헬라어 문장 검색 - Αππιαν́ΤηεΦορέ33́

(아피아노스, The Foreign Wars, chapter 5)

Ἡ δὲ πόλισ, ἀπαγγελθεισησ τῆσ συμφορᾶσ, οἱ μὲν ἐν ταῖσ ὁδοῖσ ἐθρήνουν τε τοὺσ οἰκείουσ ἀνακαλοῦντεσ, καὶ σφᾶσ ὡσ αὐτικα ἁλωσομένουσ ὠλοφύροντο, αἱ δὲ γυναῖκεσ ἱκέτευον ἐν τοῖσ ἱεροῖσ μετὰ τῶν τέκνων λῆξαί ποτε τὰσ συμφορὰσ τῇ πόλει, οἱ δ’ ἄρχοντεσ θυσίαισ τε καὶ εὐχαῖσ ἱλάσκοντο τοὺσ θεούσ, εἴ τι μήνιμα ἐνοχλεῖ, κορεσθῆναι τοῖσ γεγονόσιν. ἡ δὲ βουλὴ Κόιντον μὲν Φάβιον, τὸν συγγραφέα τῶνδε τῶν ἔργων, ἐσ Δελφοὺσ ἔπεμπε χρησόμενον περὶ τῶν παρόντων, δούλουσ δὲ ἐσ ὀκτακισχιλίουσ τῶν δεσποτῶν ἐπιδόντων ἠλευθέρου, ὅπλα τε καὶ τόξα τοὺσ ἐν ἄστει πάντασ ἐργάζεσθαι παρεσκεύαζε, καὶ συμμάχουσ, καὶ ὥσ, τινὰσ συνέλεγεν. Κλαύδιόν τε Μάρκελλον μέλλοντα πλεῖν ἐσ Σικελίαν, ἐσ τὸν Ἀννίβου πόλεμον μετέφερεν. ὁ δὲ τὸν μὲν στόλον ἐμερίσατο τῷ συνάρχῳ Φουρίῳ, καὶ τὸ μέροσ ἔπεμψεν ἐσ τὴν Σικελίαν, αὐτὸσ δὲ τοὺσ δούλουσ ἄγων καὶ ὅσουσ ἄλλουσ ἐδύνατο τῶν πολιτῶν ἢ συμμάχων, γενομένουσ ἅπαντασ ἐσ μυρίουσ πεζοὺσ καὶ δισχιλίουσ ἱππέασ, ἐσ τὸ Τεανὸν παρῆλθε, καὶ ὅ τι πράξειν ὁ Ἀννίβασ μέλλοι παρεφύλασσεν. Ἀννιβου δὲ δόντοσ τοῖσ αἰχμαλώτοισ ἐσ Ῥώμην πρεσβεύσασθαι περὶ σφῶν, εἰ θέλοιεν αὐτοὺσ οἱ ἐν ἄστει λύσασθαι χρημάτων, καὶ τοὺσ αἱρεθέντασ ὑπ’ αὐτῶν τρεῖσ, ὧν ἡγεῖτο Γναῖοσ Σεμπρώνιοσ, ὁρκώσαντοσ ἐσ αὐτὸν ἐπανήξειν, οἱ μὲν οἰκεῖοι τῶν ἁλόντων, περιστάντεσ τὸ βουλευτήριον, ἐπηγγέλλοντο λύσεσθαι τοὺσ οἰκείουσ ἕκαστοσ ἰδίοισ χρήμασι, καὶ παρεκάλουν τὴν βουλὴν τοῦτο σφίσιν ἐπιτρέψαι, καὶ ὁ δῆμοσ αὐτοῖσ συνεδάκρυε καὶ συνεδεῖτο·

