헬라어 문장 검색 - Αππιαν́ΤηεΦορέ49́

(아피아노스, The Foreign Wars, chapter 11)

Τοιόσδε μὲν ὁ Μασσανάσσου καὶ Καρχηδονίων πόλεμοσ ἦν, ἐκδέχεται δ’ αὐτὸν ὁ τρίτοσ ἐν Λιβύῃ καὶ τελευταῖοσ Ῥωμαίων. καὶ Καρχηδόνιοι τῷ Μασσανάσσου πταίσματι συμπεσόντεσ, ἀσθενεστάτησ ὑπ’ αὐτοῦ τῆσ πόλεωσ γενομένησ, αὐτόν τε Μασσανάσσην ἐδεδοίκεσαν ἐγγὺσ ἔτι ὄντα μετὰ πολλοῦ στρατοῦ, καὶ Ῥωμαίουσ δυσμεναίνοντασ ἀεὶ σφίσι καὶ πρόφασιν θησομένουσ τὰ ἐσ τὸν Μασσανάσσην γενόμενα. ὧν οὐδέτερον κακῶσ ὑπενόουν· αὐτίκα γὰρ οἱ Ῥωμαῖοι πυθόμενοι στρατὸν ἐπήγγελλον ἐσ ὅλην τὴν Ἰταλίαν, τὴν μὲν χρείαν οὐ λέγοντεσ, ὡσ δ’ ἂν ὀξέωσ ἔχοιεν ἐσ τὰ παραγγελλόμενα χρῆσθαι. καὶ οἱ Καρχηδόνιοι νομίζοντεσ ἐκλύσειν τὴν πρόφασιν, ἐπεκήρυσσον Ἀσδρούβᾳ τε τῷ στρατηγήσαντι τοῦδε τοῦ πρὸσ Μασσανάσσην πολέμου καὶ Καρθάλωνι τῷ βοηθάρχῳ, καὶ εἴ τισ ἄλλοσ ἐφῆπτο τοῦ ἔργου, θάνατον, ἐσ ἐκείνουσ τὴν αἰτίαν τοῦ πολέμου περιφέροντεσ. ἔσ τε Ῥώμην πρέσβεισ ἔπεμπον, οἳ κατηγόρουν μὲν αὐτοῦ Μασσανάσσου, κατηγόρουν δὲ καὶ τῶνδε τῶν ἀνδρῶν ὡσ ἀμυναμένων αὐτὸν ὀξέωσ τε καὶ προπετῶσ καὶ τὴν πόλιν ἐσ πρόφασιν ἔχθρασ ἐμβαλόντων. ὡσ δέ τισ τῶν βουλευτῶν τοὺσ πρέσβεισ ἤρετο ὅπωσ οὐκ ἐν ἀρχῇ τοῦ πολέμου τοὺσ αἰτίουσ, ἀλλὰ μετὰ τὴν ἧσσαν ἐξεκήρυξαν, καὶ πρὸσ ἡμᾶσ οὐ πρότερον ἀλλὰ νῦν πρεσβεύεσθε, οἱ μὲν ἀποκρίσεωσ ἠπόρουν, ἡ δὲ βουλὴ πάλαι διεγνωκυῖα πολεμῆσαι καὶ προφάσεισ ἐρεσχηλοῦσα ὧδε ἀπεκρίνατο, Καρχηδονίουσ οὔπω Ῥωμαίοισ ἱκανῶσ ἀπολογήσασθαι. πάλιν οὖν ἀγωνιῶντεσ ἠρώτων, εἰ δοκοῦσιν ἁμαρτεῖν, τί παθόντεσ ἀπολύσονται τὸ ἔγκλημα. οἱ δὲ οὕτωσ ἔφασαν τῷ ῥήματι, "εἰ τὸ ἱκανὸν ποιήσετε Ῥωμαίοισ. " ζητούντων δ’ ἐκείνων ὅ τι εἰή τὸ ἱκανόν, οἱ μὲν ᾤοντο Ῥωμαίουσ ἐθέλειν τοῖσ χρήμασι προσεπιθεῖναι τοῖσ ἐπὶ Σκιπίωνοσ ὡρισμένοισ, οἱ δὲ Μασσανάσσῃ τῆσ ἀμφιλόγου γ ῆσ μεταστῆναι. ἀποροῦντεσ οὖν πάλιν ἐσ Ῥώμην ἔπεμπον, καὶ παρεκάλουν γνῶναι σαφῶσ ὅ τι ἐστὶν αὐτοῖσ τὸ ἱκανόν. οἱ δὲ αὖθισ ἔφασαν εἰδέναι Καρχηδονίουσ καλῶσ, καὶ εἰπόντεσ ἀπέπεμψαν. Οἱ μὲν δὴ φόβου καὶ ἀπορίασ ἦσαν ἐν τούτῳ, Ἰτύκη δέ, ἡ Λιβύησ μεγίστη μετὰ Καρχηδόνα πόλισ, λιμένασ τε ἔχουσα εὐόρμουσ καὶ στρατοπέδων καταγωγὰσ δαψιλεῖσ, ἑξήκοντα σταδίουσ ἀπὸ Καρχηδόνοσ ἀφεστῶσα καὶ καλῶσ ἐσ πόλεμον αὐτοῖσ ἐπικειμένη, τὰ Καρχηδονίων ἄρα καὶ αὕτη τότε ἀπογνοῦσα καὶ τὸ πάλαι μῖσοσ ἐσ αὐτοὺσ ἐκφέρουσα ἐν καιρῷ, πρέσβεισ ἐσ Ῥώμην ἔπεμψεν, οἳ τὴν Ἰτύκην Π̔ωμαίοισ ἐπέτρεπον.

