헬라어 문장 검색 - Αππιαν́ΤηεΦορέ20́

(아피아노스, The Foreign Wars, chapter 9)

Ἔτεσι δ’ οὐ πολλοῖσ ὕστερον πόλεμοσ ἄλλοσ ἠγέρθη περὶ Ἰβηρίαν χαλεπὸσ ἐκ τοιᾶσδε προφάσεωσ. Σεγήδη πόλισ ἐστὶ Κελτιβήρων τῶν Βελλῶν λεγομένων μεγάλη τε καὶ δυνατή, καὶ ἐσ τὰσ Σεμπρωνίου Γράκχου συνθήκασ ἐνεγέγραπτο. αὕτη τὰσ βραχυτέρασ πόλεισ ἀνῴκιζεν ἐσ αὑτήν, καὶ τεῖχοσ ἐσ τεσσαράκοντα σταδίουσ κύκλῳ περιεβάλετο, Τίτθουσ τε ὅμορον γένοσ ἄλλο συνηνάγκαζεν ἐσ ταῦτα. ἡ δὲ σύγκλητοσ πυθομένη τό τε τεῖχοσ ἀπηγόρευε τειχίζειν, καὶ φόρουσ ᾔτει τοὺσ ὁρισθέντασ ἐπὶ Γράκχου, στρατεύεσθαί τε Ῥωμαίοισ προσέτασσε· καὶ γὰρ τοῦθ’ αἱ Γράκχου συνθῆκαι ἐκέλευον. οἱ δὲ περὶ μὲν τοῦ τείχουσ ἔλεγον ἀπηγορεῦσθαι Κελτίβηρσιν ὑπὸ Γράκχου μὴ κτίζειν πόλεισ, οὐ τειχίζειν τὰσ ὑπαρχούσασ· τῶν δὲ φόρων καὶ τῆσ ξεναγίασ ὑπ’ αὐτῶν ἔφασαν Ῥωμαίων ἀφεῖσθαι μετὰ Γράκχον. καὶ τῷ ὄντι ἦσαν ἀφειμένοι, δίδωσι δ’ ἡ βουλὴ τὰσ τοιάσδε δωρεὰσ ἀεὶ προστιθεῖσα κυρίασ ἔσεσθαι μέχρι ἂν αὐτῇ καὶ τῷ δήμῳ δοκῇ. Στρατηγὸσ οὖν ἐπ’ αὐτοὺσ Νωβελίων ἐπέμπετο μετὰ στρατιᾶσ οὐ πολὺ τρισμυρίων ἀνδρῶν ἀποδεούσησ·

ὃν ἐπειδὴ σφίσιν οἱ Σεγηδαῖοι προσιόντα ἔγνωσαν, οὔπω τὸ τεῖχοσ ἐκτελέσαντεσ ἔφευγον ἐσ Ἀρουακοὺσ μετὰ παίδων καὶ γυναικῶν, καὶ σφᾶσ ὑποδέχεσθαι τοὺσ Ἀρουακοὺσ παρεκάλουν. οἱ δὲ ὑποδέχονταί τε, καὶ Κάρον αὑτῶν Σεγηδαῖον, πολεμικὸν εἶναι νομιζόμενον, αἱροῦνται στρατηγόν. ὁ δὲ τρίτῃ μετὰ τὴν χειροτονίαν ἡμέρᾳ δισμυρίουσ πεζοὺσ καὶ ἱππέασ πεντακισχιλίουσ ἔσ τινα λόχμην ἐνεδρεύσασ παροδεύουσι τοῖσ Ῥωμαίοισ ἐπέθετο, καὶ τῆσ μάχησ ἐπὶ πολὺ ἀγχωμάλου γενομένησ ἐκράτει τε λαμπρῶσ, καὶ Ῥωμαίων τῶν ἐξ ἄστεοσ ἔκτεινεν ἐσ ἑξακισχιλίουσ, ὡσ μέγα τῇ πόλει γενέσθαι τὸ ἀτύχημα. ἀτάκτου δὲ αὐτῷ τῆσ διώξεωσ ἐπὶ τῇ νίκῃ γενομένησ, οἱ τὰ σκευοφόρα Ῥωμαίων φυλάσσοντεσ ἱππεῖσ ἐπέδραμον, καὶ Κάρον τε αὐτὸν ἀριστεύοντα ἔκτειναν καὶ ἑτέρουσ ἀμφ’ αὐτόν, οὐκ ἐλάσσουσ καὶ οἵδε τῶν ἑξακισχιλίων, μέχρι νὺξ ἐπελθοῦσα διέλυσεν. ἐγίγνετο δὲ ταῦθ’ ὅτε Ῥωμαῖοι τῷ Ἡφαίστῳ τὴν ἑορτὴν ἄγουσιν· ὅθεν οὐδεὶσ ἂν ἑκὼν ἄρξειεν ἐξ ἐκείνου μάχησ παρὰ τήνδε τὴν ἡμέραν. Ἀρουακοὶ μὲν οὖν εὐθὺσ αὐτῆσ νυκτὸσ ἐσ Νομαντίαν, ἣ δυνατωτάτη πόλισ ἦν, συνελέγοντο, καὶ στρατηγοὺσ Ἄμβωνα καὶ Λεύκωνα ᾑροῦντο·

