헬라어 문장 검색 - Αππιαν́ΤηεΦορέ23́0́05́

(아피아노스, The Foreign Wars, chapter 12 5:)

Ἐπὶ δὲ Ταλάβριγα πόλιν ἐλθών, ἣ πολλάκισ μὲν αὐτῷ συνετέθειτο, πολλάκισ δὲ ἀποστᾶσα ἠνώχλει, παρακαλούντων αὐτὸν καὶ τότε τῶν Ταλαβρίγων καὶ διδόντων αὑτοὺσ ἐσ ὅ τι χρῄζοι, πρῶτα μὲν τοὺσ αὐτομόλουσ Ῥωμαίων ᾔτει καὶ τὰ αἰχμάλωτα, καὶ ὅπλα ὅσα εἶχον, καὶ ὅμηρα ἐπὶ τούτοισ, εἶτ’ αὐτοὺσ ἐκέλευσε σὺν παισὶ καὶ γυναιξὶν ἐκλιπεῖν τὴν πόλιν. ὡσ δὲ καὶ τοῦθ’ ὑπέστησαν, τὴν στρατιὰν αὐτοῖσ περιστήσασ ἐδημηγόρει, καταλέγων ὁσάκισ ἀποσταῖεν καὶ ὅσουσ πολέμουσ πολεμήσειαν αὐτῷ. φόβον δὲ καὶ δόξαν ἐμφήνασ ἐργασομένου τι δεινόν, ἐπὶ τῶν ὀνειδῶν ἔληξε, καὶ τοὺσ μὲν ἵππουσ αὐτῶν καὶ τὸν σῖτον καὶ χρήματα ὅσα κοινὰ ἦν, ἢ εἴ τισ ἄλλη δημοσία παρασκευή, πάντα περιεῖλε, τὴν δὲ πόλιν αὖθισ οἰκεῖν ἔδωκεν ἐξ ἀέλπτου. τοσάδε μὲν δὴ Βροῦτοσ ἐργασάμενοσ ἐσ Ῥώμην ἀπῄει. καὶ αὐτὰ ἐσ τὴν Οὐριάτθου γραφὴν συνήγαγον, ἐν τῷ αὐτῷ χρόνῳ διὰ τὸν ἐκείνου ζῆλον ὑπὸ λῃστηρίων ἄλλων ἀρξάμενα γίγνεσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 12 5:

(아피아노스, The Foreign Wars, chapter 12 5:)

상위

목록

SEARCH

MENU NAVIGATION