호흡부호 보기
강세부호 보기
장단부호 보기
작은 Iota 보기
모든 부호 보기
Ἡ δὲ πόλισ, ἀπαγγελθεισησ τῆσ συμφορᾶσ, οἱ μὲν ἐν ταῖσ ὁδοῖσ ἐθρήνουν τε τοὺσ οἰκείουσ ἀνακαλοῦντεσ, καὶ σφᾶσ ὡσ αὐτικα ἁλωσομένουσ ὠλοφύροντο, αἱ δὲ γυναῖκεσ ἱκέτευον ἐν τοῖσ ἱεροῖσ μετὰ τῶν τέκνων λῆξαί ποτε τὰσ συμφορὰσ τῇ πόλει, οἱ δ’ ἄρχοντεσ θυσίαισ τε καὶ εὐχαῖσ ἱλάσκοντο τοὺσ θεούσ, εἴ τι μήνιμα ἐνοχλεῖ, κορεσθῆναι τοῖσ γεγονόσιν. ἡ δὲ βουλὴ Κόιντον μὲν Φάβιον, τὸν συγγραφέα τῶνδε τῶν ἔργων, ἐσ Δελφοὺσ ἔπεμπε χρησόμενον περὶ τῶν παρόντων, δούλουσ δὲ ἐσ ὀκτακισχιλίουσ τῶν δεσποτῶν ἐπιδόντων ἠλευθέρου, ὅπλα τε καὶ τόξα τοὺσ ἐν ἄστει πάντασ ἐργάζεσθαι παρεσκεύαζε, καὶ συμμάχουσ, καὶ ὥσ, τινὰσ συνέλεγεν. Κλαύδιόν τε Μάρκελλον μέλλοντα πλεῖν ἐσ Σικελίαν, ἐσ τὸν Ἀννίβου πόλεμον μετέφερεν. ὁ δὲ τὸν μὲν στόλον ἐμερίσατο τῷ συνάρχῳ Φουρίῳ, καὶ τὸ μέροσ ἔπεμψεν ἐσ τὴν Σικελίαν, αὐτὸσ δὲ τοὺσ δούλουσ ἄγων καὶ ὅσουσ ἄλλουσ ἐδύνατο τῶν πολιτῶν ἢ συμμάχων, γενομένουσ ἅπαντασ ἐσ μυρίουσ πεζοὺσ καὶ δισχιλίουσ ἱππέασ, ἐσ τὸ Τεανὸν παρῆλθε, καὶ ὅ τι πράξειν ὁ Ἀννίβασ μέλλοι παρεφύλασσεν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기