τῶν δὲ βουλευτῶν οἱ μὲν οὐκ ἠξίουν ἐπὶ τοσαῖσδε συμφοραῖσ ἄλλουσ τοσούσδε βλαβῆναι τὴν πόλιν, οὐδὲ δούλουσ μὲν ἐλευθεροῦν τοὺσ δὲ ἐλευθέρουσ ὑπερορᾶν, οἱ δ’ οὐκ ᾤοντο δεῖν αὐτοὺσ ἐθίζειν τῷδε τῷ ἐλέῳ φεύγειν, ἀλλ’ ἢ νικᾶν μαχομένουσ ἢ ἀποθνήσκειν ὡσ οὐκ ὂν οὐδ’ ὑπὸ τῶν οἰκείων ἐλεεῖσθαι τὸν φυγόντα. πολλῶν δὲ παραδειγμάτων ἐσ ἑκάτερα λεχθέντων, οὐκ ἐπέτρεψεν ἡ βουλὴ τοῖσ συγγενέσι λύσασθαι τοὺσ αἰχμαλώτουσ, ἡγουμένη, πολλῶν σφίσιν ἔτι κινδύνων ἐπόντων, οὐ συνοίσειν ἐσ τὸ μέλλον τὴν ἐν τῷ παρόντι φιλανθρωπίαν, τὸ δ’ ἀπάνθρωπον, εἰ καὶ σκυθρωπὸν εἰή, πρόσ τε τὰ μέλλοντα χρήσιμον ἔσεσθαι καὶ ἐν τῷ παρόντι καταπλήξειν Ἀννίβαν τῷ τολμήματι. Σεμπρώνιοσ οὖν καὶ οι σὺν αὐτῷ δύο τῶν αἰχμαλώτων πρὸσ Ἀννίβαν ἐπανῄεσαν. ὁ δ’ ἔστι μὲν οὓσ ἀπέδοτο τῶν αἰχμαλώτων, ἔστι δ’ οὓσ ὑπ’ ὀργῆσ ἀνῄρει, καὶ τοῖσ σώμασι τὸν ποταμὸν ἐγεφύρου καὶ ἐπέρα. ὅσοι δ’ ἦσαν ἀπὸ τῆσ βουλῆσ ἢ ἄλλωσ ἐπιφανεῖσ, μονομαχεῖν αὐτοὺσ ὑπὸ θεαταῖσ τοῖσ Λίβυσιν ἠνάγκασε, πατέρασ τε υἱοῖσ καὶ ἀδελφοὺσ ἀδελφοῖσ, οὐδὲν ἐκλείπων ὑπεροψίασ ὠμῆσ. Μετὰ δὲ τοῦτ’ ἐπιὼν τὰ ὑπὸ Ῥωμαίοισ ἐλυμαίνετο, καὶ Πετηλίνοισ μηχανήματα προσῆγεν.

οἱ δ’ ὀλίγοι μὲν ἦσαν, ὑπὸ δὲ τόλμησ μετὰ τῶν γυναικῶν ἐπεξέθεον αὐτῷ, καὶ πολλὰ καὶ γενναῖα ἔδρων, τάσ τε μηχανὰσ αὐτοῦ συνεχῶσ ἐνεπίμπρασαν, οὐχ ἧσσον αὐτοῖσ τῶν γυναικῶν ἀνδριζομένων. ὀλιγώτεροι δε γιγνόμενοι καθ’ ἕκαστον ἔργον ἐκακοπάθουν μάλιστα ὑπὸ λιμοῦ· καὶ ὁ Ἀννίβασ αἰσθανόμενοσ περιετείχισεν αὐτούσ, καὶ Ἄννωνα ἐπέστησε τῇ πολιορκίᾳ. οἱ δ’, ἐπιτείνοντοσ αὐτοῖσ τοῦ κακοῦ, πρῶτα μὲν τοῦσ ἀχρείουσ σφῶν ἐσ μάχασ ἐξέβαλον ἐσ τὸ μεσοτείχιον, καὶ κτιννυμένουσ ὑπὸ τοῦ Ἄννωνοσ ἐφεώρων ἀλύπωσ ὡσ εὐμοιρότερον ἀποθνήσκοντασ. τῷ δ’ αὐτῷ λόγῳ καὶ οἱ λοιποὶ πάμπαν ἀποροῦντεσ ἐξέδραμον ἐπὶ τοὺσ πολεμίουσ, καὶ πολλὰ μὲν καὶ γενναῖα καὶ τότε ἔδρασαν, ὑπὸ δὲ ἀτροφίασ καὶ ἀσθενείασ σωμάτων οὐδ’ ὑποστρέψαι δυνάμενοι διεφθάρησαν ἅπαντεσ ὑπὸ τῶν Λιβύων. καὶ τὴν πόλιν εἷλεν ὁ Ἄννων, ἐκφυγόντων καὶ ὣσ ἀπ’ αὐτῆσ ὀλίγων τῶν δραμεῖν δυνηθέντων. τούτουσ διερριμμένουσ οἱ Ῥωμαῖοι σπουδῇ συνῆγον, καὶ γενομένουσ ἐσ ὀκτακοσίουσ κατήγαγόν τε καὶ συνῴκισαν μετὰ τόνδε τὸν πόλεμον αὖθισ ἐσ τὴν πατρίδα, ἀγάμενοι τῆσ τε περὶ σφᾶσ εὐνοίασ καὶ τοῦ παραδόξου τῆσ προθυμίασ. Τῶν δὲ Κελτιβήρων ἱππέων, οἳ ἐμισθοφόρουν Ἀννίβᾳ, λαμπρῶσ ἀγωνιζομένων, ὅσοι Ῥωμαίων ἐστρατήγουν ἐν Ἰβηρίᾳ, τοσούσδε ἑτέρουσ τὰσ πόλεισ τὰσ ὑπὸ σφίσιν αἰτήσαντεσ ἐσ ἀντίπαλον ἐκείνων ἔπεμψαν ἐσ τὴν Ἰταλίαν, οἳ τοῖσ ὁμοεθνέσιν, ὅτε πλησίον Ἀννίβου στρατοπεδεύοιεν, ἀναμιγνύμενοι μετέμειθον αὐτούσ.

