῄζονται. Τεῖχοσ οὖν ἐνταῦθα διπλοῦν ὁ Ἀντίοχοσ ᾠκοδομήσατο, καὶ τὰσ μηχανὰσ ἐπὶ τὸ τεῖχοσ ἐπέθηκεν.

καὶ ὁ βασιλεὺσ τοὺσ μὲν ψιλοὺσ καὶ πελταστὰσ προμάχεσθαι τῆσ φάλαγγοσ ἐκέλευσεν, αὐτὴν δ’ ἔστησε πρὸ τοῦ στρατοπέδου, ἐπὶ δεξιὰ δ’ αὐτῆσ τοὺσ σφενδονήτασ καὶ τοξότασ ἐπὶ τῶν ὑπωρειῶν, τοὺσ δ’ ἐλέφαντασ ἐν ἀριστερᾷ, καὶ τὸ στῖφοσ ὃ μετ’ αὐτῶν ἀεὶ συνετάσσετο, παρὰ τῇ θαλάσσῃ. ἔσ τε τὰσ κορυφὰσ τῶν ὀρῶν Αἰτωλοὺσ ἀνέπεμψε, μή τισ λάθοι κατὰ τὴν λεγομένην ἀτραπὸν περιελθών, ᾗ δὴ καὶ Λακεδαιμονίοισ τοῖσ ἀμφὶ Λεωνίδαν Ξέρξησ ἐπέθετο, ἀφυλάκτων τότε τῶν ὀρῶν ὄντων. Αἰτωλοὶ δὲ χιλίουσ μὲν ἑκατέρῳ τῶνδε τῶν ἄκρων ἐπέστησαν, τοῖσ δὲ λοιποῖσ ἐστρατοπέδευον ἐφ’ ἑαυτῶν περὶ πόλιν Ἡράκλειαν. ὁ δὲ Μάνιοσ ἐπεὶ κατεῖδε τὴν τῶν πολεμίων παρασκευήν, σημεῖον ἔδωκεν ἐσ ἑώ μάχησ· καὶ δύο τῶν χιλιάρχων, Μᾶρκον Κάτωνα καὶ Λεύκιον Οὐαλέριον, ἐκέλευσε νυκτόσ, ἐπιλεξαμένουσ ἑκάτερον ὁπόσουσ ἐθέλοι, τὰ ὄρη περιελθεῖν καὶ τοὺσ Αἰτωλοὺσ ἀπὸ τῶν ἄκρων, ὅπῃ δύναιντο, βιάσασθαι. τούτων ὁ μὲν Λεύκιοσ ἀπεκρούσθη τοῦ Τειχιοῦντοσ, ἀγαθῶν ἐνταῦθα τῶν Αἰτωλῶν γενομένων· ὁ δὲ Κάτων τῷ Καλλιδρόμῳ παραστρατοπεδεύσασ, κοιμωμένοισ ἔτι τοῖσ ἐχθροῖσ ἐπέπεσε περὶ ἐσχάτην φυλακήν, καὶ πολὺσ ἀμφ’ αὐτὸν ἐγίγνετο ἀγών, βιαζόμενον ἐσ ὑψηλὰ καὶ ἀπόκρημνα κωλυόντων τῶν πολεμίων. ἤδη δὲ καὶ Μάνιοσ ἐπῆγε τὴν στρατιὰν Ἀντιόχῳ κατὰ μέτωπον, ἐσ λόχουσ ὀρθίουσ διῃρημένην· ὧδε γὰρ μόνωσ ἐν στενοῖσ ἐδύνατο. Γενομένησ δ’ ἐν χερσὶ τῆσ μάχησ, τὰ μὲν πρῶτα τὸν Μάνιον οἱ ψιλοὶ πανταχόθεν περιτρέχοντεσ ἐλύπουν·

