Appian, The Foreign Wars, chapter 4 3:

(아피아노스, The Foreign Wars, chapter 4 3:)

Ταῦτ’ εἰπών, καὶ τοὺσ ἡγεμόνασ ἐκπέμψασ ὁπλίσαι τὸν στρατόν, αὐτὸσ ἐθύετο Τόλμῃ καὶ Φόβῳ, μηδὲν ὡσ ἐν νυκτὶ πανικόν οἱ γενέσθαι, ἀλλὰ τὸν στρατὸν αὐτῷ θρασύτατον μάλιστα ὀφθῆναι. τρίτησ δὲ ἤδη φυλακῆσ ἠρέμα τῇ σάλπιγγι ὑπεσήμαινε, καὶ μετὰ σιγῆσ βαθυτάτησ στρατὸσ τοσοῦτοσ ἐβάδιζεν, ἑώσ οἱ μὲν ἱππεῖσ περιέστησαν ἐν κύκλῳ τοὺσ πολεμίουσ, οἱ πεζοὶ δ’ ἐπὶ τὴν τάφρον αὐτῶν ἀφίκοντο. βοῇ δὲ τότε παμμιγεῖ καὶ σάλπιγξιν ἀθρόαισ καὶ βυκανήμασιν ἐσ κατάπληξιν χρώμενοι τοὺσ μὲν φύλακασ ἐξέωσαν ἐκ τῶν φυλακτηρίων, τὴν δὲ τάφρον ἔχουν καὶ τὰ σταυρώματα διέσπων. οἱ δ’ εὐτολμότατοι προδραμόντεσ ἐνέπρησάν τινασ σκηνάσ. καὶ οἱ Λίβυεσ μετ’ ἐκπλήξεωσ ἀνεπήδων τε ἐξ ὕπνου, καὶ τὰ ὅπλα μετελάμβανον, καὶ ἐσ τὰσ τάξεισ ἀτάκτωσ ἐφέροντο, καὶ τῶν παραγγελλομένων διὰ τὸν θόρυβον οὐ κατήκουον, οὐδ’ αὐτοῦ τοῦ στρατηγοῦ τὸ ἀκριβὲσ τῶν γιγνομένων εἰδότοσ. ἀναπηδῶντασ οὖν αὐτοὺσ οἱ Ῥωμαῖοι καὶ ὁπλιζομένουσ ἔτι καὶ ταρασσομένουσ κατελάμβανον, καὶ σκηνὰσ πλέονασ ἐνεπίμπρασαν, καὶ τοὺσ ἐν ποσὶν ἀνῄρουν. τοῖσ δ’ ἦν ἥ τε βοὴ τῶν ἐχθρῶν καὶ ἡ ὄψισ καὶ τὰ ἔργα φοβερώτατα ὡσ ἐν νυκτὶ καὶ ἀγνωσίᾳ τοῦ γιγνομένου κακοῦ. ἡγούμενοί τε εἰλῆφθαι τὸ στρατόπεδον, καὶ τὸ πῦρ τῶν ἐμπεπρησμένων σκηνῶν δεδιότεσ, ἐξέπιπτον ἑκόντεσ ἐξ αὐτῶν, καὶ ἐσ τὸ πεδίον ὡσ ἀσφαλέστερον ἐωθοῦντο· ὅθεν κατὰ μέροσ, ὅπῃ τύχοιεν, ἀκόσμωσ διεδίδρασκον, καὶ ἐσ τοὺσ Ῥωμαίων ἱππέασ, οἳ κύκλῳ περιεστήκεσαν, ἐμπίπτοντεσ ἀπέθνησκον.

일치하는 문장이 없습니다.

SEARCH

MENU NAVIGATION