Appian, The Foreign Wars, chapter 1 2:

(아피아노스, The Foreign Wars, chapter 1 2:)

Φασὶ δὲ τὴν μὲν χώραν ἐπώνυμον Ἰλλυριοῦ τοῦ Πολυφήμου γενέσθαι· Πολυφήμῳ γὰρ τῷ Κύκλωπι καὶ Γαλατείᾳ Κελτὸν καὶ Ἰλλυριὸν καὶ Γάλαν παῖδασ ὄντασ ἐξορμῆσαι Σικελίασ, καὶ ἄρξαι τῶν δι’ αὐτοὺσ Κελτῶν καὶ Ἰλλυριῶν καὶ Γαλατῶν λεγομένων. καὶ τόδε μοι μάλιστα, πολλὰ μυθευόντων ἕτερα πολλῶν, ἀρέσκει. Ἰλλυριῷ δὲ παῖδασ Ἐγχέλεα καὶ Αὐταριέα καὶ Δάρδανον καὶ Μαῖδον καὶ Ταύλαντα καὶ Περραιβὸν γενέσθαι, καὶ θυγατέρασ Παρθὼ καὶ Δαορθὼ καὶ Δασσαρὼ καὶ ἑτέρασ, ὅθεν εἰσὶ Ταυλάντιοί τε καὶ Περραιβοὶ καὶ Ἐγχέλεεσ καὶ Αὐταριεῖσ καὶ Δάρδανοι καὶ Παρθηνοὶ καὶ Δασσαρήτιοι καὶ Δάρσιοι. Αὐταριεῖ δὲ αὐτῷ Παννόνιον ἡγοῦνται παῖδα ἢ Παίονα γενέσθαι, καὶ Σκορδίσκον Παίονι καὶ Τριβαλλόν, ὧν ὁμοίωσ τὰ ἔθνη παρώνυμα εἶναι. καὶ τάδε μὲν τοῖσ ἀρχαιολογοῦσι μεθείσθω, 3. γένη δ’ ἔστιν Ἰλλυριῶν, ὡσ ἐν τοσῇδε χώρᾳ, πολλά. καὶ περιώνυμα ἔτι νῦν, χώραν νεμόμενα πολλὴν, Σκορδίσκων καὶ Τριβαλλῶν, οἳ ἐσ τοσοῦτον ἀλλήλουσ πολέμῳ διέφθειραν ὡσ Τριβαλλῶν εἴ τι ὑπόλοιπον ἦν ἐσ Γέτασ ὑπὲρ Ἴστρον φυγεῖν, καὶ γένοσ ἀκμάσαν μέχρι Φιλίππου τε καὶ Ἀλεξάνδρου νῦν ἔρημον καὶ ἀνώνυμον τοῖσ τῇδε εἶναι, Σκορδίσκουσ δὲ ἀσθενεστάτουσ ἀπὸ τοῦδε γενομένουσ ὑπὸ Ῥωμαίων ὕστερον ὅμοια παθεῖν καὶ ἐσ τὰσ νήσουσ τοῦ αὐτοῦ ποταμοῦ φυγεῖν, σὺν χρόνῳ δέ τινασ ἐπανἐλθεῖν καὶ Παιόνων ἐσχατιαῖσ παροικῆσαι· ὅθεν ἔστι καὶ νῦν Σκορδίσκων γένοσ ἐν Παίοσιν. τῷ δ’ αὐτῷ τρόπῳ καὶ Ἀρδιαῖοι τὰ θαλάσσια ὄντεσ ἄριστοι πρὸσ Αὐταριέων ἀρίστων ὄντων τὰ κατὰ γῆν, πολλὰ βλάψαντεσ αὐτούσ, ὅμωσ ἐφθάρησαν. καὶ ναυτικοὶ μὲν ἐπὶ τοῖσ Ἀρδιαίοισ ἐγένοντο Λιβυρνοί, γένοσ ἕτερον Ἰλλυριῶν, οἳ τὸν Ιὄνιον καὶ τὰσ νήσουσ ἐλῄστευον ναυσὶν ὠκείαισ τε καὶ κούφαισ, ὅθεν ἔτι νῦν Ῥωμαῖοι τὰ κοῦφα καὶ ὀξέα δίκροτα Λιβυρνίδασ προσαγορεύουσιν.

SEARCH

MENU NAVIGATION