호흡부호 보기
강세부호 보기
장단부호 보기
작은 Iota 보기
모든 부호 보기
ὁ δ’ Ἀννίβασ πρῶτα μέν, εἰδὼσ περὶ μεσημβρίαν εὖρον ζοφώδη τὸν χῶρον ἐξ ἔθουσ ἐπιπνέοντα, προύλαβεν ὅπῃ κατὰ νώτου τὸ πνεῦμα ἔμελλεν ἕξειν· ἔπειτα ἐσ ὄροσ περίφυτον καὶ φαραγγῶδεσ ἱππέασ προενήδρευσε καὶ ψιλούσ, οἷσ εἴρητο, ὅταν αἱ φάλαγγεσ ἔργων ἔχωνται καὶ τὸ πνεῦμα ἐπίῃ, κατόπιν γίγνεσθαι τῶν πολεμίων. ἄνδρασ τε πεντακοσίουσ Κελτίβηρασ ἐπὶ τοῖσ μακροῖσ ξίφεσιν ὑπὸ τοῖσ χιτῶσιν ἄλλα ξίφη βραχύτερα περιέζωσεν, οἷσ ἔμελλεν αὐτὸσ ὅτε δέοι χρῆσθαι σημανεῖν. σύμπασαν δὲ τὴν στρατιὰν κἀκεῖνοσ ἐσ τρία διῄρει, καὶ τοὺσ ἱππέασ τοῖσ κέρασιν ἐπέτασσεν ἐκ μεγάλων διαστημάτων, εἰ δύναιντο κυκλώσασθαι τοὺσ πολεμίουσ. ἐπέστησε δὲ τῷ μὲν δεξιῷ Μάγωνα τὸν ἀδελφόν, τῷ δὲ ἑτέρῳ τὸν ἀδελφιδοῦν Ἄννωνα· τὸ δὲ μέσον αὐτὸσ εἶχε κατὰ δόξαν Αἰμιλίου τῆσ ἐμπειρίασ. δισχίλιοί τε ἱππεῖσ ἐπίλεκτοι παρέθεον αὐτῷ, καὶ Μαάρβαλ ἑτέρουσ ἔχων χιλίουσ ἐφήδρευεν ὅπῃ τι πονούμενον ἴδοι. καὶ τάδε πράσσων ἐσ δευτέραν παρέτεινεν ὡρ́αν, ἵνα τὸ πνεῦμα θᾶσσον ἐπέλθοι.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기