καὶ πολλῶν μετατιθεμένων τε καὶ αὐτομολούντων ἢ ἀποδιδρασκόντων οὐδὲ τὸ λοιπὸν ἦν ἔτι τῷ Ἀννίβᾳ πιστόν, ὑποπτευόμενόν τε ὑπ’ ἐκείνου καὶ ὑποπτεύοντεσ αὐτόν. κάκιον οὖν ἔπρασσεν ὁ Ἀννίβασ τὸ ἀπὸ τοῦδε. Ἀργύριππα δ’ ἐστὶ πόλισ ἐν τῇ Δαυνίᾳ, ἣν Διομήδησ ὁ Ἀργεῖοσ λέγεται κτίσαι.

καί τισ ἔκγονοσ εἶναι τοῦ Διομήδουσ νομιζόμενοσ, Δάσιοσ, ἀνὴρ εὐμετάβολόσ τε τὸ φρόνημα καὶ οὐ Διομήδουσ ἄξιοσ, Ῥωμαίων περὶ Κάννασ τὴν μεγάλην ἧτταν ἡττημένων ἀπέστησε τὴν πατρίδα πρὸσ τοὺσ Λίβυασ ἀπὸ Ῥωμαίων. τότε δ’ αὖ δυσπραγοῦντοσ Ἀννίβου ἔλαθεν ἐσ Ῥώμην διιππεύσασ, καὶ ἐπὶ τὴν βουλὴν ἐπαχθεὶσ ἔφη δύνασθαι τὸ ἁμάρτημα ἰάσασθαι καὶ μεταβαλεῖν αὖθισ ἐσ Ῥωμαίουσ τὴν πόλιν. οἱ δ’ ὀλίγου μὲν αὐτὸν καὶ διέφθειραν, ἐξέβαλον δ’ εὐθὺσ ἐκ τῆσ πόλεωσ. ὁ δὲ καὶ τούσδε καὶ τὸν Ἀννίβαν δεδιὼσ ἠλᾶτο ἀνὰ τὴν χώραν, καὶ ὁ μὲν Ἀννίβασ αὐτοῦ τὴν γυναῖκα καὶ τὰ τέκνα ζῶντασ ἔκαυσε, τὰ δὲ Ἀργύριππα ἑτέρων ἐνδόντων εἷλε Φάβιοσ Μάξιμοσ νυκτόσ, καὶ κτείνασ ὅσουσ ηὑρ͂ε Λιβύων, φρουρὰν ἐπέστησε τῇ πόλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 5

(아피아노스, The Foreign Wars, chapter 5)

상위

목록

SEARCH

MENU NAVIGATION