Appian, The Foreign Wars, chapter 16 1:

(아피아노스, The Foreign Wars, chapter 16 1:)

Ῥωμαῖοι δέ, ὡσ ἔθοσ, ἐσ τὰ προσειλημμένα τῆσ Ἰβηρίασ ἔπεμψαν ἀπὸ τῆσ βουλῆσ ἄνδρασ δέκα τοὺσ καταστησομένουσ αὐτὰ ἐσ εἰρήνην, ὅσα Σκιπίων τε ἔλαβε καὶ Βροῦτοσ πρὸ τοῦ Σκιπίωνοσ ὑπηγάγετο ἢ ἐχειρώσατο. χρόνῳ δ’ ὕστερον, ἀποστάσεων ἄλλων ἐν Ἰβηρίᾳ γενομένων, Καλπούρνιοσ Πίσων στρατηγὸσ ᾑρέθη. καὶ αὐτὸν διεδέξατο μὲν Σέρουιοσ Γάλβασ, Κίμβρων δ’ ἐπιστρατευόντων τῇ Ἰταλίᾳ, καὶ Σικελίασ πολεμουμένησ τὸν δεύτερον δουλικὸν πόλεμον, στρατιὰν μὲν ἐσ Ἰβηρίαν οὐκ ἔπεμπον ὑπ’ ἀσχολίασ, πρέσβεισ δὲ ἀπεστέλλον, οἳ τὸν πόλεμον ἔμελλον ὅπῃ δύναιντο καταθήσεσθαι. Κίμβρων δὲ ἐξελαθέντων, Τίτοσ Δείδιοσ ἐπελθὼν Ἀρουακῶν μὲν ἔκτεινεν ἐσ δισμυρίουσ, Τερμησὸν δέ, μεγάλην πόλιν ἀεὶ δυσπειθῆ Ῥωμαίοισ γενομένην, ἐξ ἐρυμνοῦ κατήγαγεν ἐσ τὸ πεδίον, καὶ ἐκέλευσεν οἰκεῖν ἀτειχίστουσ. Κολένδαν δὲ προσκαθίσασ ἐνάτῳ μηνὶ παρέλαβεν ἐγχειρίσασαν ἑαυτήν, καὶ τοὺσ Κολενδέασ ἅπαντασ μετὰ παίδων καὶ γυναικῶν ἀπέδοτο.

일치하는 문장이 없습니다.

SEARCH

MENU NAVIGATION