호흡부호 보기
강세부호 보기
장단부호 보기
작은 Iota 보기
모든 부호 보기
Ἀντίοχοσ ὁ Σελεύκου τοῦ Ἀντιόχου, Σύρων καὶ Βαβυλωνίων καὶ ἑτέρων ἐθνῶν βασιλεύσ, ἕκτοσ δὲ ἀπὸ Σελεύκου τοῦ μετ’ Ἀλέξανδρον Ἀσίασ τῆσ περὶ Εὐφράτην βεβασιλευκότοσ, ἐσβαλὼν ἐσ Μηδίαν τε καὶ Παρθυηνὴν καὶ ἕτερα ἔθνη ἀφιστάμενα ἔτι πρὸ αὐτοῦ, καὶ πολλὰ καὶ μεγάλα δράσασ, καὶ μέγασ Ἀντίοχοσ ἀπὸ τοῦδε κληθείσ, ἐπαιρόμενοσ τοῖσ γεγονόσι καὶ τῇ δι’ αὐτὰ προσωνυμίᾳ, Συρίαν τε τὴν κοίλην καὶ Κιλικίασ ἔστιν ἃ Πτολεμαίου τοῦ φιλοπάτοροσ, Αἰγύπτου βασιλέωσ ἔτι παιδὸσ ὄντοσ, ἐπιδραμὼν περιέσπασε, καὶ μικρὸν οὐδὲν ἐνθυμούμενοσ Ἑλλησποντίουσ ἐπῄει καὶ Αἰολέασ καὶ Ιὤνασ ὡσ οἷ προσήκοντασ ἄρχοντι τῆσ Ἀσίασ, ὅτι καὶ πάλαι τῶν τῆσ Ἀσίασ βασιλέων ὑπήκουον. ἔσ τε τὴν Εὐρώπην διαπλεύσασ Θρᾴκην ὑπήγετο καὶ τὰ ἀπειθοῦντα ἐβιάζετο, Χερρόνησόν τε ὠχύρου, καὶ Λυσιμάχειαν ᾤκιζεν, ἣν Λυσίμαχοσ μὲν ὁ Θρᾴκησ ἐπὶ Ἀλεξάνδρῳ βασιλεύσασ ἔκτισεν ἐπιτείχισμα τοῖσ Θρᾳξὶν εἶναι, οἱ Θρᾷκεσ δ’ ἀποθανόντοσ τοῦ Λυσιμάχου καθῃρήκεσαν. καὶ ὁ Ἀντίοχοσ συνῴκιζε, τούσ τε φεύγοντασ τῶν Λυσιμαχέων κατακαλῶν, καὶ εἴ τινεσ αὐτῶν αἰχμάλωτοι γεγονότεσ ἐδούλευον ὠνούμενοσ, καὶ ἑτέρουσ προσκαταλέγων, καὶ βοῦσ καὶ πρόβατα καὶ σίδηρον ἐσ γεωργίαν ἐπιδιδούσ, καὶ οὐδὲν ἐλλείπων ἐσ ταχεῖαν ἐπιτειχίσματοσ ὁρμήν· πάνυ γὰρ αὐτῷ τὸ χωρίον ἐφαίνετο λαμπρῶσ ἔχειν ἐπὶ ὅλῃ Θρᾴκῃ, καὶ ταμιεῖον εὔκαιρον ἐσ τὰ λοιπὰ ὧν ἐπενόει πάντων ἔσεσθαι.
호흡부호 보기
강세부호 보기
장단부호 보기
작은 Iota 보기
모든 부호 보기