Appian, The Foreign Wars, chapter 8 3:

(아피아노스, The Foreign Wars, chapter 8 3:)

Ἀννίβασ δὲ ἐπειγόμενοσ ἐσ αὐτήν, ὡσ ἔμαθεν εἰλημμένην, παρῆλθεν ἀχθόμενοσ ἐσ Θουρίουσ κἀκεῖθεν ἐσ Οὐενουσίαν, ἔνθα αὐτῷ Κλαύδιόσ τε Μάρκελλοσ ὁ Σικελίαν ἑλών, πέμπτον ὑπατεύων τότε, καὶ Τίτοσ Κρισπῖνοσ ἀντιστρατοπεδεύοντεσ οὐκ ἐτόλμων ἄρχειν μάχησ. λείαν δέ τινα ὑπὸ Νομάδων ἀγομένην Μάρκελλοσ ἰδών, καὶ δόξασ ὀλίγουσ εἶναι τοὺσ ἄγοντασ, ἐπέδραμεν αὐτοῖσ μετὰ τριακοσίων ἱππέων σὺν καταφρονήσει, καὶ πρῶτοσ ἡγεῖτο, θυμικὸσ ὢν ἐσ μάχασ καὶ παρακινδυνευτικὸσ ἀεί. ἄφνω δὲ πολλῶν τῶν Λιβύων φανέντων καὶ πανταχόθεν αὐτῷ προσπεσόντων, οἱ μὲν οὐραγοῦντεσ Ῥωμαίων πρῶτοι φυγῆσ ἦρχον, ὁ δὲ Μάρκελλοσ, ὡσ ἑπομένων αὐτῶν, ἐμάχετο γενναίωσ, μέχρι κατακοντισθεὶσ ἀπέθανεν. καὶ αὐτοῦ τῷ σώματι ὁ Ἀννίβασ ἐπιστάσ, ὡσ εἶδε τὰ τραύματα πάντα ἐπὶ τῶν στέρνων, ἐπῄνεσε μὲν ὡσ στρατιώτην, ἐπέσκωψε δὲ ὡσ στρατηγόν. καὶ τὸν δακτύλιον αὐτοῦ περιελών, τὸ μὲν σῶμα ἔκαυσε λαμπρῶσ, καὶ τὰ ὀστᾶ τῷ παιδὶ προσέπεμψεν ἐσ τὸ Ῥωμαίων στρατόπεδον·

일치하는 문장이 없습니다.

SEARCH

MENU NAVIGATION