ἐπεὶ δὲ αὐτοὺσ φιλοπόνωσ δεχόμενόσ τε καὶ ἀναχωρῶν καὶ αὖθισ ἐπιὼν ἐτρέψατο, τοὺσ μὲν ψιλοὺσ ἡ φάλαγξ ἡ τῶν Μακεδόνων διαστᾶσα ἐσ αὑτὴν ἐδέξατο καὶ συνελθοῦσα ἐκάλυψε, καὶ τὰσ σαρίσσασ ἐν τάξει πυκνὰσ προὐβάλοντο, ᾧ δὴ μάλιστα οἱ Μακεδόνεσ ἐξ Ἀλεξάνδρου καὶ Φιλίππου κατεπλήσσοντο τοὺσ πολεμίουσ, ἀντίοισ δόρασι πολλοῖσ καὶ μακροῖσ οὐ τολμῶντασ πελάζειν. αἰφνίδιον δ’ ὤφθη τῶν Αἰτωλῶν ἐκ τοῦ Καλλιδρόμου φυγὴ καὶ βοή, καθαλλομένων ἐσ τὸ Ἀντιόχου στρατόπεδον. τὸ μὲν δὴ πρῶτον ἑκατέροισ ἄγνοιά τε τοῦ γιγνομένου καὶ θόρυβοσ ἦν ὡσ ἐν ἀγνοίᾳ· ὡσ δὲ ὁ Κάτων ἐπεφαίνετο διώκων αὐτοὺσ μετὰ πολλῆσ βοῆσ, καὶ ὑπὲρ τὸ στρατόπεδον ἐγίγνετο ἤδη τὸ Ἀντιόχου, ἔδεισαν οἱ τοῦ βασιλέωσ, περί τε τῆσ Ῥωμαίων μάχησ ἐπιφόβωσ ἐκ πολλοῦ πυνθανόμενοι, καὶ σφᾶσ εἰδότεσ ὑπὸ ἀργίασ καὶ τρυφῆσ δι’ ὅλου τοῦ χειμῶνοσ ἐσ δυσεργίαν διεφθαρμένουσ. τούσ τε σὺν τῷ Κάτωνι σαφῶσ μὲν οὐ καθορῶντεσ ὁπόσοι τινὲσ εἰε͂ν ὑπὸ δὲ τοῦ φόβου πλείουσ νομίζοντεσ εἶναι, καὶ περὶ τῷ στρατοπέδῳ δείσαντεσ, ἀκόσμωσ ἐσ αὐτὸ κατέφυγον ὡσ ἀπ’ αὐτοῦ τοὺσ πολεμίουσ ἀμυνούμενοι. Ῥωμαῖοι δ’ αὐτοῖσ παραθέοντεσ συνεσέπεσον ἐσ τὸ στρατόπεδον, καὶ ἦν ἄλλη φυγὴ τῶν Ἀντιοχείων ἐκεῖθεν ἄκοσμοσ. ὁ δὲ Μάνιοσ μέχρι μὲν ἐπὶ Σκάρφειαν ἐδίωκαν αὐτοὺσ κτείνων τε καὶ ζωγρῶν, ἀπὸ δὲ τῆσ Σκαρφείασ ἐπανιὼν διήρπαζε τὸ στρατόπεδον τοῦ βασιλέωσ καὶ τοὺσ Αἰτωλοὺσ ἐπιδραμόντασ τῷ Ῥωμαίων χάρακι παρὰ τὴν ἀπουσίαν αὐτῶν ἐξήλασεν ἐπιφανείσ. Ἀπέθανον δ’ ἐν τῇ μάχῃ καὶ τῇ διώξει Ῥωμαίων μὲν ἀμφὶ τοὺσ διακοσίουσ, Ἀντιόχου δέ, σὺν τοῖσ ληφθεῖσιν, ἀμφὶ τοὺσ μυρίουσ.

