헬라어 문장 검색 - Αππιαν́ΤηεΦορέ37́0́02́

(아피아노스, The Foreign Wars, chapter 9 2:)

Τοῦ δὲ αὐτοῦ χρόνου Κωνσεντίαν τε, μεγάλην πόλιν Βρεττίων, καὶ ἄλλασ ἓξ ἐπ’ αὐτῇ περιέσπασεν ἀπὸ Ἀννίβου Κράσσοσ. καὶ γιγνομένων ἐν Ῥώμῃ σημείων ἐκ Διὸσ φοβερῶν, οἱ μὲν τὰ Σιβύλλεια ἐπισκεπτόμενοι δέκα ἄνδρεσ ἔφασαν ἐξ οὐρανοῦ τι ἐσ Πεσινοῦντα τῆσ Φρυγίασ, ἔνθα σέβουσιν οἱ Φρύγεσ θεῶν μητέρα, πεσεῖσθαι τῶνδε τῶν ἡμερῶν, καὶ δεῖν αὐτὸ ἐσ τὴν Ῥώμην ἐνεχθῆναι. μετ’ οὐ πολὺ δὲ πεσεῖν τε προσηγγέλθη καὶ ἐσ Ῥώμην ἐκομίσθη τὸ βρέτασ. καὶ τὴν ἡμέραν ἑορτάζουσι καὶ νῦν μητρὶ θεῶν, ᾗ τότε ἐκομίσθη. λέγεται δὲ τὴν ναῦν, ἣ ἔφερεν αὐτό, ἰλύι τοῦ ποταμοῦ τοῦ Τιβέριοσ ἐνσχεθεῖσαν οὐδεμιᾷ μηχανῇ σαλεύεσθαι, μέχρι, τῶν μάντεων προειπόντων ἕψεσθαι μόνωσ εἰ γυνὴ καθαρεύουσα ξένων ἀνδρῶν ἑλκύσειε, Κλαυδίαν Κόινταν, μοιχείασ ἔγκλημα ἔχουσαν ἔτι ἄκριτον, καὶ δι’ ἀσωτίαν ἐσ αὐτὸ πιθανωτάτην οὖσαν, ἐπιθειάσαι τε πολλὰ περὶ τῆσ ἀναμαρτησίασ, καὶ ἀναδήσασθαι τῇ μίτρᾳ τὸ σκάφοσ. καὶ ἡ θεὸσ ἕσπετο. Κλαυδία μὲν δὴ ἐξ αἰσχίστησ δόξησ ἐσ ἀρίστην μετέβαλε, Ῥωμαίοισ δὲ καὶ πρὸ τῆσ Κλαυδίασ ἐκέλευε τὰ Σιβύλλεια διὰ τοῦ παρὰ σφίσιν ἀρίστου τὸ βρέτασ ἐκ Φρυγίασ μεταγαγεῖν, καὶ τὸν ἄριστον ἐν τῷ τότε σφίσι δοκοῦντα εἶναι, Σκιπίωνα τὸν Νασικᾶν ἐπίκλην, ἐπεπόμφεσαν, υἱὸν μὲν ὄντα Γναίου Σκιπίωνοσ τοῦ στρατηγήσαντοσ ἐν Ἰβηρίᾳ καὶ ἐν αὐτῇ πεσόντοσ, ἀνεψιὸν δὲ Σκιπίωνοσ τοῦ Καρχηδονίουσ ἀφελομένου τὴν ἡγεμονίαν καὶ πρώτου κληθέντοσ Ἀφρικανοῦ. ὧδε μὲν ἡ θεὸσ ἐσ Ῥώμην δι’ ἀνδρῶν καὶ γυναικῶν ἀρίστων ἀφικνεῖτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 9 2:

(아피아노스, The Foreign Wars, chapter 9 2:)

상위

목록

SEARCH

MENU NAVIGATION