Appian, The Foreign Wars, chapter 7 4:

(아피아노스, The Foreign Wars, chapter 7 4:)

Οὕτω μὲν Ἀννίβασ ἐξέτασσε, Σκιπίωνι δ’ ἦσαν ἀμφὶ τοὺσ δισμυρίουσ καὶ τρισχιλίουσ, ἱππεῖσ δ’ Ἰταλῶν καὶ Ῥωμαίων χίλιοι καὶ πεντακόσιοι. ἐν δὲ τοῖσ μέσοισ ἤστην αὐτόσ τε καὶ Ἀννίβασ, κατὰ δόξαν ἀλλήλων, ἔχοντεσ ἀμφ’ αὑτοὺσ ἱππέασ, ἐπικουρεῖν ὅπῃ τι πονούμενον ἴδοιεν, ὁ μὲν Ἀννίβασ τετρακισχιλίουσ, ὁ δὲ Σκιπίων δισχιλίουσ, καὶ τοὺσ τριακοσίουσ Ἰταλοὺσ οὓσ αὐτὸσ ὥπλισεν ἐν Σικελίᾳ. συνεμάχει δὲ Μασσανάσσησ ἱππεῦσι Νομάσι πολλοῖσ, καὶ Δακάμασ ἕτεροσ δυνάστησ ἱππεῦσιν ἑξακοσίοισ. τὸ μὲν οὖν πεζὸν ἐσ τρεῖσ καὶ ὅδε τάξεισ ἐπέταττεν ὁμοίωσ Ἀννίβᾳ, λόχουσ δ’ ὀρθίουσ ἐποιεῖτο πάντασ, ἵνα δι’ αὐτῶν οἱ ἱππεῖσ εὐχερῶσ διαθέοιεν. ἐφίστη δ’ ἑκάστῳ λόχῳ προμάχουσ κατὰ μέτωπον, οἳ ξύλα παχέα διπήχη μάλιστα, πυκνὰ καὶ τὰ πολλὰ αὐτῶν σεσιδηρωμένα, ἔμελλον ὡσ καταπέλτασ ἐκ χειρὸσ ἐσ τοὺσ ἐλέφαντασ ἐπιόντασ ἀφήσειν. παρήγγελτο δ’ αὐτοῖσ τε καὶ τοῖσ ἄλλοισ πεζοῖσ ἐκκλίνειν τὴν ὁρμὴν τῶν θηρίων, καὶ περιθέοντασ ἀκοντίζειν ἐσ αὐτὰ συνεχῶσ, καὶ προσπελάζοντασ, ὅτε δύναιντο, ὑποτέμνειν τὰ νεῦρα. οὕτω μὲν οἱ πεζοὶ διετετάχατο τῷ Σκιπίωνι· τοὺσ δ’ ἱππέασ τοὺσ μὲν Νομαδικοὺσ ἐπέστησε τοῖσ κερασιν, εἰθισμένουσ τὴν τῶν ἐλεφάντων ὄψιν καὶ ὀδμὴν φέρειν, τοὺσ δὲ Ἰταλικοὺσ διὰ τὸ ἀήθεσ ὀπίσω πάντων, ἑτοίμουσ ἐπελθεῖν διὰ τῶν διαστημάτων, ὅτε τὴν πρώτην τῶν ἐλεφάντων ὁρμὴν ὑπομείνειαν οἱ πεζοί. παρ’ ἕκαστον δὲ τῶν ἱππέων τῶνδε ὑπηρέτησ ἦν πολλὰ ἀκόντια φέρων, οἷσ ἐπενόει τὰ θηρία ἀμύνεσθαι. οὕτω μὲν αὐτῷ καὶ ἡ ἵπποσ εἶχε, παρεδίδου δὲ τὸ μὲν δεξιὸν Λαιλίῳ, τὸ δὲ λαιὸν Ὀκταουιῳ.

일치하는 문장이 없습니다.

SEARCH

MENU NAVIGATION