αὐτὸσ δ’ ὁ βασιλεὺσ ἀπὸ μὲν τῆσ πρώτησ τροπῆσ μετὰ πεντακοσίων ἱππέων ἐσ Ἐλάτειαν ἀμεταστρεπτὶ διέδραμεν, ἀπὸ δ’ Ἐλατείασ ἐσ Χαλκίδα καὶ ἐσ Ἔφεσον μετ’ Εὐβοίασ τῆσ νεογάμου ̔τοῦτο γὰρ αὐτὴν ὠνόμαζεν̓ ἐπὶ τῶν νεῶν ἔφυγεν, οὐδὲ τούτων ἁπασῶν· ἀγορὰν γάρ τινασ αὐτῶν διαφερούσασ ὁ Ῥωμαίων ναύαρχοσ ἐπαναχθεὶσ διεφθάρκει. οἱ δ’ ἐν ἄστει Ῥωμαῖοι τῆσ νίκησ πυθόμενοι, ταχείασ τε οὕτω σφίσι καὶ εὐχεροῦσ φανείσησ, ἔθυον, ἐκ φοβερᾶσ τῆσ Ἀντιόχου δόξησ τὴν πρώτην πεῖραν ἀσπασάμενοι. Φίλιππόν τε τῆσ συμμαχίασ ἀμειβόμενοι, τὸν υἱὸν αὐτῷ Δημήτριον, ὁμηρεύοντα ἔτι παρὰ σφίσιν, ἔπεμψαν. Καὶ τάδε μὲν ἦν ἐν ἄστει, Μάνιοσ δὲ Φωκέασ μὲν καὶ Χαλκιδέασ, καὶ ὅσοι ἄλλοι τῷ Ἀντιόχῳ συνεπεπράχεσαν, δεομένουσ ἀπέλυσε τοῦ δέουσ, τὴν δ’ Αἰτωλίαν αὐτόσ τε καὶ Φίλιπποσ ἐδῄουν, καὶ τὰσ πόλεισ ἐπολιόρκουν.

Δαμόκριτόν τε τὸν στρατηγὸν τῶν Αἰτωλῶν ἐνταῦθα ὁ Μάνιοσ ἔλαβε κρυπτόμενον, ὃσ Φλαμινίνῳ παρὰ τὸν Τίβεριν ἠπείλει στρατοπεδεύσειν. ὁ μὲν δὴ Μάνιοσ ἐπὶ Καλλιπόλεωσ διώδευε τὸ ὄροσ ὃ καλοῦσι Κόρακα, ὑψηλότατόν τε ὀρῶν καὶ δυσόδευτον καὶ ἀπόκρημνον, μετὰ στρατοῦ βαρυτάτου τε καὶ λαφύρων καταγόμου· πολλοὶ δ’ ἐξέπιπτον ὑπὸ τῆσ δυσοδίασ ἐσ τὰ ἀπόκρημνα, καὶ σκεύεσιν αὐτοῖσ καὶ ὅπλοισ κατεφέροντο. καὶ αὐτοὺσ δυνηθέντεσ ἂν οἱ Αἰτωλοὶ συνταράξαι οὐδὲ ὤφθησαν, ἀλλ’ ἐσ Ῥώμην περὶ εἰρήνησ ἐπρέσβευον. Ἀντίοχοσ δὲ τὴν στρατιὰν ἀπὸ τῶν ἄνω σατραπειῶν κατὰ σπουδὴν ἐπὶ θάλασσαν ἐκάλει, καὶ τὰσ ναῦσ ἐπεσκεύαζε, ναυαρχοῦντοσ αὐτῷ Πολυξενίδου Ῥοδίου φυγάδοσ. ἔσ τε Χερρόνησον διαπλεύσασ πάλιν αὐτὴν ὠχύρου, καὶ Σηστὸν καὶ Ἄβυδον ἐκρατύνετο, δι’ ὧν ἔδει τὴν φάλαγγα τὴν Ῥωμαίων ἐσ τὴν Ἀσίαν ὁδεῦσαί τε καὶ περᾶσαι. Λυσιμάχειαν δὲ ταμιεῖον τῷδε τῷ πολέμῳ ποιούμενοσ, ὅπλα καὶ σῖτον πολὺν ἐσ αὐτὴν συνέφερεν, ἡγούμενοσ αὐτίκα οἱ Ῥωμαίουσ πεζῷ τε πολλῷ καὶ ναυσὶν ἐπιθήσεσθαι. οἱ δὲ Μανίῳ μὲν αἱροῦνται διάδοχον ἐπὶ τὴν στρατηγίαν Λεύκιον Σκιπίωνα, ὃσ τότε αὐτοῖσ ὕπατοσ ἦν, ἀπράκτῳ δ’ ὄντι καὶ ἀπειροπολέμῳ σύμβουλον αἱροῦνται τὸν ἀδελφὸν Πόπλιον Σκιπίωνα τὸν Καρχηδονίουσ ἀφελόμενον τὴν ἡγεμονίαν καὶ πρῶτον ὀνομασθέντα Ἀφρικανόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4

(아피아노스, The Foreign Wars, chapter 4)

상위

목록

SEARCH

MENU NAVIGATION