Appian, The Foreign Wars, chapter 13 3:

(아피아노스, The Foreign Wars, chapter 13 3:)

Καὶ ἀπὸ τοῦδε ἦν οἶστροσ ἄλογόσ τε καὶ μανιώδησ, οἱο͂ν ἐν τοῖσ βακχείοισ πάθεσί φασι τὰσ μαινάδασ ἀλλόκοτα καινουργεῖν. οἱ μὲν τῶν βουλευτῶν τοὺσ περὶ τῶν ὁμήρων ἐσηγησαμένουσ ὡσ ἐξάρχουσ τῆσ ἐνέδρασ ᾐκίζοντο καὶ διέσπων, οἱ δὲ τοὺσ συμβουλεύσαντασ περὶ τῶν ὅπλων. οἱ δὲ τοὺσ πρέσβεισ κατέλευον ὡσ κακῶν ἀγγέλουσ, οἱ δὲ καὶ περιέσυρον ἀνὰ τὴν πόλιν. ἕτεροι δὲ τοὺσ Ἰταλούσ, οἳ ἔτι παρ’ αὐτοῖσ ὡσ ἐν αἰφνιδίῳ καὶ ἀκηρύκτῳ κακῷ ἦσαν, ἐλυμαίνοντο ποικίλωσ, ἐπιλέγοντεσ ὁμήρων πέρι καὶ ὅπλων καὶ ἀπάτησ ἀμύνεσθαι. οἰμωγῆσ τε ἅμα παὶ ὀργῆσ καὶ δέουσ καὶ ἀπειλῆσ ἡ πόλισ ἐνεπέπληστο, καὶ ἐν ταῖσ ὁδοῖσ ἀνεκάλουν τὰ φίλτατα, καὶ ἐσ τὰ ἱερὰ ὡσ ἄσυλα κατέφευγον, καὶ τοὺσ θεοὺσ ὠνείδιζον ὡσ οὐδὲ σφίσιν αὐτοῖσ ἐπικουρῆσαι δυναμένουσ. ἕτεροι δὲ ἐσ τὰσ ὁπλοθήκασ ἰόντεσ ἔκλαιον, ὁρῶντεσ κενάσ· οἱ δ’ ἐσ τὰ νεώρια καταθέοντεσ ὠδύροντο τὰσ ναῦσ ὡσ ἀπίστοισ ἀνδράσιν ἐκδεδομένασ. καὶ τὰ ὀνόματά τινεσ τῶν ἐλεφάντων ἀνεκάλουν ὡσ ἔτι παρόντων, τούσ τε προγόνουσ καὶ σφᾶσ αὐτοὺσ ἐλοιδόρουν, ὡσ δέον μήτε ναῦσ μήτε ἐλέφαντασ μήτε φόρουσ μήτε τὰ ὅπλα παραδόντασ ἀποθανεῖν σὺν τῇ πατρίδι ὡπλισμένῃ. μάλιστα δ’ αὐτοὺσ ἐσ ὀργὴν ἀνέκαιον αἱ μητέρεσ αἱ τῶν ὁμήρων, οἱᾶ́ τινεσ ἐκ τραγῳδίασ ἐρινύεσ ἐντυγχάνουσαι μετ’ ὀλολυγῆσ ἑκάστῳ, καὶ τὴν ἔκδοσιν τῶν παίδων προφέρουσαι καὶ τὴν ἑαυτῶν ἀπόρρησιν· ἐπεγέλων τε αὐτοῖσ ὡσ θεῶν ἀμυνομένων αὐτοὺσ ἀντὶ τῶν παίδων. ὀλίγον δ’ ὅσον ἐσωφρόνει, τὰσ πύλασ ἀπέκλειε, καὶ τὸ τεῖχοσ λίθων ἀντὶ καταπελτῶν ἐπλήρουν.

일치하는 문장이 없습니다.

SEARCH

MENU NAVIGATION