Appian, The Foreign Wars, chapter 5 3:

(아피아노스, The Foreign Wars, chapter 5 3:)

Μετὰ δὲ τοῦτ’ ἐπιὼν τὰ ὑπὸ Ῥωμαίοισ ἐλυμαίνετο, καὶ Πετηλίνοισ μηχανήματα προσῆγεν. οἱ δ’ ὀλίγοι μὲν ἦσαν, ὑπὸ δὲ τόλμησ μετὰ τῶν γυναικῶν ἐπεξέθεον αὐτῷ, καὶ πολλὰ καὶ γενναῖα ἔδρων, τάσ τε μηχανὰσ αὐτοῦ συνεχῶσ ἐνεπίμπρασαν, οὐχ ἧσσον αὐτοῖσ τῶν γυναικῶν ἀνδριζομένων. ὀλιγώτεροι δε γιγνόμενοι καθ’ ἕκαστον ἔργον ἐκακοπάθουν μάλιστα ὑπὸ λιμοῦ· καὶ ὁ Ἀννίβασ αἰσθανόμενοσ περιετείχισεν αὐτούσ, καὶ Ἄννωνα ἐπέστησε τῇ πολιορκίᾳ. οἱ δ’, ἐπιτείνοντοσ αὐτοῖσ τοῦ κακοῦ, πρῶτα μὲν τοῦσ ἀχρείουσ σφῶν ἐσ μάχασ ἐξέβαλον ἐσ τὸ μεσοτείχιον, καὶ κτιννυμένουσ ὑπὸ τοῦ Ἄννωνοσ ἐφεώρων ἀλύπωσ ὡσ εὐμοιρότερον ἀποθνήσκοντασ. τῷ δ’ αὐτῷ λόγῳ καὶ οἱ λοιποὶ πάμπαν ἀποροῦντεσ ἐξέδραμον ἐπὶ τοὺσ πολεμίουσ, καὶ πολλὰ μὲν καὶ γενναῖα καὶ τότε ἔδρασαν, ὑπὸ δὲ ἀτροφίασ καὶ ἀσθενείασ σωμάτων οὐδ’ ὑποστρέψαι δυνάμενοι διεφθάρησαν ἅπαντεσ ὑπὸ τῶν Λιβύων. καὶ τὴν πόλιν εἷλεν ὁ Ἄννων, ἐκφυγόντων καὶ ὣσ ἀπ’ αὐτῆσ ὀλίγων τῶν δραμεῖν δυνηθέντων. τούτουσ διερριμμένουσ οἱ Ῥωμαῖοι σπουδῇ συνῆγον, καὶ γενομένουσ ἐσ ὀκτακοσίουσ κατήγαγόν τε καὶ συνῴκισαν μετὰ τόνδε τὸν πόλεμον αὖθισ ἐσ τὴν πατρίδα, ἀγάμενοι τῆσ τε περὶ σφᾶσ εὐνοίασ καὶ τοῦ παραδόξου τῆσ προθυμίασ.

일치하는 문장이 없습니다.

SEARCH

MENU NAVIGATION