Νωβελίων δ’ αὐτοῖσ τρισὶν ἡμέραισ ὕστερον ἐπελθὼν παρεστρατοπέδευσεν ἀπὸ σταδίων τεσσάρων καὶ εἴκοσιν. παραγενομένων δέ οἱ Νομάδων ἱππέων τριακοσίων, οὓσ Μασσανάσσησ ἐπεπόμφει, καὶ ἐλεφάντων δέκα, τὴν στρατιὰν ἐπῆγε τοῖσ πολεμίοισ, ἄγων ὀπίσω τὰ θηρία λανθάνοντα. καὶ γενομένησ ἐν χερσὶ τῆσ μάχησ οἱ μὲν ἄνδρεσ διέστησαν, τὰ δὲ θηρία ἐξεφαίνετο· καὶ οἱ Κελτίβηρεσ αὐτοί τε καὶ οἱ ἵπποι σφῶν οὐ πρὶν ἑωρακότεσ ἐλέφαντασ ἐν πολέμοισ ἐθορυβοῦντο καὶ κατέφευγον ἐσ τὴν πόλιν. ὁ δὲ καὶ τοῖσ τείχεσιν αὐτοὺσ ἐπῆγε, καὶ ἐμάχετο γενναίωσ, μέχρι τῶν ἐλεφάντων τισ ἐσ τὴν κεφαλὴν λίθῳ μεγάλῳ καταπίπτοντι πληγεὶσ ἠγριώθη τε, καὶ ἐκβοήσασ μέγιστον ἐσ τοὺσ φίλουσ ἐπεστρέφετο, καὶ ἀνῄρει τὸν ἐν ποσίν, οὐ διακρίνων ἔτι φίλιον ἢ πολέμιον. οἵ τε ἄλλοι ἐλέφαντεσ πρὸσ τὴν ἐκείνου βοὴν διαταραχθέντεσ ὅμοια πάντεσ ἔδρων, καὶ τοὺσ Ῥωμαίουσ συνεπάτουν τε καὶ ἀνέτεμνον καὶ ἀνερρίπτουν. ὅπερ ἀεὶ θορυβηθέντεσ οἱ ἐλέφαντεσ εἰώθασι πάσχειν, καὶ πάντασ ἡγεῖσθαι πολεμίουσ· καί τινεσ διὰ τήνδε τὴν ἀπιστίαν αὐτοὺσ καλοῦσι κοινοὺσ πολεμίουσ. φυγὴ οὖν τῶν Ῥωμαίων ἐγίγνετο ἄτακτοσ· ἣν οἱ Νομαντῖνοι κατιδόντεσ ἀπὸ τῶν τειχῶν ἐξέθορον, καὶ διώκοντεσ ἔκτειναν ἄνδρασ μὲν ἐσ τετρακισχιλίουσ ἐλέφαντασ δὲ τρεῖσ, ὅπλα τε πολλὰ καὶ σημεῖα ἔλαβον. Κελτιβήρων δὲ ἀπέθανον ἐσ δισχιλίουσ. Καὶ ὁ Νωβελίων μικρὸν ἐκ τοῦ πταίσματοσ ἀναλαβών, ἀγορᾷ μέν τινι τῶν πολεμίων ἐπεχείρει περὶ Ἀξείνιον πόλιν σεσωρευμένῃ, οὐδὲν δὲ ἀνύσασ, ἀλλὰ κἀνταῦθα πολλοὺσ ἀποβαλών, ἐπανῆλθε νυκτὸσ ἐσ τὸ στρατόπεδον.

