Appian, The Foreign Wars, chapter 9 9:

(아피아노스, The Foreign Wars, chapter 9 9:)

Τῆσ δ’ ἐπιούσησ οἱ πρεσβύτατοι, στεφανωσάμενοί τε καὶ φέροντεσ ἱκετηρίασ, τὸν Λεύκολλον αὖθισ ἠρώτων τί ποιοῦντεσ ἂν εἰε͂ν φίλοι. ὁ δὲ αὐτοὺσ ὅμηρά τε ᾔτει καὶ ἀργυρίου τάλαντα ἑκατόν, καὶ τοὺσ ἱππέασ αὐτῶν ἐκέλευέν οἱ συστρατεύειν. ὡσ δὲ πάντα ἔλαβεν, ἠξίου φρουρὰν ἐσ τὴν πόλιν ἐσαγαγεῖν. δεξαμένων δὲ καὶ τοῦτο τῶν Καυκαίων, ἐσήγαγε δισχιλίουσ ἀριστίνδην ἐξειλεγμένουσ, οἷσ ἐσελθοῦσιν εἴρητο γίγνεσθαι περὶ τὰ τείχη. καταλαβόντων δὲ αὐτὰ τῶν δισχιλίων, ἐσήγαγε τὴν ἄλλην στρατιὰν ὁ Λεύκολλοσ, καὶ τῇ σάλπιγγι ὑπεσήμαινε κτείνειν Καυκαίουσ ἅπαντασ ἡβηδόν. οἱ μὲν δὴ πίστεισ τε καὶ θεοὺσ ὁρκίουσ ἐπικαλούμενοι, καὶ Ῥωμαίουσ ἐσ ἀπιστίαν λοιδοροῦντεσ, διεφθείροντο ὠμῶσ, ἐκ δισμυρίων ἀνδρῶν κατὰ πύλασ ἀποκρήμνουσ διαφυγόντων ὀλίγων· ὁ δὲ Λεύκολλοσ τὴν πόλιν διήρπαζε, καὶ δόξησ Ῥωμαίουσ ἐνεπίμπλη κακῆσ. οἱ δ’ ἄλλοι βάρβαροι συνέθεον ἐκ τῶν πεδίων, οἱ μὲν ἐσ τὰ ἀπόκρημνα, οἱ δὲ ἐσ τὰσ ὀχυρωτέρασ πόλεισ, συμφέροντεσ ἃ δύναιντο καὶ ἐμπιπράντεσ ὅσα λείποιεν, τοῦ μηδὲν ἔτι Λεύκολλον εὑρεῖν.

일치하는 문장이 없습니다.

SEARCH

MENU NAVIGATION