헬라어 문장 검색 - Αππιαν́ΤηεΦορέ30́0́05́

(아피아노스, The Foreign Wars, chapter 2 5:)

Ὁ δὲ αἰσθόμενοσ αὐτοῦ τῆσ τε ὁρμῆσ καὶ ἀπειρίασ, ὄροσ μέν τι καὶ λίμνην προυβάλετο πρὸ ἑαυτοῦ, ψιλοὺσ δὲ καὶ ἱππέασ ἐσ φάραγγα ἀποκρύψασ ἐστρατοπέδευεν. καὶ αὐτὸν ὁ Φλαμίνιοσ κατιδὼν ἅμα ἑῴ σμικρὸν μέν τι διέτριψε, τὸν στρατὸν ἀναπαύων ἐξ ὁδοιπορίασ καὶ χαρακοποιούμενοσ, μετὰ δὲ τοῦτο ἐξῆγεν εὐθὺσ ἐπὶ τὴν μάχην αὐούσ ὄντασ ὑπ’ ἀγρυπνίασ καὶ κόπου. τῆσ δ’ ἐνέδρασ ἐκφανείσησ ἐν μέσῳ ληφθεὶσ τοῦ τε ὄρουσ καὶ τῆσ λίμνησ καὶ τῶν ἐχθρῶν αὐτόσ τε ἀνῃρέθη καὶ σὺν αὐτῷ δισμύριοι. τοὺσ δὲ λοιποὺσ ἔτι μυρίουσ, ἔσ τινα κώμην ὀχυρὰν συμφυγόντασ, Μαάρβαλ ὁ ὑποστράτηγοσ Ἀννίβου, μεγίστην καὶ ὅδε ἐπὶ στρατηγίᾳ δόξαν ἔχων, οὐ δυνάμενοσ ἑλεῖν εὐχερῶσ, οὐδὲ ἀξιῶν ἀπεγνωκόσι μάχεσθαι, ἔπεισε τὰ ὅπλα ἀποθέσθαι, συνθέμενοσ ἀπολύσειν ὅπῃ θέλοιεν. ὡσ δὲ ἀπέθεντο, λαβὼν ἦγεν αὐτοὺσ πρὸσ τὸν Ἀννίβαν γυμνούσ. ὁ δ’ οὐ φάμενοσ εἶναι κύριον χωρὶσ αὑτοῦ ταῦτα συνθέσθαι τὸν Μαάρβαλ, τοὺσ μὲν ἐκ τῶν συμμάχων φιλανθρωπευσάμενοσ ἀπέλυσεν ἐσ τὰ ἑαυτῶν, θηρεύων τῇ φιλανθρωπίᾳ τὰσ πόλεισ, ὅσοι δὲ Ῥωμαίων ἦσαν, εἶχε δήσασ. τὴν δὲ λείαν τοῖσ συστρατεύουσι Κελτοῖσ ἀποδόμενοσ, ἵνα καὶ τούσδε θεραπεύσειε τῷ κέρδει, προύβαινεν ἐσ τὸ πρόσθεν, αἰσθομένου μὲν ἤδη τῶν γιγνομένων τοῦ περὶ Πάδον στρατηγοῦ Σερουιλίου, καὶ τετρακισμυρίοισ ἐπὶ Τυρρηνίασ ἐπειγομένου, Κεντηνίου δὲ ἤδη τοῖσ ὀκτακισχιλίοισ τὰ στενὰ προειληφότοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2 5:

(아피아노스, The Foreign Wars, chapter 2 5:)

상위

목록

SEARCH

MENU NAVIGATION