Appian, The Foreign Wars, chapter 13 3:

(아피아노스, The Foreign Wars, chapter 13 3:)

Ὁ δὲ Πομπήιοσ αὖθισ ἐλάσασ ἐπὶ Νομαντίαν, ποταμόν τινα μετωχέτευεν ἐσ τὸ πεδίον ὡσ λιμῷ πιέσων τὴν πόλιν. οἱ δὲ ἐργαζομένῳ τε ἐπέκειντο, καὶ σαλπικτῶν χωρὶσ ἐκτρέχοντεσ ἀθρόοι τοὺσ ὀχετεύοντασ ἠνώχλουν. ἔβαλλον δὲ καὶ τοὺσ ἀπὸ τοῦ χάρακοσ ἐπιβοηθοῦντασ, ἑώσ κατέκλεισαν ἐσ τὸ στρατόπεδον. καὶ σιτολογοῦσιν ἑτέροισ ἐπιδραμόντεσ καὶ τῶνδε πολλοὺσ διέφθειραν, Ὄππιόν τε χιλίαρχον ἐπ’ αὐτοῖσ ἀνεῖλον. καὶ κατ’ ἄλλο μέροσ τάφρον ὀρύσσουσι Ῥωμαίοισ ἐπιδραμόντεσ ἔκτειναν ἐσ τετρακοσίουσ, καὶ τὸν ἡγούμενον αὐτῶν. ἐφ’ οἷσ τῷ τε Πομπηίῳ σύμβουλοι παρῆσαν ἐκ Ῥώμησ, καὶ τοῖσ στρατιώταισ ἑ̔̀ξ γὰρ ἔτη διεληλύθει στρατευομένοισ̓ διάδοχοι νεοκατάγραφοί τε καὶ ἔτι ἀγύμναστοι καὶ ἀπειροπόλεμοι. μεθ’ ὧν ὁ Πομπήιοσ αἰδούμενόσ τε τὰ ἐπταισμένα, καὶ ἐπειγόμενοσ τὴν αἰσχύνην ἀναλαβεῖν, ἐπέμενε χειμῶνοσ ἐν τῷ στρατοπέδῳ. καὶ οἱ στρατιῶται κρύουσ τε ὄντοσ ἐν ἀστέγῳ σταθμεύοντεσ, καὶ πρῶτον ἄρτι πειρώμενοι τοῦ περὶ τὴν χώραν ὕδατόσ τε καὶ ἀέροσ, κατὰ γαστέρα ἔκαμνον, καὶ διεφθείροντο ἔνιοι. μέρουσ δὲ ἐπὶ σῖτον οἰχομένου, κρύψαντεσ ἐνέδραν οἱ Νομαντῖνοι παρ’ αὐτὸ τὸ Ῥωμαίων στρατόπεδον ἠκροβολίζοντο ἐρεθίζοντεσ, ἑώσ οἱ μὲν οὐ φέροντεσ ἐπεξῄεσαν, οἱ δ’ ἐκ τῆσ ἐνέδρασ ἀνίσταντο· καὶ Ῥωμαῖοι πολλοὶ μὲν ἐκ τοῦ πλήθουσ, πολλοὶ δὲ τῶν ἐπιφανῶν ἀπέθανον· οἱ δὲ Νομαντῖνοι καὶ τοῖσ τὸν σῖτον φέρουσιν ἀπαντήσαντεσ ἔκτειναν καὶ τῶνδε πολλούσ.

일치하는 문장이 없습니다.

SEARCH

MENU NAVIGATION