ἡ δὲ βουλὴ καὶ τέωσ ἐσ τὸν πολεμον ὁρμῶσά τε καὶ παρασκευαζομένη, πόλεωσ ὀχυρᾶσ οὕτω καὶ ἐπικαίρου προσγενομένησ ἐξέφηνέ τε τὴν γνώμην, καὶ ἐσ τὸ Καπιτώλιον, οὗπερ εἰώθασι περὶ πολέμου σκοπεῖν, συνελθοῦσα ἐψηφίσατο Καρχηδονίοισ πολεμεῖν. στρατηγούσ τε τοὺσ ὑπάτουσ αὐτίκα ἐξέπεμπον, ἐπὶ μὲν τοῦ πεζοῦ Μάνιον Μανίλιον, ἐπὶ δὲ τοῦ στόλου Λεύκιον Μάρκιον Κηνσωρῖνον, οἷσ ἐν ἀπορρήτῳ ἐλέλεκτο μὴ ἀνασχεῖν τοῦ πολέμου πρὶν Καρχηδόνα κατασκάψαι. οἱ μὲν δὴ θύσαντεσ ἐσ Σικελίαν ἔπλεον ὡσ ἐκεῖθεν ἐσ τὴν Ἰτύκην διαβαλοῦντεσ, ναυσὶ δ’ ἐφέροντο πεντήκοντα μὲν πεντήρεσιν, ἑκατὸν δ’ ἡμιολίαισ, ἀφράκτοισ δὲ καὶ κερκούροισ καὶ στρογγύλοισ πολλοῖσ. καὶ στρατὸν ἦγον ὀκτακισμυρίουσ πεζοὺσ καὶ ἱππέασ ἐσ τετρακισχιλίουσ, ἀρίστουσ ἅπαντασ· ὡσ γὰρ ἐσ ἐπιφανῆ στρατείαν καὶ προῦπτον ἐλπίδα πᾶσ τισ ἀστῶν καὶ συμμάχων ὡρ́μα, καὶ πολλοὶ καὶ ἐθελονταὶ παρήγγελλον ἐσ τὸν κατάλογον. Καρχηδονίοισ δὲ προσέπεσεν ἥ τε κρίσισ τοῦ πολέμου καὶ τὸ ἔργον ὁμοῦ δι’ ἑνὸσ ἀγγέλου·

