Appian, The Foreign Wars, chapter 14 5:

(아피아노스, The Foreign Wars, chapter 14 5:)

Ἐν δέ τινι πεδίῳ τῆσ Παλλαντιασ, ὄνομα Κοπλανίῳ, πολλοὺσ ἐπὶ τῶν ὀρῶν ὑπὸ λόφοισ ἔκρυψαν οἱ Παλλάντιοι, καὶ ἑτέροισ ἐσ τὸ φανερὸν τοὺσ σιτολογοῦντασ ἠνώχλουν. ὁ δὲ Ῥουτίλιον Ῥοῦφον, συγγραφέα τῶνδε τῶν ἔργων, τότε χιλιαρχοῦντα, ἐκέλευσε τέσσαρασ ἱππέων ἴλασ λαβόντα ἀναστεῖλαι τοὺσ ἐνοχλοῦντασ. Ῥοῦφοσ μὲν οὖν ὑποχωροῦσιν αὐτοῖσ ἀμέτρωσ εἵπετο, καὶ φεύγουσιν ἐσ τὸν λόφον συνανεπήδα, ἔνθα τῆσ ἐνέδρασ ἐκφανείσησ ἐκέλευε τοὺσ ἱππέασ μήτε διώκειν μήτε ἐπιχειρεῖν ἔτι, ἀλλ’ ἐν προβολῇ τὰ δόρατα θεμένουσ ἑστάναι καὶ ἐπιόντασ ἀμύνεσθαι μόνον. ὁ δὲ Σκιπίων εὐθὺ ἀνατρέχοντοσ αὐτοῦ παρὰ τὸ πρόσταγμα δείσασ εἵπετο κατὰ σπουδήν, καὶ ὡσ ηὑρ͂ε τὴν ἐνέδραν, ἐσ δύο διεῖλε τοὺσ ἱππέασ, καὶ προσέταξεν αὐτῶν ἑκατέροισ παρὰ μέροσ ἐμπηδᾶν τοῖσ πολεμίοισ, καὶ ἀκοντίσαντασ ὁμοῦ πάντασ εὐθὺσ ἀναχωρεῖν, οὐκ ἐσ τὸν αὐτὸν τόπον, ἀλλ’ ἀεὶ κατ’ ὀλίγον προστιθέντασ ὀπίσω καὶ ὑποχωροῦντασ. οὕτω μὲν τοὺσ ἱππέασ ἐσ τὸ πεδίον περιέσωσεν· ἀναζευγνύοντι δ’ αὐτῷ καὶ ἀναχωροῦντι ποταμὸσ ἦν ἐν μέσῳ δύσπορόσ τε καὶ ἰλυώδησ, καὶ παρ’ αὐτὸν ἐνήδρευον οἱ πολέμιοι. ὁ δὲ μαθὼν ἐξέκλινε τῆσ ὁδοῦ, καὶ μακροτέραν ἦγε καὶ δυσενέδρευτον, νυκτόσ τε ὁδεύων διὰ τὸ δίψοσ καὶ φρέατα ὀρύσσων, ὧν τὰ πλέονα πικρὰ ηὑρίσκετο. τοὺσ μὲν οὖν ἄνδρασ ἐπιμόχθωσ περιέσωσεν, ἵπποι δέ τινεσ αὐτοῦ καὶ ὑποζύγια ὑπὸ τῆσ δίψησ ἀπώλοντο.

일치하는 문장이 없습니다.

SEARCH

MENU NAVIGATION