헬라어 문장 검색 - Αππιαν́ΤηεΦορέ30́

(아피아노스, The Foreign Wars, chapter 2)

Καὶ μικρὸν ἀναπαύσασ προσέβαλε Ταυρασίᾳ, πόλει Κελτικῇ. κατὰ κράτοσ δὲ αὐτὴν ἐξελών, τοὺσ μὲν αἰχμαλώτουσ ἔσφαξεν ἐσ κατάπληξιν τῆσ ἄλλησ Κελτικῆσ, ἐπὶ δὲ ποταμὸν Ἠριδανὸν τὸν νῦν Πάδον λεγόμενον ἐλθών, ἔνθα Ῥωμαῖοι Κελτοῖσ τοῖσ καλουμένοισ Βοιοῖσ ἐπολέμουν, ἐστρατοπέδευσεν. ὁ δ’ ὕπατοσ ὁ Ῥωμαίων Πόπλιοσ Κορνήλιοσ Σκιπίων, Καρχηδονίοισ ἐν Ἰβηρίᾳ πολεμῶν, ἐπεὶ τῆσ ἐσβολῆσ Ἀννίβου τῆσ ἐσ τὴν Ἰταλίαν ἐπύθετο, τὸν ἀδελφὸν καὶ ὅδε Γναῖον Κορνήλιον Σκιπίωνα ἐπὶ τοῖσ ἐν Ἰβηρίᾳ πράγμασι καταλιπὼν διέπλευσεν ἐσ Τυρρηνίαν, ὅθεν ὁδεύων τε καὶ συμμάχουσ ὅσουσ δύναιτο ἀγείρων ἔφθασεν ἐπὶ τὸν Πάδον Ἀννίβαν. καὶ Μάλλιον μὲν καὶ Ἀτίλιον, οἳ τοῖσ Βοιοῖσ ἐπολέμουν, ἐσ Ῥώμην ἔπεμψεν ὡσ οὐ δέον αὐτοὺσ ἔτι στρατηγεῖ ὑπάτου παρόντοσ, αὐτὸσ δὲ τὸν στρατὸν παραλαβὼν ἐσ μάχην ἐξέτασσε πρὸσ Ἀννίβαν. καὶ γενομένησ ἀκροβολίασ τε καὶ ἱππομαχίασ, οἱ Ῥωμαῖοι κυκλωθέντεσ ὑπὸ τῶν Λιβύων ἔφευγον ἐσ τὸ στρατόπεδον, καὶ νυκτὸσ ἐπιγενομένησ ἐσ Πλακεντίαν ἀνεχώρουν ἀσφαλῶσ τετειχισμένην, τὸν Πάδον ἐπὶ γεφυρῶν περάσαντέσ τε καὶ λύσαντεσ τὰσ γεφύρασ. τὸν μὲν οὖν ποταμὸν καὶ ὁ Ἀννίβασ ζεύξασ ἐπέρα, ̔6̓ τὸ δ’ ἔργον εὐθὺσ τόδε, πρῶτον ἢ δεύτερον ἐπὶ τῇ τῶν Ἀλπείων ὀρῶν διαβάσει, παρὰ τοῖσ ἐπέκεινα Κελτοῖσ ἐξῇρε τὸν Ἀννίβαν ὡσ ἄμαχον στρατηγὸν καὶ τύχῃ λαμπρᾷ χρώμενον. ὁ δέ, ὡσ ἐν βαρβάροισ τε καὶ τεθηπόσιν αὐτόν, καὶ δι’ ἄμφω δυναμένοισ ἀπατᾶσθαι, τὴν ἐσθῆτα καὶ τὴν κόμην ἐνήλασσε συνεχῶσ ἐσκευασμέναισ ἐπινοίαισ· καὶ αὐτὸν οἱ Κελτοὶ περιιόντα τὰ ἔθνη πρεσβύτην ὁρῶντεσ, εἶτα νέον, εἶτα μεσαιπόλιον, καὶ συνεχῶσ ἕτερον ἐξ ἑτέρου, θαυμάζοντεσ ἐδόκουν θειοτέρασ φύσεωσ λαχεῖν. Σεμπρώνιοσ δ’ ὁ ἕτεροσ ὕπατοσ, ἐν Σικελίᾳ τότε ὢν καὶ πυθόμενοσ, διέπλευσε πρὸσ τὸν Σκιπίωνα, καὶ τεσσαράκοντα σταδίουσ αὐτοῦ διασχὼν ἐστρατοπέδευσεν. καὶ τῆσ ἐπιούσησ ἔμελλον ἅπαντεσ ἐσ μάχην ἥξειν. ποταμὸσ δ’ ἦν ἐν μέσῳ Τρεβίασ, ὃν Ῥωμαῖοι πρὸ ἑώ, χειμερίου τε τῆσ τροπῆσ οὔσησ καὶ ὑετοῦ καὶ κρύουσ, ἐπέρων βρεχόμενοι μέχρι τῶν μαστῶν. Ἀννίβασ δὲ καὶ ἐσ δευτέραν ὡρ́αν ἀνέπαυσε τὴν στρατιάν, καὶ τότε ἐξῆγεν. Παράταξισ δ’ ἦν ἑκατέρων .

