Appian, The Foreign Wars, chapter 20 2:

(아피아노스, The Foreign Wars, chapter 20 2:)

Οἱ δ’ ἐν ἄστει ὡσαύτωσ τὴν ναῦν ἰδόντεσ καὶ τῆσ νίκησ περὶ δείλην ἑσπέραν πυθόμενοι ἐσ τὰσ ὁδοὺσ ἐξεπήδων καὶ διενυκτέρευον μετ’ ἀλλήλων, ἡδόμενοι καὶ συμπλεκόμενοι ὡσ ἄρτι μὲν ἐλεύθεροι φόβων γεγονότεσ, ἄρτι δ’ ἄρχοντεσ ἑτέρων ἀσφαλῶσ, ἄρτι δὲ βέβαιον τὴν πόλιν ἔχοντεσ, καὶ νενικηκότεσ οἱάν οὔτινα πρότερον ἄλλην νικην. πολλὰ μὲν γὰρ αὑτοῖσ συνῄδεσαν ἔργα λαμπρά, πολλὰ δε τοῖσ πατρασιν ἔσ τε Μακεδόνασ καὶ Ἴβηρασ καὶ ἐσ Ἀντίοχον τὸν μέγαν ἔναγχοσ καὶ περὶ αὐτὴν Ἰταλίαν· πόλεμον δ’ οὐδένα ἄλλον οὕτωσ ἐπὶ θύραισ ἐπίφοβον αὑτοῖσ ᾔδεσαν, διά τε ἀνδρείαν καὶ φρόνημα καὶ τόλμαν ἐχθρῶν καὶ ἀπιστίαν ἐν σφίσιν ἐπικίνδυνον γενόμενον. ἀνέφερον δὲ καὶ ὧν ἔπαθον ὑπὸ Καρχηδονίων ἔν τε Σικελίᾳ καὶ Ἰβηρίᾳ καὶ περὶ αὐτὴν Ἰταλίαν ἑκκαίδεκα ἔτεσιν, Ἀννίβου τετρακόσια ἐμπρήσαντοσ ἄστη καὶ μυριάδασ ἀνδρῶν τριάκοντα ἐν μόναισ μάχαισ ἀνελόντοσ, ἐπί τε τὴν Ῥώμην πολλάκισ ἐλάσαντοσ καὶ ἐσ ἔσχατον κινδύνου συναγαγόντοσ. ὧν ἐνθυμούμενοι μάλιστα ἐξίσταντο περὶ τῆσ νίκησ ἐσ ἀπιστίαν αὐτῆσ, καὶ αὖθισ ἀνεπυνθάνοντο ἀλλήλων εἰ τῷ ὄντι Καρχηδὼν κατέσκαπται· ἐλεσχήνευόν τε δι’ ὅλησ νυκτὸσ ὅπωσ μὲν αὐτῶν τὰ ὅπλα περιῃρέθη καὶ ὅπωσ αὐτίκα παρὰ δόξαν ἐτεκτήναντο ἕτερα, ὅπωσ δὲ τὰσ ναῦσ ἀφῃρέθησαν καὶ στόλον ἐπήξαντο πάλιν ἐξ ὕλησ παλαιᾶσ, τό τε στόμα τοῦ λιμένοσ ὡσ ἀπεκλείσθη, καὶ στόμα ὡσ ὠρύξαντο ἕτερον ὀλίγαισ ἡμέραισ. καὶ τὸ τῶν τειχῶν ὕψοσ αὐτοῖσ διὰ στόματοσ ἦν, καὶ τὰ τῶν λίθων μεγέθη, καὶ τὸ πῦρ ὃ πολλάκισ ταῖσ μηχαναῖσ ἐπήνεγκαν. ὅλωσ τε τὸν πόλεμον ὡσ ὁρῶντεσ ἄρτι γιγνόμενον ἀλλήλοισ διετύπουν, καὶ ἐσ τὰσ φαντασίασ τῶν λεγομένων τῷ σχήματι τοῦ σώματοσ συνεφέροντο. καὶ τὸν Σκιπίωνα ὁρᾶν ἐδόκουν ἐπὶ κλιμάκων, ἐπὶ νεῶν, ἐν π ύλαισ, ἐν μάχαισ, πανταχοῦ διαθεοντα. οὕτω μὲν οι Ῥωμαῖοι διενυκτέρευσαν, 135. ἅμα δ’ ἡμέρᾳ θυσίαι τε καὶ πομπαὶ τοῖσ θεοῖσ ἐγίγνοντο κατὰ φυλήν, καὶ ἀγῶνεσ ἐπὶ τούτοισ καὶ θέαι ποικίλαι. Δέκα δὲ σφῶν αὐτῶν ἡ βουλὴ τοὺσ ἀριστουσ ἔπεμπε διαθησομένουσ Λιβύην μέτα Σκιπίωνοσ ἐσ τὸ Ῥωμαίων συμφέρον· οἳ Καρχηδόνοσ μὲν εἴ τι περίλοιπον ἔτι ἦν, ἔκριναν κατασκάψαι Σκιπίωνα, καὶ οἰκεῖν αὐτὴν ἀπεῖπον ἅπασι, καὶ ἐπηράσαντο, μάλιστα περὶ τῆσ Βύρσησ, εἴ τισ οἰκήσειεν αὐτὴν ἢ τὰ καλούμενα Μέγαρα· ἐπιβαίνειν δ’ οὐκ ἀπεῖπον. ὅσαι δὲ πόλεισ συνεμεμαχήκεσαν τοῖσ πολεμίοισ ἐπιμόνωσ, ἔδοξε καθελεῖν ἁπάσασ· καὶ ὅσαι Ῥωμαίοισ ἐβεβοηθήκεσαν, χώραν ἔδωκαν ἑκάστῃ τῆσ δορικτήτου, καὶ πρῶτον μάλιστα Ἰτυκαίοισ τὴν μέχρι Καρχηδόνοσ αὐτῆσ καὶ Ἱππῶνοσ ἐπὶ θάτερα. τοῖσ δὲ λοιποῖσ φόρον ὡρ́ισαν ἐπὶ τῇ γῇ καὶ ἐπὶ τοῖσ σώμασιν, ἀνδρὶ καὶ γυναικὶ ὁμοίωσ. καὶ στρατηγὸν ἐτήσιον αὐτοῖσ ἐκ Ῥώμησ ἐπιπέμπειν ἔκριναν. οἱ μὲν δὴ ταῦτα προστάξαντεσ ἀπέπλεον ἐσ Ῥώμην, ὁ δὲ Σκιπίων ἐποίει τὰ δόξαντα, καὶ θυσίασ ἐτέλει καὶ ἀγῶνασ ἐπὶ τῇ νίκῃ. ὡσ δὲ αὐτῷ πάντα ἐξετετέλεστο, διαπλεύσασ ἐπιφανέστατα δὴ πάντων διεθριάμβευε πολύχρυσον θρίαμβον, ἀγαλμάτων τε γέμοντα καὶ ἀναθημάτων, ὅσα Καρχηδόνιοι χρόνῳ πολλῷ και συνεχέσι νίκαισ ἐκ πάσησ γῆσ συνενηνόχεσαν ἐσ Λιβύην. τότε δ’ ἦν ὅτε καὶ κατὰ Μακεδόνων, ἁλόντοσ Ἀνδρισκου τοῦ ψευδοφιλίππου, τρίτοσ ἤγετο θρίαμβοσ, καὶ κατὰ τῆσ Ἑλλάδοσ πρῶτοσ ὑπὸ Μομμίου. καὶ ἦν ταῦτα ἀμφὶ τὰσ ἑξήκοντα καὶ ἑκατὸν ὀλυμπιάδασ.

일치하는 문장이 없습니다.

SEARCH

MENU NAVIGATION