ὁ γὰρ αὐτὸσ ἔφερέ τε τὸ ψήφισμα τοῦ πολέμου, καὶ τὰσ ναῦσ ἐδήλου πλεῖν ἐπὶ σφᾶσ. ἐκπλαγέντεσ οὖν ἀπεγίγνωσκον αὑτῶν ἀπορίᾳ τε νεῶν καὶ ἀπωλείᾳ προσφάτῳ τοσῆσδε νεότητοσ, οὐ συμμάχουσ ἔχοντεσ, οὐ μισθοφόρουσ ἑτοίμουσ, οὐ σῖτον ἐσ πολιορκίαν συνενηνεγμένον, οὐκ ἄλλο οὐδέν, ὡσ ἐν ἀκηρύκτῳ καὶ ταχεῖ πολέμῳ, οὐδ’ αὐτοὶ διαρκεῖν δυνάμενοι Ῥωμαίοισ τε καὶ Μασσανάσσῃ. πρέσβεισ οὖν ἑτέρουσ ἐσ Ῥώμην ἔπεμπον αὐτοκράτορασ, ὅπῃ δύναιντο, τὰ παρόντα διαθέσθαι. οἷσ ἡ σύγκλητοσ εἶπεν, ἐὰν τοῖσ ὑπάτοισ ἔτι οὖσιν ἐν Σικελίᾳ, τριάκοντα ἡμερῶν τῶνδε, οἱ Καρχηδόνιοι τριακοσίουσ τοὺσ ἐνδοξοτάτουσ σφῶν παῖδασ ἐσ ὁμηρείαν παράσχωσι καὶ τἄλλα κατακούσωσιν αὐτῶν, ἕξειν Καρχηδόνα ἐλευθέραν τε καὶ αὐτόνομον, καὶ γῆν ὅσην ἔχουσιν ἐν Λιβύῃ. ταῦτα μὲν ἐσ τὸ φανερὸν ἐψηφίσαντο, καὶ τοῖσ πρέσβεσιν ἔδωκαν ἐσ Καρχηδόνα φέρειν τὸ δόγμα· ἐν ἀπορρήτῳ δὲ τοῖσ ὑπάτοισ ἐπέστειλαν ἔχεσθαι τῶν ἰδίᾳ σφίσιν ἐντεταλμένων. Οἱ δὲ Καρχηδόνιοι τὴν μὲν γνώμην ὑπώπτευον, οὐκ ἐπὶ συνθήκῃ βεβαίᾳ τὰ ὅμηρα παρέχοντεσ·

οἱᾶ δ’ ἐν κινδύνῳ τοσῷδε, τὰσ ἐλπίδασ ἐν ᾧ μηδὲν ἐκλείψουσι τιθέμενοι, σπουδῇ προλαβόντεσ τὴν προθεσμίαν, τοὺσ παῖδασ ἦγον ἐσ Σικελίαν, γονέων τε αὐτοῖσ ἐπικλαιόντων καὶ οἰκείων, καὶ μάλιστα τῶν μητέρων, αἳ σὺν ὀλολυγῇ μανιώδει τῶν τέκνων ἐξήπτοντο καὶ νεῶν τῶν φερουσῶν αὐτὰ καὶ στρατηγῶν τῶν ἀγόντων, ἀγκυρῶν τε ἐπελαμβάνοντο καὶ καλῴδια διέσπων καὶ ναύταισ συνεπλέκοντο καὶ τὸν πλοῦν ἐκώλυον. εἰσὶ δ’ αἳ καὶ μέχρι πολλοῦ τῆσ θαλάσσησ παρένεον, δεδακρυμέναι τε καὶ ἐσ τὰ τέκνα ἀφορῶσαι. αἱ δ’ ἐπὶ τῆσ γῆσ τὰσ κόμασ ἐτίλλοντο καὶ τὰ στέρνα ἔκοπτον ὡσ ἐπὶ πένθει· ἐδόκουν γὰρ ὄνομα μὲν ἐσ εὐπρέπειαν εἶναι τὴν ὁμηρείαν, ἔργῳ δὲ τῆσ πόλεωσ ἔκδοσιν, ἐπ’ οὐδεμιᾷ συνθήκῃ τῶνδε τῶν παίδων διδομένων. καὶ πολλαὶ καὶ τοῦτο ἐν ταῖσ οἰμωγαῖσ κατεμαντεύοντο τῇ πόλει, μηδὲν αὐτὴν ὀνήσειν τοὺσ παῖδασ ἐκδιδομένουσ· ἐν μὲν δὴ τῇ Καρχηδόνι τῶν ὁμήρων ἡ ἀναγωγὴ τοιάδε τισ ἦν, ἐν δὲ τῇ Σικελίᾳ παραλαβόντεσ αὐτὰ οἱ ὕπατοι διέπεμπον ἐσ Ῥώμην, καὶ τοῖσ Καρχηδονίοισ ἔφασαν ἐσ τὸ τέλοσ τοῦ πολέμου τὰ λοιπὰ ἐρεῖν ἐν Ἰτύκῃ. Διαπλεύσαντέσ τε ἐσ αὐτὴν ἐστρατοπέδευον, ὁ μὲν πεζὸσ ἔνθα πάλαι τὸ Σκιπίωνοσ ἦν στρατόπεδον, αἱ δὲ νῆεσ ἐν τοῖσ λιμέσι τοῖσ Ἰτυκαίων.

