헬라어 문장 검색 - Αππιαν́ΤηεΦορέ27́

(아피아노스, The Foreign Wars, chapter 16)

Ῥωμαῖοι δέ, ὡσ ἔθοσ, ἐσ τὰ προσειλημμένα τῆσ Ἰβηρίασ ἔπεμψαν ἀπὸ τῆσ βουλῆσ ἄνδρασ δέκα τοὺσ καταστησομένουσ αὐτὰ ἐσ εἰρήνην, ὅσα Σκιπίων τε ἔλαβε καὶ Βροῦτοσ πρὸ τοῦ Σκιπίωνοσ ὑπηγάγετο ἢ ἐχειρώσατο. χρόνῳ δ’ ὕστερον, ἀποστάσεων ἄλλων ἐν Ἰβηρίᾳ γενομένων, Καλπούρνιοσ Πίσων στρατηγὸσ ᾑρέθη. καὶ αὐτὸν διεδέξατο μὲν Σέρουιοσ Γάλβασ, Κίμβρων δ’ ἐπιστρατευόντων τῇ Ἰταλίᾳ, καὶ Σικελίασ πολεμουμένησ τὸν δεύτερον δουλικὸν πόλεμον, στρατιὰν μὲν ἐσ Ἰβηρίαν οὐκ ἔπεμπον ὑπ’ ἀσχολίασ, πρέσβεισ δὲ ἀπεστέλλον, οἳ τὸν πόλεμον ἔμελλον ὅπῃ δύναιντο καταθήσεσθαι. Κίμβρων δὲ ἐξελαθέντων, Τίτοσ Δείδιοσ ἐπελθὼν Ἀρουακῶν μὲν ἔκτεινεν ἐσ δισμυρίουσ, Τερμησὸν δέ, μεγάλην πόλιν ἀεὶ δυσπειθῆ Ῥωμαίοισ γενομένην, ἐξ ἐρυμνοῦ κατήγαγεν ἐσ τὸ πεδίον, καὶ ἐκέλευσεν οἰκεῖν ἀτειχίστουσ. Κολένδαν δὲ προσκαθίσασ ἐνάτῳ μηνὶ παρέλαβεν ἐγχειρίσασαν ἑαυτήν, καὶ τοὺσ Κολενδέασ ἅπαντασ μετὰ παίδων καὶ γυναικῶν ἀπέδοτο. Πόλιν δ’ ἑτέραν τῆσ Κολένδησ πλησίον ᾤκουν μιγάδεσ Κελτιβήρων, οὓσ Μᾶρκοσ Μάριοσ συμμαχήσαντασ αὐτῷ κατὰ Λυσιτανῶν, τῆσ βουλῆσ ἐπιτρεπούσησ, ᾠκίκει πρὸ πέντε ἐνιαυτῶν.

ἐλῄστευον δ’ ἐξ ἀπορίασ οὗτοι· καὶ κρίνασ αὐτοὺσ ὁ Δείδιοσ ἀνελεῖν, συνθεμένων αὐτῷ τῶν δέκα πρέσβεων ἔτι παρόντων, ἔφη τοῖσ ἐπιφανέσιν αὐτῶν ἐθέλειν τὴν Κολενδέων χώραν αὐτοῖσ προσορίσαι πενομένοισ. ἀσπαζομένουσ δὲ ὁρῶν ἐκέλευε, τῷ δήμῳ ταῦτα μετενεγκόντασ, ἥκειν μετὰ γυναικῶν καὶ παίδων τὴν χώραν μεριουμένουσ. ἐπεὶ δ’ ἀφίκοντο, προσέταξε τοὺσ στρατιώτασ ἐκ τοῦ χάρακοσ ἐξελθεῖν καὶ τοὺσ ἐνεδρευομένουσ ἔσω παρελθεῖν ὡσ ἀπογραψόμενοσ αὐτῶν ἔνδον τὸ πλῆθοσ, ἐν μέρει μὲν ἀνδρῶν ἐν μέρει δὲ παίδων καὶ γυναικῶν, ἵνα ἐπιγνοίη πόσην χώραν αὐτοῖσ δέοι διελεῖν. ὡσ δὲ παρῆλθον ἐσ τὴν τάφρον καὶ τὸ χαράκωμα, περιστήσασ αὐτοῖσ τὸν στρατὸν ὁ Δείδιοσ ἔκτεινε πάντασ. καὶ ἐπὶ τοῖσδε Δείδιοσ μὲν καὶ ἐθριάμβευσε, πάλιν δὲ τῶν Κελτιβήρων ἀποστάντων Φλάκκοσ ἐπιπεμφθεὶσ ἔκτεινε δισμυρίουσ. ἐν δὲ Βελγήδῃ πόλει ὁ μὲν δῆμοσ ἐσ ἀπόστασιν ὁρμῶν τὴν βουλὴν ὀκνοῦσαν ἐνέπρησεν αὐτῷ βουλευτηρίῳ, ὁ δὲ Φλάκκοσ ἐπελθὼν ἔκτεινε τοὺσ αἰτίουσ. Τοσάδε μὲν ηὑρ͂ον ἄξια λόγου Ῥωμαίοισ ἐσ τότε πρὸσ Ἴβηρασ αὐτοὺσ γενόμενα·