. . τὰ κέρατα κατεῖχον, ἀμφὶ τὴν φάλαγγα τῶν πεζῶν. Ἀννίβασ δὲ τοῖσ μὲν ἱππεῦσιν ἀντέταξε τοὺσ ἐλέφαντασ, τῇ δὲ φάλαγγι τοὺσ πεζούσ· τοὺσ δὲ ἱππέασ ἐκέλευσεν ὀπίσω τῶν ἐλεφάντων ἀτρεμεῖν ἑώσ αὐτόσ τι σημήνῃ. γενομένων δ’ ἐν χερσὶ πάντων, οἱ μὲν Ῥωμαίων ἵπποι τοὺσ ἐλέφαντασ, οὐ φέροντεσ αὐτῶν οὔτε τὴν ὄψιν οὔτε τὴν ὀδμήν, ἔφευγον· οἱ δὲ πεζοί, καίπερ ὑπὸ τοῦ κρύουσ καὶ τοῦ ποταμοῦ καὶ τῆσ ἀγρυπνίασ τετρυμένοι τε καὶ μαλακοὶ ὄντεσ, ὅμωσ ὑπὸ τόλμησ τοῖσ θηρίοισ ἐπεπήδων καὶ ἐτίτρωσκον αὐτά, καὶ τινῶν καὶ τὰ νεῦρα ὑπέκοπτον, καὶ τοὺσ πεζοὺσ ἐνέκλινον ἤδη. θεασάμενοσ δ’ ὁ Ἀννίβασ ἐσήμηνε τὴν ἵππον κυκλοῦσθαι τοὺσ πολεμίουσ. ἐσκεδασμένων δ’ ἄρτι τῶν Ῥωμαϊκῶν ἱππέων διὰ τὰ θηρία καὶ τῶν πεζῶν μόνων τε ὄντων καὶ κακοπαθούντων καὶ δεδιότων τὴν περικύκλωσιν, φυγὴ πανταχόθεν ἦν ἐσ τὰ στρατόπεδα. καὶ ἀπώλλυντο οἱ μὲν ὑπὸ τῶν ἱππέων καταλαμβανόντων ἅτε πεζούσ, οἱ δὲ ὑπὸ τοῦ ποταμοῦ παραφέροντοσ· τοῦ γὰρ ἡλίου τὴν χιόνα τήξαντοσ ὁ ποταμὸσ ἐρρύη μέγασ, καὶ οὔτε στῆναι διὰ τὸ βάθοσ οὔτε νεῖν διὰ τὰ ὅπλα ἐδύναντο. Σκιπίων δὲ αὐτοῖσ ἑπόμενοσ καὶ παρακαλῶν ὀλίγου μὲν ἐδέησε τρωθεὶσ διαφθαρῆναι, μόλισ δ’ ἐσ Κρεμῶνα διεσώθη φερόμενοσ. ἐπίνειον δὲ ἦν τι βραχὺ Πλακεντίασ, ᾧ προσβαλὼν ὁ Ἀννίβασ ἀπώλεσε τετρακοσίουσ καὶ αὐτὸσ ἐτρώθη. καὶ ἀπὸ τοῦδε πάντεσ ἐχείμαζον, Σκιπίων μὲν ἐν Κρεμῶνι καὶ Πλακεντίᾳ, Αννίβασ δὲ περὶ Πάδον. Οἱ δ’ ἐν ἄστει Ῥωμαῖοι πυθόμενοι, καὶ τρίτον ἤδη πταίοντεσ περὶ Πάδον ἡ̔́ττηντο γὰρ δὴ καὶ ὑπὸ Βοιῶν πρὸ Ἀννίβοὐ, στρατιάν τε παρ’ αὑτῶν ἄλλην κατέλεγον, σὺν τοῖσ οὖσι περὶ τὸν Πάδον ὡσ εἶναι τρισκαίδεκα τέλη, καὶ τοῖσ συμμάχοισ ἑτέραν διπλασίονα ταύτησ ἐπήγγελλον.