ἀφικομένων δὲ κἀκεῖ πρέσβεων ἐκ Καρχηδόνοσ, οἱ μὲν ὕπατοι προυκάθηντο ἐπὶ βήματοσ ὑψηλοῦ, ἡγεμόνων τε σφίσι καὶ χιλιάρχων παρεστώτων, ἡ στρατιὰ δ’ ἑκατέρωθεν ἐπὶ μῆκοσ πολὺ ὅπλοισ τε ἐπισήμοισ ἐσκεύαστο, καὶ τὰ σημεῖα ἔφερον ὀρθά, ἵνα οἱ πρέσβεισ τὸ πλῆθοσ ἐκ τούτων συμβάλοιεν. ἐπεὶ δ’ οἱ μὲν ὕπατοι τῷ σαλπικτῇ προσέταξαν ὑποσημῆναι σιωπήν, ὁ δὲ κήρυξ ἀνεῖπε τοὺσ Καρχηδονίων πρέσβεισ προσιέναι, οἱ μὲν ἐσήγοντο διὰ στρατοπέδου μακροῦ, καὶ τοῦ βήματοσ οὐ προσεπέλαζον, ἀλλὰ περισχοίνισμα ἦν ἐν μέσῳ, οἱ δ’ ὕπατοι λέγειν αὐτοὺσ ἐκέλευον ὅ τι χρῄζοιεν. καὶ οἱ πρέσβεισ ἔλεγον ἐλεεινὰ πολλὰ καὶ ποικίλα, συνθηκῶν τε πέρι τῶν σφίσι πρὸσ Ῥωμαίουσ γενομένων, καὶ Καρχηδόνοσ αὐτῆσ χρόνου καὶ πλήθουσ καὶ δυνάμεωσ καὶ ἀρχῆσ τῆσ ἐσ πολὺ μεγίστησ ἐν γῇ καὶ θαλάσσῃ γενομένησ. οὐκ ἐπὶ σεμνολογίᾳ δὲ ἔφασαν λέγειν· οὐ γὰρ εἶναι καιρὸν ἐν συμφοραῖσ σεμνολογίασ, "ἀλλ’ ἐσ σωφρόνισμα ὑμῖν, ὦ Ῥωμαῖοι, καὶ μετριοπάθειαν ἡ τῆσ ἡμετέρασ μεταβολῆσ ὀξύτησ ἔστω. κράτιστοι δέ, ὅσοι τοὺσ πταίσαντασ ἐλεοῦντεσ τὸ σφέτερον εὐέλπι ποιοῦνται τῷ μηδὲν ἐσ ἄλλασ τύχασ ἁμαρτεῖν. καὶ τάδε μὲν ὑμῶν ἄξια καὶ τῆσ ὑμετέρασ εὐσεβείασ, ἣν προσποιεῖσθε μάλιστα ἀνθρώπων· Εἰ δὲ καὶ ἀνημέρων ἐτετυχήκειμεν ἐχθρῶν, κόροσ ἐστὶν ἀτυχημάτων ὅσα πεπόνθαμεν, οἳ τὴν ἡγεμονίαν τῆσ τε γῆσ καὶ θαλάσσησ ἀφῃρήμεθα, καὶ τὰσ ναῦσ ὑμῖν παρεδώκαμεν, καὶ ἄλλασ οὐκ ἐπικτώμεθα, καὶ θήρασ καὶ κτήσεωσ ἐλεφάντων ἀπέστημεν, καὶ ὅμηρα τὰ κράτιστα καὶ πάλαι καὶ νῦν παρεδώκαμεν, καὶ φόρουσ τελοῦμεν εὐτάκτωσ οἱ παρ’ ἑτέρων ἀεὶ λαμβάνοντεσ.

