Appian, The Foreign Wars, chapter 4 1:

(아피아노스, The Foreign Wars, chapter 4 1:)

Αννίβου δ’, ἐπεὶ τῆσ πείρασ ἐξέπιπτεν, αὐτίκα ἐσ τὸ στρατόπεδον ἐπανελθόντοσ καὶ τὴν ὑπόκρισιν ἐκφήναντοσ, οὐδὲ τοῦτ’ ἐδίδασκε τὸν Τερέντιον πάνθ’ ὑπονοεῖν τὰ Ἀννίβου, ἀλλ’ ὡσ εἶχεν, ἐν τοῖσ ὅπλοισ ἐσ τὸ στρατήγιον ἐσδραμών, παρόντων ἔτι τῶν τε ἀπὸ βουλῆσ καὶ ταξιάρχων καὶ χιλιάρχων, ᾐτιᾶτο περὶ τῶν οἰωνῶν τὸν Αἰμίλιον προφασίσασθαι καὶ νίκην φανερὰν ἀφελέσθαι τὴν πόλιν, ὀκνοῦντα ὑπὸ δειλίασ, ἢ οἱ φθονοῦντα διὰ ζηλοτυπίαν. οὕτω δ’ αὐτοῦ βοῶντοσ ὑπ’ ὀργῆσ ἡ στρατιὰ περιεστῶσα τὴν σκηνὴν ἐπήκουε, καὶ τὸν Αἰμίλιον ἐβλασφήμουν. ὁ δὲ πολλὰ μὲν εἶπε τοῖσ ἔνδον συμφέροντα μάτην, Τερεντίῳ δέ, πλὴν Σερουιλίου, τῶν ἄλλων συντιθεμένων εἶξεν. καὶ τῆσ ἐπιούσησ ἐξέτασσεν αὐτὸσ ἡγούμενοσ· παρεχώρει γὰρ ὁ Τερέντιοσ. Ἀννίβασ δ’ ᾔσθετο, καὶ τότε μὲν οὐκ ἐπεξῆλθεν οὑ̓ γάρ πω πρὸσ μάχην διετέτακτὀ, τῇ δ’ ἐπιούσῃ κατέβαινον ἐσ τὸ πεδίον ἑκάτεροι, Ῥωμαῖοι μὲν ἐσ τρία τεταγμένοι, μικρὸν ἀπ’ ἀλλήλων διεστῶτεσ, καὶ μέροσ ἕκαστον αὐτῶν εἶχε τοὺσ πεζοὺσ ἐν μέσῳ, τοὺσ δὲ ψιλοὺσ καὶ ἱππέασ ἑκατέρωθεν. στρατηγοὶ δ’ ἐφειστήκεσαν τῷ μέσῳ μὲν Αἰμίλιοσ, τῷ δὲ λαιῷ Σερουίλιοσ, Τερέντιοσ δὲ τοῖσ ἐπὶ δεξιά, χιλίουσ ἀμφ’ αὑτὸν ἕκαστοσ ἔχων ἱππέασ ἐπειλεγμένουσ, ἐπικουρεῖν ὅπῃ τι πονοίη. οὕτω μὲν ἐτάξαντο Ῥωμαῖοι·

일치하는 문장이 없습니다.

SEARCH

MENU NAVIGATION