ἤδη δὲ αὐτοῖσ τὸ τέλοσ εἶχε πεζοὺσ πεντακισχιλίουσ καὶ ἱππέασ τριακοσίουσ. καὶ τούτων τοὺσ μὲν ἐσ Ἰβηρίαν ἔπεμπον, τοὺσ δ’ ἐσ Σαρδόνα κἀκείνην πολεμουμένην, τοὺσ δ’ ἐσ Σικελίαν. τὰ πλέονα δ’ ἦγον ἐπὶ τὸν Ἀννίβαν οἱ μετὰ Σκιπίωνα καὶ Σεμπρώνιον αἱρεθέντεσ ὕπατοι, Σερουίλιόσ τε Γναῖοσ καὶ Γάιοσ Φλαμίνιοσ. ὧν ὁ μὲν Σερουίλιοσ ἐπὶ τὸν Πάδον ἐπειχθεὶσ τὴν στρατηγίαν ἐκδέχεται παρὰ τοῦ Σκιπίωνοσ ὁ̔ δὲ Σκιπίων ἀνθύπατοσ αἱρεθεὶσ ἐσ Ἰβηρίαν διέπλευσἐ, Φλαμίνιοσ δὲ τρισμυρίοισ τε πεζοῖσ καὶ τρισχιλίοισ ἱππεῦσι τὴν ἐντὸσ Ἀπεννίνων ὀρῶν Ἰταλίαν ἐφύλασσεν, ἣν καὶ μόνην ἄν τισ εἴποι κυρίωσ Ἰταλίαν. τὰ γὰρ Ἀπεννῖνα κατέρχεται μὲν ἐκ μέσων τῶν Ἀλπείων ἐπὶ θάλασσαν, ἔστι δ’ αὐτῶν τὰ μὲν ἐπὶ δεξιὰ πάντα καθαρῶσ Ἰταλία, τὰ δὲ ἐπὶ θάτερα ἐσ τὸν Ιὄνιον φθάνοντα νῦν μέν ἐστι καὶ ταῦτα Ἰταλία, ὅτι καὶ Τυρρηνία νῦν Ἰταλία, οἰκοῦσι δ’ αὐτῶν τὰ μὲν Ἕλληνεσ, ἀμφὶ τὴν Ιὄνιον ἀκτήν, τὰ δὲ λοιπὰ Κελτοί, ὅσοι τῇ Ῥώμῃ τὸ πρῶτον ἐπιθέμενοι τὴν πόλιν ἐνέπρησαν. ὅτε γὰρ αὐτοὺσ ἐξελαύνων Κάμιλλοσ ἐδίωκε μέχρι τῶν Ἀπεννίνων ὀρῶν, ἐμοὶ δοκοῦσιν ὑπερβάντεσ αὐτά, ἀντὶ ἠθῶν τῶν ἰδίων, παρὰ τὸν Ιὄνιον οἰκῆσαι· καὶ τὸ μέροσ τῆσ χώρασ ἔτι νῦν οὕτω καλοῦσιν, Ἰταλίαν Γαλατικήν. Ῥωμαῖοι μὲν δὴ μεγάλοισ στρατοῖσ ἐσ πολλὰ ὁμοῦ διῄρηντο·

