Appian, The Foreign Wars, chapter 12 4:

(아피아노스, The Foreign Wars, chapter 12 4:)

"Εἰ μὲν ἔστι καὶ τῶν πρότερον εἰρημένων ἔτι πρὸσ ὑμᾶσ, ὦ Ῥωμαῖοι, λόγοσ, ἐροῦμεν, οὐχ ὡσ δίκαια προφέροντεσ οὑ̓ γάρ ἐστιν ἐν καιρῷ τοῖσ ἀτυχοῦσιν ἀντιλογίἀ, ἀλλ’ ἵνα μάθητε ὡσ οὐκ ἀπροφάσιστόσ ἐστιν ὑμῖν ὁ ἔλεοσ ὁ ἐφ’ ἡμῖν, οὐδὲ ἄλογοσ. ἡμεῖσ γὰρ Λιβύησ ἄρχοντεσ καὶ θαλάσσησ ὅτι πλείστησ, περὶ ἡγεμονίασ ὑμῖν ἐπολεμήσαμεν· καὶ ταύτησ ἀπέστημεν ἐπὶ Σκιπίωνοσ, ὅτε τὰσ ναῦσ ὑμῖν παρέδομεν καὶ ἐλέφαντασ ὅσουσ εἴχομεν, καὶ φόρουσ ἐταξάμεθα δώσειν καὶ δίδομεν ἐν καιρῷ. πρὸσ οὖν θεῶν τῶν τότε ὀμωμοσμένων, φείδεσθε μὲν ἡμῶν, φείδεσθε δὲ τῶν Σκιπίωνοσ ὁρ́κων, ὀμόσαντοσ ἔσεσθαι Ῥωμαίουσ Καρχηδονίοισ συμμάχουσ καὶ φίλουσ. οὐδ’ ἔστιν ἐσ ταυθ’ ὅ τι ἡμάρτομεν. οὐ ναῦσ ἔχομεν, οὐκ ἐλέφαντασ, οὐ τοὺσ φόρουσ ἐκλείπομεν, ἀλλὰ καὶ συνεμαχήσαμεν ὑμῖν ἐπὶ τρεῖσ βασιλέασ. μηδέ τῳ παραστῇ καταγιγνώσκειν, εἰ ταῦτα καὶ πρῴην εἴπομεν, ὅτε τὰ ὅπλα ᾐτεῖτε· αἵ τε γὰρ συμφοραὶ ποιοῦσι μακρολόγουσ, καὶ ἅμα συνθηκῶν οὐδὲν ἐν ταῖσ ἱκεσίαισ δυνατώτερον, οὐδ’ ἔχομεν ἐν οὐδὲν ἕτερον ἀντὶ λόγων καταφυγεῖν, οἳ τὴν δύναμιν ὑμῖν ἅπασαν ἐξέδομεν. τὰ μὲν δὴ πρότερα τοιαῦτα, ὧν ὁ Σκιπίων ἐστὶν ἡμῖν, ὦ Ῥωμαῖοι, βεβαιωτήσ· τῶν δὲ παρόντων ὑμεῖσ, ὦ ὕπατοι, δημιουργοὶ καὶ μάρτυρέσ ἐστε ἡμῖν. ὅμηρα ᾐτήσατε, καὶ τὰ κράτιστα ἠγάγομεν ὑμῖν. ὅπλα ᾐτήσατε, καὶ πάντα ἐλάβετε, ὧν οὐδὲ οἱ ληφθέντεσ ἐν ταῖσ πολιορκίαισ ἑκόντεσ μεθίενται. ἐπιστεύσαμεν δὲ ἡμεῖσ τῷ Ῥωμαίων ἤθει καὶ τρόπῳ· καὶ γὰρ ἡ σύγκλητοσ ἡμῖν ἐπέστειλε, καὶ ὑμεῖσ, τὰ ὅμηρα αἰτοῦντεσ, ἔφατε τὴν Καρχηδόνα αὐτόνομον ἐάσειν, εἰ λάβοιτε. εἰ δὲ προσέκειτο καὶ τὰ λοιπὰ ὑμῶν ἀνέξεσθαι κελευόντων, οὐκ εἰκὸσ ἦν ὑμᾶσ ἐπὶ μὲν τοῖσ ὁμήροισ, αἰτήματι σοφεῖ, τὴν πόλιν αὐτόνομον ἔσεσθα ι προαγορεῦσαι, ἐν δὲ προσθήκῃ τῶν ὁμήρων ποιεῖσθαι τὴν Καρχηδόνοσ αὐτῆσ κατασκαφήν, ἣν εἰ θέμισ ὑμῖν ἐστὶν ἀνελεῖν, πῶσ ἐλευθέραν ἔτι ἀφήσετε ἢ αὐτόνομον, ὡσ ἐλέγετε;

일치하는 문장이 없습니다.

SEARCH

MENU NAVIGATION