ὅθεν Βιήσιον ἵππαρχον ἐπὶ συμμαχίαν ἔσ τι γειτονεῦον ἔθνοσ ἔπεμπεν, ἱππέων δεόμενοσ. οἱ δὲ συνέπεμψαν αὐτῷ τινὰσ ἱππέασ, οὓσ ἐρχομένουσ ἐλόχων οἱ Κελτίβηρεσ. καὶ τῆσ ἐνέδρασ ἐκφανείσησ οἱ μὲν σύμμαχοι διεδίδρασκον, ὁ δὲ Βιήσιοσ μαχόμενοσ αὐτόσ τε καὶ σὺν αὐτῷ πολλοὶ Ῥωμαίων ἀπέθανον. συνεχῶν δὲ τοιῶνδε πταισμάτων αὐτοῖσ ἐπιγιγνομένων, πόλισ Ὄκιλισ, ἔνθα ἡ ἀγορὰ καὶ τὰ χρήματα ἦν τὰ Ῥωμαίων, μετέθετο ἐσ τοὺσ Κελτίβηρασ. καὶ ὁ Νωβελίων ἀπιστῶν ἅπασιν ἐν τῷ στρατοπέδῳ διεχείμαζε, στεγάσασ ὡσ ἐδύνατο, καὶ τὴν ἀγορὰν ἔχων ἔνδον, καὶ κακοπαθῶν αὐτῆσ τε τῆσ ἀγορᾶσ τῇ ὀλιγότητι καὶ νιφετοῦ πυκνότητι καὶ κρύουσ χαλεπότητι, ὥστε πολλοὶ τῶν στρατιωτῶν οἱ μὲν ἐν τοῖσ φρυγανισμοῖσ, οἱ δὲ καὶ ἔνδον ὑπὸ στενοχωρίασ καὶ κρύουσ ἀπώλλυντο. Τοῦ δ’ ἐπιόντοσ ἔτουσ Νωβελίωνι μὲν ἐπὶ τὴν στρατηγίαν ἀφικνεῖται διάδοχοσ Κλαύδιοσ Μάρκελλοσ, ἄγων πεζοὺσ ὀκτακισχιλίουσ καὶ ἱππέασ πεντακοσίουσ·

λοχώντων δὲ καὶ τόνδε τῶν πολεμίων διῆλθε πεφυλαγμένωσ, καὶ σύμπαντι τῷ στρατῷ παρὰ τὴν Ὄκιλιν ἐστρατοπέδευσεν. ἐπιτυχὴσ δὲ τὰ πολέμια ὢν τὴν πόλιν αὐτίκα παρεστήσατο, καὶ συγγνώμην ἔδωκεν, ὅμηρά τινα καὶ ἀργυρίου τάλαντα τριάκοντα λαβών. Νεργόβριγεσ δὲ αὐτοῦ περὶ τῆσδε τῆσ μετριοπαθείασ πυθόμενοι, πέμψαντεσ ἠρώτων τί ἂν πράξαντεσ εἰρήνησ ἐπιτύχοιεν. ὡσ δὲ αὐτοὺσ ἐκέλευεν ἑκατὸν ἱππέασ δοῦναι συστρατεύσοντασ, οἱ μὲν ὑπισχνοῦντο δώσειν, κατὰ δ’ ἄλλο μέροσ τοῖσ οὐραγοῦσιν ἐπετίθεντο καὶ τῶν σκευοφόρων τι περιέσπων. εἶτ’ ἀφίκοντο τοὺσ ἑκατὸν ἱππέασ ἄγοντεσ ὡσ δὴ κατὰ τὸ συγκείμενον, περί τε τῶν ἐπὶ τῆσ οὐραγίασ γενομένων ἔλεγον τινὰσ ἀγνοοῦντασ τὰ ὡμολογημένα ἁμαρτεῖν. ὁ δὲ τοὺσ μὲν ἑκατὸν ἱππέασ ἔδησε, τοὺσ δ’ ἵππουσ αὐτῶν ἀποδόμενοσ καὶ τὸ πεδίον καταδραμὼν τὴν λείαν διεῖλε τῷ στρατῷ, καὶ τῇ πόλει παρεστρατοπέδευσεν. Νεργόβριγεσ δέ, προσαγομένων αὐτοῖσ μηχανημάτων ἅμα μαὶ χωμάτων, κήρυκα πέμψαντεσ λυκῆν ἀντὶ κηρυκείου περικείμενον, ᾔτουν συγγνώμην. ὁ δὲ οὐκ ἔφη δώσειν, εἰ μὴ πάντεσ Ἀρουακοὶ καὶ Βελλοὶ καὶ Τίτθοι δεηθεῖεν ὁμοῦ. ὧν τὰ μὲν ἔθνη πυθόμενα προθύμωσ ἐπρεσβεύετο, καὶ τὸν Μάρκελλον ἠξίουν, ποινὴν αὐτοῖσ ἐπιθέντα μετρίαν, ἐσ τὰσ Γράκχου συνθήκασ ἀναγαγεῖν· ἀντέλεγον δ’ αὐτοῖσ ἐπιχώριοί τινεσ ὑπ’ ἐκείνων πεπολεμημένοι. Καὶ ὁ Μάρκελλοσ ἐξ ἑκατέρων πρέσβεισ ἐσ Ῥώμην ἔπεμπεν ἀντιλέξοντασ ἀλλήλοισ, ἰδίᾳ δ’ ἐπέστελλε τῇ βουλῇ προτρέπων ἐσ τὰσ διαλύσεισ·