χρόνῳ δ’ ὕστερον στασιαζόντων ἐν Ῥώμῃ Σύλλα τε καὶ Κίννα, καὶ ἐσ ἐμφυλίουσ πολέμουσ καὶ στρατόπεδα κατὰ τῆσ πατρίδοσ διῃρημένων, Κόιντοσ Σερτώριοσ, ἐκ τῆσ Κίννα στάσεωσ αἱρεθεὶσ τῆσ Ἰβηρίασ ἄρχειν, Ἰβηρίαν τε αὐτὴν ἐπανέστησε Ῥωμαίοισ, καὶ πολὺν στρατὸν ἀγείρασ, καὶ βουλὴν τῶν ἰδίων φίλων ἐσ μίμημα τῆσ συγκλήτου καταλέξασ, ἤλαυνεν ἐσ Ῥώμην ἐπὶ τόλμησ καὶ φρονήματοσ λαμπροῦ, καὶ τἄλλα ὢν ἐσ θρασύτητα περιώνυμοσ, ὥστε τὴν βουλὴν δείσασαν ἑλέσθαι τοὺσ παρὰ σφίσιν ἐπὶ μεγίστησ τότε δόξησ στρατηγούσ, Καικίλιόν τε Μέτελλον μετὰ πολλοῦ στρατοῦ καὶ Γναῖον Πομπήιον ἐπ’ ἐκείνῳ μεθ’ ἑτέρου στρατοῦ, ἵνα τὸν πόλεμον, ὅπῃ δύναιντο, ἐξωθοῖεν ἐκ τῆσ Ἰταλίασ ἐν διχοστασίᾳ τότε μάλιστα οὔσησ. ἀλλὰ Σερτώριον μὲν τῶν στασιωτῶν τισ αὐτοῦ Περπέρνασ ἀνελὼν ἑαυτὸν ἐπὶ Σερτωρίῳ στρατηγὸν ἀπέφηνε τῆσ ἀποστάσεωσ, Περπέρναν δ’ ἔκτεινε μάχῃ Πομπήιοσ, καὶ ὁ πόλεμοσ ὅδε, θορυβήσασ δὴ τῷ φόβῳ μάλιστα Ῥωμαίουσ, διελύθη. τὸ δὲ ἀκριβὲσ αὐτοῦ δηλώσει τὰ περὶ Σύλλαν ἐμφύλια. Μετὰ δὲ τὸν Σύλλα θάνατον Γάιοσ Καῖσαρ αἱρεθεὶσ Ἰβηρίασ στρατηγεῖν, ὥστε καὶ πολεμεῖν οἷσ δεήσειεν, ὅσα τῶν Ἰβήρων ἐσαλεύετο ἢ Ῥωμαίοισ ἔτι ἔλειπε, πολέμῳ συνηνάγκασε πάντα ὑπακούειν.

καί τινα αὖθισ ἀφιστάμενα Ὀκταούιοσ Καῖσαρ ὁ τοῦ Γάιου παῖσ, ὁ Σεβαστὸσ ἐπίκλην, ἐχειρώσατο. καὶ ἐξ ἐκείνου μοι δοκοῦσι Ῥωμαῖοι τὴν Ἰβηρίαν, ἣν δὴ νῦν Ἱσπανίαν καλοῦσιν, ἐσ τρία διαιρεῖν καὶ στρατηγοὺσ ἐπιπέμπειν, ἐτησίουσ μὲν ἐσ τὰ δύο ἡ βουλή, τὸν δὲ τρίτον βασιλεὺσ ἐφ’ ὅσον δοκιμάσειεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 16

(아피아노스, The Foreign Wars, chapter 16)

상위

목록

SEARCH

MENU NAVIGATION