Ἀννίβασ δὲ τούτων αἰσθόμενοσ, ἅμα τῷ ἦρι, τοὺσ ἄλλουσ λαθὼν ἐδῄου τὴν Τυρρηνίαν καὶ προύβαινεν ἐσ τὸ μέροσ τὸ ἐπὶ Ῥώμησ. οἱ δὲ πλησιάζοντοσ αὐτοῦ πάνυ ἔδεισαν, οὐ παρούσησ σφίσιν ἀξιομάχου δυνάμεωσ. ἐστράτευον δὲ ὅμωσ ἐκ τῶν ὑπολοίπων ὀκτακισχιλίουσ, καὶ Κεντήνιον αὐτοῖσ τινὰ τῶν ἐπιφανῶν ἰδιωτῶν, οὐδεμιᾶσ ἀρχῆσ παρούσησ, ἐπέστησάν τε καὶ ἐξέπεμπον ἐσ Ὀμβρικοὺσ ἐσ τὴν Πλειστινην λίμνην, τὰ στενὰ προληψόμενον, ᾗ συντομώτατόν ἐστιν ἐπὶ τὴν Ῥώμην. ἐν δὲ τούτῳ καὶ Φλαμίνιοσ ὁ τοῖσ τρισμυρίοισ τὴν ἐντὸσ Ἰταλίαν φυλάσσων, αἰσθόμενοσ τῆσ σπουδῆσ Ἀννίβου, μετέβαινεν ὀξέωσ, οὐ διαναπαύων τὴν στρατιάν. δέει τε περὶ τῆσ πόλεωσ, καὶ αὐτὸσ ὢν ἀπειροπόλεμόσ τε καὶ ἐσ τὴν ἀρχὴν ἀπὸ δημοκοπίασ ᾑρημένοσ, ἠπείγετο Ἀννίβᾳ συμπλεκῆναι. Ὁ δὲ αἰσθόμενοσ αὐτοῦ τῆσ τε ὁρμῆσ καὶ ἀπειρίασ, ὄροσ μέν τι καὶ λίμνην προυβάλετο πρὸ ἑαυτοῦ, ψιλοὺσ δὲ καὶ ἱππέασ ἐσ φάραγγα ἀποκρύψασ ἐστρατοπέδευεν.