ἐβούλετο γὰρ ἐφ’ ἑαυτοῦ τὸν πόλεμον ἐκλυθῆναι, δόξαν οἱ χρηστὴν καὶ ἀπὸ τοῦδε νομίζων ἔσεσθαι. τῶν δὲ πρέσβεων οἱ μὲν ἐκ τῆσ φιλίασ ἐσ τὴν πόλιν ἐσελθόντεσ ἐξενίζοντο, οἱ δὲ ἐκ τῶν πολεμίων, ὡσ ἔθοσ ἐστίν, ἔξω τειχῶν ἐστάθμευον. ἀποδοκιμάζουσα δ’ ἡ βουλὴ τὴν εἰρήνην, καὶ χαλεπῶσ φέρουσα ὅτι μή, καθάπερ αὐτοὺσ ἠξίου Νωβελίων ὁ πρὸ Μαρκέλλου, Ῥωμαίοισ αὑτοὺσ ἐπετετρόφεσαν, Μάρκελλον αὐτοῖσ ἐξοίσειν ἔφη τὰ δόξαντα. καὶ στρατιὰν εὐθὺσ ἐκλήρουν ἐσ Ἰβηρίαν τότε πρῶτον ἀντὶ καταλέξεωσ· πολλῶν γὰρ αἰτιωμένων τοὺσ ὑπάτουσ ἀδίκουσ ποιεῖσθαι τὰσ καταγραφὰσ καί τινασ ἐσ τὰσ κουφοτέρασ στρατείασ καταλέγειν, ἔδοξεν ἀπὸ κλήρου τότε συναγαγεῖν. ὧν ἐστρατήγει Λικίνιοσ Λεύκολλοσ ὕπατοσ, πρεσβευτῇ χρώμενοσ Κορνηλίῳ Σκιπίωνι τῷ Καρχηδόνα μετ’ οὐ πολὺ ἑλόντι, καὶ Νομαντίαν ὕστερον. Ὁ μὲν δὴ Λεύκολλοσ ὥδευεν, ὁ δὲ Μάρκελλοσ τόν τε πόλεμον προεῖπε τοῖσ Κελτίβηρσι, καὶ τὰ ὅμηρα αἰτοῦσιν ἀπέδωκεν.

τὸν δ’ ἐν Ῥώμῃ τοὺσ λόγουσ διαθέμενον ὑπὲρ τῶν Κελτιβήρων ἰδίᾳ πρὸσ αὑτὸν ἀνακαλέσασ ἐπὶ πολὺ διέτριβεν· ὑπὲρ ὅτου δὴ καὶ ὑπωπτεύετο μὲν καὶ τότε, μᾶλλον δ’ ἐπιστώθη τοῖσ ὕστερον γενομένοισ, ὅτι αὐτοὺσ ἀνέπειθεν ἑαυτῷ τὰ κατὰ σφᾶσ ἐπιτρέψαι, ἐπειγόμενοσ ἄρα πρὸ τοῦ Λευκόλλου τὸν πόλεμον καταλυθῆναι. μετὰ γὰρ τὴν συνουσίαν Νεργόβριγα μὲν Ἀρουακῶν πεντακισχίλιοι κατέλαβον, Μάρκελλοσ δ’ ἐπὶ Νομαντίαν ἐχώρει, καὶ πέντε σταδίουσ ἀποσχὼν παρεστρατοπέδευεν αὐτοῖσ καὶ συνεδίωκεν ἐσ τὴν πόλιν, ἑώσ ὁ τῶν Νομαντίνων στρατηγὸσ Λιτέννων ὑποστὰσ ἐβόα βούλεσθαι Μαρκέλλῳ συνελθεῖν ἐσ λόγουσ, καὶ συνελθὼν ἔφη Βελλοὺσ καὶ Τίτθουσ καὶ Ἀρουακοὺσ ἑαυτοὺσ ἐπιτρέπειν Μαρκέλλῳ. ὁ δὲ ἄσμενοσ ἀκούσασ ὅμηρά τε καὶ χρήματα πάντασ ᾔτησε, καὶ λαβὼν ἀφῆκεν ἐλευθέρουσ. ὁ μὲν δὴ πόλεμοσ ὁ Βελλῶν τε καὶ Τίτθων καὶ Ἀρουακῶν ἔληγεν οὕτω πρὸ Λευκόλλου. Ὁ δὲ Λεύκολλοσ δόξησ τε ἐπιθυμῶν, καὶ ἐκ πενίασ χρῄζων χρηματισμοῦ, ἐσ Οὐακκαίουσ.

