Appian, The Foreign Wars, chapter 6 3:

(아피아노스, The Foreign Wars, chapter 6 3:)

Λιμένεσ δ’ εἰσὶ τοῖσ Ταραντινοισ πρὸσ βορρᾶν ἄνεμον ἐκ πελάγουσ ἐσπλέοντι διὰ ἰσθμοῦ, καὶ τὸν ἰσθμὸν ἀπέκλειον γεφύραισ, ὧν τότε κρατοῦντεσ οἱ Ῥωμαίων φρουροὶ σφίσι μὲν ἐδέχοντο τὴν ἀγορὰν ἐκ θαλάσσησ, Ταραντίνοισ δ’ ἐκώλυον ἐσκομίζεσθαι. ἡ δ’ ἐν τῇ πόλει φρουρὰ Ῥωμαίων ἐσ Βρεντέσιον λαθοῦσα διεπλευσεν. ὅθεν ἠπόρουν ἀγορᾶσ οἱ Ταραντῖνοι, ἑώσ ἐπελθὼν αὐτοῖσ ὁ Ἀννίβασ ἐδίδαξε λεωφόρον ὁδόν, ἣ διὰ μέσησ τῆσ πόλεωσ ἔφερεν ἀπὸ τῶν λιμένων ἐπὶ τὴν νοτιον θαλασσαν, ὀρύξαντασ, ἰσθμὸν ἕτερον ποιήσασθαι. καὶ οἱ μὲν οὕτω πράξαντεσ εἶχόν τε ἀγοράν, καὶ τριήρεσι τοὺσ Ῥωμαίων φρουροὺσ ναῦσ οὐκ ἔχοντασ ὑπὸ τὸ τεῖχοσ ἔβλαπτον, ὅτε μὴ χειμὼν εἰή μάλιστα, καὶ τὴν ἀγορὰν τὴν καταπλέουσαν ἐκείνοισ ἀφῃροῦντο· οἱ δ’ ἠπόρουν. καὶ νυκτὸσ αὐτοὶσ Θουρίων σῖτόν τε ναυσὶ πεμπόντων καὶ τριήρεισ ἐσ φυλακὴν τῶν νεῶν, οἱ Ταραντῖνοι καὶ οἱ σὺν αὐτοῖσ Λίβυεσ πυθόμενοι καὶ λοχήσαντεσ ἔλαβον αὐτῷ τε σίτῳ καὶ αὐτοῖσ ἀνδράσιν ἁπάσασ. πρεσβευομένων δὲ θαμινὰ τῶν Θουρίων, καὶ ἀξιούντων λύσασθαι τοὺσ εἰλημμένουσ, οἱ Ταραντῖνοι τοὺσ φοιτῶντασ αὐτῶν μετέπειθον ἐσ Ἀννίβαν. καὶ ὁ Ἀννίβασ ὅσουσ εἶχε Θουρίων αἰχμαλώτουσ, εὐθὺσ ἀπέλυεν. οἱ δὲ τοὺσ οἰκείουσ σφῶν βιασάμενοι, τὰσ πύλασ Ἄννωνι ἀνέῳξαν. καὶ Θούριοι μὲν Ῥωμαίοισ Τάραντα περιποιούμενοι ἔλαθον οὕτωσ ὑπὸ Καρχηδονίοισ αὐτοὶ γενόμενοι·

일치하는 문장이 없습니다.

SEARCH

MENU NAVIGATION