Appian, The Foreign Wars, chapter 9 3:

(아피아노스, The Foreign Wars, chapter 9 3:)

Οἱ δὲ πάνυ μὲν ἥδοντο κεκρατηκότεσ πόλεωσ τοσαύτησ, ἣ πολλὰ καὶ δεινὰ πρότερον αὐτοὺσ ἐδεδράκει, καὶ τῶν ἐπὶ τῆσ γῆσ δευτέραν ἢ τρίτην εἶχεν ἡγεμονίαν· οἱ σύμβουλοι δ’ ἐστασίαζον, οἱ μὲν ἔτι σὺν ὀργῇ χαλεπαίνοντεσ τοῖσ Καρχηδονίοισ, οἱ δὲ ἐλεοῦντεσ αὐτοὺσ ἤδη, καὶ ἀξιοῦντεσ ἐν ταῖσ ἀλλοτρίαισ συμφοραῖσ τὸ σφέτερον εὐπρεπῶσ διατίθεσθαι. ὑπαναστὰσ δέ τισ τῶν Σκιπίωνοσ φίλων εἶπεν· "οὐ περὶ τῆσ Καρχηδονίων σωτηρίασ ἐστὶν ἡμῖν ἡ φροντίσ, ὦ ἄνδρεσ, ἀλλὰ περὶ τῆσ Ῥωμαίων ἔσ τε θεοὺσ πίστεωσ καὶ πρὸσ ἀνδρῶν εὐφημίασ, μὴ Καρχηδονίων αὐτῶν ὠμότερα πράξωμεν, οἳ Καρχηδονίοισ ὠμότητα ἐπικαλοῦμεν, καὶ μετριοπαθείασ ἀεὶ φροντίσαντεσ ἐπὶ τῶν βραχυτέρων, ἀμελήσωμεν ἐν τοῖσ μείζοσιν· ἃ μηδὲ λαθεῖν ἔνεστι διὰ τὸ μέγεθοσ, ἀλλ’ ἐσ ἅπασαν γῆν περιελεύσεται καὶ νῦν καὶ ὕστερον, ἢν πόλιν περιώνυμον καὶ θαλασσοκράτορα ἀνέλωμεν, ἣ καὶ νήσων ἦρξε πολλῶν καὶ θαλάσσησ ὅλησ καὶ Λιβύησ ὑπὲρ ἥμισυ, ἔν τε τοῖσ πρὸσ ἡμᾶσ αὐτοὺσ ἀγῶσι πολλὰ καὶ τύχησ καὶ δυνάμεωσ ἔργα ἐπεδείξατο, οἷσ ἔτι μὲν φιλονεικοῦσιν ἐρίζειν ἔδει, πεσόντων δὲ φείδεσθαι, καθὰ καὶ τῶν ἀθλητῶν οὐδεὶσ τὸν πεσόντα ἔτι τύπτει, καὶ τῶν θηρίων τὰ πολλὰ φείδεται τῶν καταπεσόντων. καλὸν δ’ ἐν τοῖσ εὐτυχήμασι νέμεσιν θεῶν φυλάσσεσθαι καὶ ἀνθρώπων φθόνον. εἰ δέ τισ, ὅσα ἔδρασαν ἡμᾶσ, ἀκριβῶσ ἐκλογίζεται, αὐτὸ μάλιστά ἐστι τοῦτο τῆσ τύχησ τὸ φοβερώτατον, εἰ περὶ μόνησ ἄρτι σωτηρίασ παρακαλοῦσιν οἱ πόσα καὶ πηλίκα δεδυνημένοι δρᾶσαι καὶ οὐ πρὸ πολλοῦ περί τε Σικελίασ καὶ Ἰβηρίασ καλῶσ ἀγωνισάμενοι. ἀλλ’ ἐκείνων μὲν δίκασ ἔδοσαν, τῶν δὲ τελευταίων παραβάσεων λιμὸν αἰτιῶνται, κακὸν ἀνθρώποισ ἐπιπονώτατον, ὃ πάντασ ἐξαιρεῖν δύναται λογισμούσ.

일치하는 문장이 없습니다.

SEARCH

MENU NAVIGATION