καὶ αὐτὸν ὁ Φλαμίνιοσ κατιδὼν ἅμα ἑῴ σμικρὸν μέν τι διέτριψε, τὸν στρατὸν ἀναπαύων ἐξ ὁδοιπορίασ καὶ χαρακοποιούμενοσ, μετὰ δὲ τοῦτο ἐξῆγεν εὐθὺσ ἐπὶ τὴν μάχην αὐούσ ὄντασ ὑπ’ ἀγρυπνίασ καὶ κόπου. τῆσ δ’ ἐνέδρασ ἐκφανείσησ ἐν μέσῳ ληφθεὶσ τοῦ τε ὄρουσ καὶ τῆσ λίμνησ καὶ τῶν ἐχθρῶν αὐτόσ τε ἀνῃρέθη καὶ σὺν αὐτῷ δισμύριοι. τοὺσ δὲ λοιποὺσ ἔτι μυρίουσ, ἔσ τινα κώμην ὀχυρὰν συμφυγόντασ, Μαάρβαλ ὁ ὑποστράτηγοσ Ἀννίβου, μεγίστην καὶ ὅδε ἐπὶ στρατηγίᾳ δόξαν ἔχων, οὐ δυνάμενοσ ἑλεῖν εὐχερῶσ, οὐδὲ ἀξιῶν ἀπεγνωκόσι μάχεσθαι, ἔπεισε τὰ ὅπλα ἀποθέσθαι, συνθέμενοσ ἀπολύσειν ὅπῃ θέλοιεν. ὡσ δὲ ἀπέθεντο, λαβὼν ἦγεν αὐτοὺσ πρὸσ τὸν Ἀννίβαν γυμνούσ. ὁ δ’ οὐ φάμενοσ εἶναι κύριον χωρὶσ αὑτοῦ ταῦτα συνθέσθαι τὸν Μαάρβαλ, τοὺσ μὲν ἐκ τῶν συμμάχων φιλανθρωπευσάμενοσ ἀπέλυσεν ἐσ τὰ ἑαυτῶν, θηρεύων τῇ φιλανθρωπίᾳ τὰσ πόλεισ, ὅσοι δὲ Ῥωμαίων ἦσαν, εἶχε δήσασ. τὴν δὲ λείαν τοῖσ συστρατεύουσι Κελτοῖσ ἀποδόμενοσ, ἵνα καὶ τούσδε θεραπεύσειε τῷ κέρδει, προύβαινεν ἐσ τὸ πρόσθεν, αἰσθομένου μὲν ἤδη τῶν γιγνομένων τοῦ περὶ Πάδον στρατηγοῦ Σερουιλίου, καὶ τετρακισμυρίοισ ἐπὶ Τυρρηνίασ ἐπειγομένου, Κεντηνίου δὲ ἤδη τοῖσ ὀκτακισχιλίοισ τὰ στενὰ προειληφότοσ. Ἀννίβασ δὲ ἐπειδὴ τήν τε λίμνην εἶδε τὴν Πλειστίνην καὶ τὸ ὄροσ τὸ ὑπὲρ αὐτήν, καὶ τὸν Κεντήνιον ἐν μέσῳ κρατοῦντα τῆσ διόδου, τοὺσ ἡγεμόνασ τῶν ὁδῶν ἐξήταζεν εἴ τισ εἰή περίοδοσ.

οὐδεμίαν δὲ φαμένων εἶναι τρίβον, ἀλλ’ ἀπόκρημνα πάντα καὶ φαραγγώδη, δι’ αὐτῶν ὅμωσ ἔπεμπε τοὺσ ψιλοὺσ νύκτωρ τὸ ὄροσ περιιέναι, καὶ Μαάρβαλ μετ’ αὐτῶν. τεκμηράμενοσ δ’ ὅτε δύναιντο περιελθεῖν, προσέβαλε τῷ Κεντηνίῳ κατὰ μέτωπον. καὶ συνεστώτων ἑκατέρων, πάνυ προθύμωσ ὁ Μαάρβαλ ἐκ κορυφῆσ ἄνωθεν ὤφθη τε καὶ ἠλάλαξεν. Ῥωμαίων δ’ εὐθὺσ ἦν φυγὴ καὶ φόνοσ κεκυκλωμένων, καὶ τρισχίλιοι μὲν ἔπεσον ὀκτακόσιοι δ’ ἐλήφθησαν· οἱ δὲ λοιποὶ μόλισ διέφυγον. πυθόμενοι δὲ οἱ ἐν ἄστει, καὶ δείσαντεσ μὴ εὐθὺσ ἐπὶ τὴν πόλιν ὁ Ἀννίβασ ἔλθοι, τό τε τεῖχοσ ἐπλήρουν λίθων καὶ τοὺσ γέροντασ ὥπλιζον, ὅπλων μὲν ἀποροῦντεσ, τὰ δὲ λάφυρα ἐκ τῶν ἱερῶν καταφέροντεσ, ἃ ἐκ πολέμων ἄλλων κόσμοσ αὐτοῖσ περιέκειτο· δικτάτορά τε, ὡσ ἐν κινδύνῳ, Φάβιον εἵλοντο Μάξιμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2

(아피아노스, The Foreign Wars, chapter 2)

상위

목록

SEARCH

MENU NAVIGATION