호흡부호 보기
강세부호 보기
장단부호 보기
작은 Iota 보기
모든 부호 보기
Οἱ Σεγεστανοὶ δὲ πᾶσαν πολιορκίαν ὑποστάντεσ ἡμέρᾳ τριακοστῇ κατὰ κράτοσ ἐλήφθησαν, καὶ τότε πρῶτον ἤρξαντο ἱκετεύειν. καὶ αὐτοὺσ ὁ Καῖσαρ ἐπαίνῳ τε τῆσ ἀρετῆσ καὶ ἐλέῳ τῆσ ἱκεσίασ οὔτε ἔκτεινεν οὔτε ἀνέστησεν, ἀλλὰ χρήμασιν ἐζημίωσε, καὶ τῆσ πόλεωσ μέροσ διατειχίσασ ἐσήγαγεν ἐσ αὐτὸ φρουρὰν πέντε καὶ εἴκοσι σπειρῶν. καὶ ὁ μὲν τάδ’ ἐργασάμενοσ ἐσ Ῥώμην ἀνέζευξεν, ὡσ ἦροσ ἐπανήξων ἐσ τὴν Ἰλλυρίδα. φήμησ δ’ ἐπιδραμούσησ ὅτι τὴν φρουρὰν οἱ Σεγεστανοὶ διέφθειραν, ἐξέθορε χειμῶνοσ. καὶ τὸ μὲν τέλοσ τῆσ φήμησ ψευδὲσ ηὑρ͂ε, τὴν δὲ αἰτίαν ἀληθῆ· ἐγεγόνεσαν γὰρ ἐν κινδύνῳ, τῶν Σεγεστανῶν αὐτοὺσ ἄφνω περιστάντων, καὶ πολλοὺσ τὸ αἰφνίδιον ἀπωλωλέκει, τῆσ δ’ ἐπιούσησ προελθόντεσ ἐκράτουν τῶν Σεγεστανῶν. ὁ οὖν Καῖσαρ ἐπὶ Δαλμάτασ μετῄει, γένοσ ἕτερον Ἰλλυριῶν, Ταυλαντίοισ ὅμορον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기