Appian, The Foreign Wars, chapter 15 6:

(아피아노스, The Foreign Wars, chapter 15 6:)

Τοσόσδε ἔρωσ ἐλευθερίασ καὶ ἀνδραγαθίασ ἦν ἐν πόλει βαρβάρῳ τε καὶ σμικρᾷ. ἐσ γὰρ ὀκτακισχιλίουσ ἐπ’ εἰρήνησ γενόμενοι οἱᾶ μὲν καὶ ὅσα Ῥωμαίουσ ἔδρασαν, οἱάσ δὲ συνθήκασ αὐτοῖσ ἔθεντο ἐπὶ ἴσῃ καὶ ὁμοίᾳ, οὐδέσι ταῦτα συνθέσθαι Ῥωμαίων ὑποστάντων, οἱο͂ν δ’ ὄντα τὸν τελευταῖον στρατηγόν, ἓξ μυριάσιν αὐτοὺσ περικαθήμενον, προυκαλέσαντο πολλάκισ ἐσ μάχην. ὁ δὲ ἦν ἄρα στρατηγικώτεροσ αὐτῶν, ἐσ χεῖρασ οὐκ ἰὼν θηρίοισ, ἀλλὰ τῷ λιμῷ σφᾶσ κατεργαζόμενοσ, ἀμάχῳ κακῷ, ᾧ δὴ καὶ μόνῳ ληφθῆναί τε δυνατὸν ἦν ἄρα Νομαντίνουσ, καὶ ἐλήφθησαν μόνῳ. Ἐμοὶ μὲν δὴ ταῦτα περὶ Νομαντίνων εἰπεῖν ἐπῆλθεν, ἐσ τὴν ὀλιγότητα αὐτῶν καὶ φερεπονίαν ἀφορῶντι, καὶ ἔργα πολλά, καὶ χρόνον ὅσον διεκαρτέρησαν· οἱ δὲ πρῶτα μὲν αὑτούσ, οἱ βουλόμενοι, διεχρῶντο, ἕτεροσ ἑτέρωσ· οἱ λοιποὶ δ’ ἐξῄεσαν τρίτησ ἡμέρασ ἐσ τὸ δεδομένον χωρίον, δυσόρατοί τε καὶ ἀλλόκοτοι πάμπαν ὀφθῆναι, οἷσ τὰ μὲν σώματα ἦν ἀκάθαρτα καὶ τριχῶν καὶ ὀνύχων καὶ ῥύπου μεστά, ὠδώδεσαν δὲ χαλεπώτατον, καὶ ἐσθὴσ αὐτοῖσ ἐπέκειτο πιναρὰ καὶ ἥδε καὶ οὐχ ἧσσον δυσώδησ. ἐφαίνοντο δὲ τοῖσ πολεμίοισ ἐλεεινοὶ μὲν ἀπὸ τῶνδε, φοβεροὶ δ’ ἀπὸ τῶν βλεμμάτων· ἔτι γὰρ αὐτοὺσ ἐνεώρων ἔκ τε ὀργῆσ καὶ λύπησ καὶ πόνου καὶ συνειδότοσ ἀλληλοφαγίασ.

일치하는 문장이 없습니다.

SEARCH

MENU NAVIGATION