Appian, The Foreign Wars, chapter 9 8:

(아피아노스, The Foreign Wars, chapter 9 8:)

Ὁ δὲ Λεύκολλοσ δόξησ τε ἐπιθυμῶν, καὶ ἐκ πενίασ χρῄζων χρηματισμοῦ, ἐσ Οὐακκαίουσ. ἕτερον γένοσ Κελτιβήρων, ἐνέβαλεν, οἳ γείτονεσ τῶν Ἀρουακῶν εἰσίν, οὔτε τινὸσ αὐτῷ ψηφίσματοσ γεγονότοσ, οὔτε Οὐακκαίων Ῥωμαίοισ πεπολεμηκότων, οὐδὲ ἐσ αὐτόν τι Λεύκολλον ἁμαρτόντων. περάσασ δὲ τὸν ποταμὸν τὸν καλούμενον Τάγον, ἀφίκετο πρὸσ Καύκαν πόλιν καὶ παρεστρατοπέδευσεν. οἱ δ’ ἐπύθοντο μὲν αὐτοῦ τίνοσ ἥκοι δεόμενοσ ἢ τί πολέμου χρῄζων, φήσαντοσ δὲ ὅτι Καρπητανοῖσ ὑπὸ Οὐακκαίων ἀδικουμένοισ βοηθοίη, τότε μὲν ἀνεχώρουν ἐσ τὴν πόλιν, ξυλευομένῳ δὲ αὐτῷ καὶ χορτολογοῦντι ἐπέκειντο. καὶ κτείνουσι πολλούσ, καὶ τοὺσ λοιποὺσ διώκουσιν ἐσ τὸ στρατόπεδον. γενομένησ δὲ καὶ παρατάξεωσ, οἱ Καυκαῖοι ψιλοῖσ ἐοικότεσ ἐκράτουν ἐπὶ πολὺ τοῦ Λευκόλλου, μέχρι σφῶν τὰ ἀκόντια πάντα ἐξαναλώθη· καὶ τότε ἔφευγον οὐκ ὄντεσ μενεμάχοι, περί τε τὰσ πύλασ αὐτῶν ὠθουμένων ἀνῃρέθησαν ἀμφὶ τοὺσ τρισχιλίουσ.

일치하는 문장이 없습니다.

SEARCH

MENU NAVIGATION