καὶ τάδε ἤρκεσε τοῖσ πατράσιν ὑμῶν, οἷσ ἐπολεμήσαμεν· καὶ συνθήκασ ἐπ’ αὐτοῖσ ἐγράψαντο ἡμῖν ὡσ φίλοισ τε καὶ συμμάχοισ, καὶ ὁρ́κοσ ἔστιν ἐν ταῖσ συνθήκαισ ἀμφοῖν ὅμοιοσ. κἀκεῖνοι μὲν ἡμῖν, οἷσ ἐπολεμήσαμεν, πιστοὶ μετὰ ταῦτα ἐγένοντο· ὑμεῖσ δέ, οἷσ οὐδ’ ἐσ χεῖρασ ἤλθομεν, τί τῶνδε τῶν συνθηκῶν αἰτιώμενοι παραβεβάσθαι, τὸν πόλεμον τόνδε ὀξέωσ οὕτωσ ἐψηφίσασθέ τε καὶ ἀκηρύκτωσ ἐπηγάγετε ἡμῖν; πότερον οὐ δίδομεν τοὺσ φόρουσ; ἢ ναῦσ ἔχομεν, ἢ τοὺσ ἐπιφθόνουσ ἐλέφαντασ; ἢ οὐ πιστοὶ τὰ πρὸσ ὑμᾶσ ἐξ ἐκείνου γεγόναμεν; ἢ οὐκ ἐλεεινοὶ τῶν πέντε μυριάδων τῶν χθὲσ ἀπολομένων ὑπὸ λιμοῦ; ἀλλὰ Μασσανάσσῃ πεπολεμήκαμεν· πολλά γε πλεονεκτοῦντι· καὶ πάντα δι’ ὑμᾶσ ἐφέρομεν. ἀπαύστωσ δ’ ἔχων καὶ ἀθεμίστωσ ἐσ ἡμᾶσ καὶ τὸ ἔδαφοσ ἐν ᾧ καὶ ἐτράφη καὶ ἐπαιδεύθη, γῆν ἄλλην ἡμῶν ἀπέσπα περὶ τὸ Ἐμπόριον· καὶ λαβὼν καὶ τήνδε ἐπέβαινεν ἑτέρασ, μέχρι τὰσ συνθήκασ ἡμῖν τὰσ πρὸσ ὑμᾶσ συνέχεεν· εἰ τοῦτ’ ἐστὶν ἡ τοῦδε τοῦ πολέμου πρόφασισ, ἡμεῖσ δὲ καὶ τοὺσ ἀμυναμένουσ αὐτὸν ἐξεκηρύξαμεν, καὶ πρὸσ ὑμᾶσ πρέσβεισ ἐπέμψαμεν οἳ περὶ τούτων ἀπελογοῦντο, καὶ ἑτέρουσ αὐτοκράτορασ ὅπῃ θέλετε συνθέσθαι. τί οὖν ἔδει νεῶν καὶ στόλου καὶ στρατοῦ πρὸσ ἄνδρασ οὐχ ὁμολογοῦντασ μὲν ἁμαρτεῖν, ἑαυτοὺσ δὲ ὑμῖν ἐπιτρέποντασ; ὅτι δὲ οὐκ ἀπατῶντεσ ὑμᾶσ, οὐδὲ μικρολογούμενοι παθεῖν ὅ τι ἂν ζημιῶτε, ταῦτα προυτείνομε ν, ἐπιδέδεικται σαφῶσ. ὅτε τοὺσ ἀρίστουσ παῖδασ ἐσ ὁμηρείαν αἰτοῦσιν ὑμῖν εὐθύσ, ὡσ τὸ δόγμα ἐκέλευε, τὰσ τριάκοντα προλαβόντεσ ἡμέρασ, ἀπεστείλαμεν. τοῦ δ’ αὐτοῦ δόγματόσ ἐστιν, ἢν παράσχωμεν ὑμῖν τὰ ὅμηρα, τὴν Καρχηδόνα ἐλευθέραν ἐᾶν καὶ αὐτόνομον, κεκτημένην ἃ ἔχομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 11

(아피아노스, The Foreign Wars, chapter 11)

상위

목록

SEARCH

MENU NAVIGATION