ἕτερον γένοσ Κελτιβήρων, ἐνέβαλεν, οἳ γείτονεσ τῶν Ἀρουακῶν εἰσίν, οὔτε τινὸσ αὐτῷ ψηφίσματοσ γεγονότοσ, οὔτε Οὐακκαίων Ῥωμαίοισ πεπολεμηκότων, οὐδὲ ἐσ αὐτόν τι Λεύκολλον ἁμαρτόντων. περάσασ δὲ τὸν ποταμὸν τὸν καλούμενον Τάγον, ἀφίκετο πρὸσ Καύκαν πόλιν καὶ παρεστρατοπέδευσεν. οἱ δ’ ἐπύθοντο μὲν αὐτοῦ τίνοσ ἥκοι δεόμενοσ ἢ τί πολέμου χρῄζων, φήσαντοσ δὲ ὅτι Καρπητανοῖσ ὑπὸ Οὐακκαίων ἀδικουμένοισ βοηθοίη, τότε μὲν ἀνεχώρουν ἐσ τὴν πόλιν, ξυλευομένῳ δὲ αὐτῷ καὶ χορτολογοῦντι ἐπέκειντο. καὶ κτείνουσι πολλούσ, καὶ τοὺσ λοιποὺσ διώκουσιν ἐσ τὸ στρατόπεδον. γενομένησ δὲ καὶ παρατάξεωσ, οἱ Καυκαῖοι ψιλοῖσ ἐοικότεσ ἐκράτουν ἐπὶ πολὺ τοῦ Λευκόλλου, μέχρι σφῶν τὰ ἀκόντια πάντα ἐξαναλώθη· καὶ τότε ἔφευγον οὐκ ὄντεσ μενεμάχοι, περί τε τὰσ πύλασ αὐτῶν ὠθουμένων ἀνῃρέθησαν ἀμφὶ τοὺσ τρισχιλίουσ. Τῆσ δ’ ἐπιούσησ οἱ πρεσβύτατοι, στεφανωσάμενοί τε καὶ φέροντεσ ἱκετηρίασ, τὸν Λεύκολλον αὖθισ ἠρώτων τί ποιοῦντεσ ἂν εἰε͂ν φίλοι.

ὁ δὲ αὐτοὺσ ὅμηρά τε ᾔτει καὶ ἀργυρίου τάλαντα ἑκατόν, καὶ τοὺσ ἱππέασ αὐτῶν ἐκέλευέν οἱ συστρατεύειν. ὡσ δὲ πάντα ἔλαβεν, ἠξίου φρουρὰν ἐσ τὴν πόλιν ἐσαγαγεῖν. δεξαμένων δὲ καὶ τοῦτο τῶν Καυκαίων, ἐσήγαγε δισχιλίουσ ἀριστίνδην ἐξειλεγμένουσ, οἷσ ἐσελθοῦσιν εἴρητο γίγνεσθαι περὶ τὰ τείχη. καταλαβόντων δὲ αὐτὰ τῶν δισχιλίων, ἐσήγαγε τὴν ἄλλην στρατιὰν ὁ Λεύκολλοσ, καὶ τῇ σάλπιγγι ὑπεσήμαινε κτείνειν Καυκαίουσ ἅπαντασ ἡβηδόν. οἱ μὲν δὴ πίστεισ τε καὶ θεοὺσ ὁρκίουσ ἐπικαλούμενοι, καὶ Ῥωμαίουσ ἐσ ἀπιστίαν λοιδοροῦντεσ, διεφθείροντο ὠμῶσ, ἐκ δισμυρίων ἀνδρῶν κατὰ πύλασ ἀποκρήμνουσ διαφυγόντων ὀλίγων· ὁ δὲ Λεύκολλοσ τὴν πόλιν διήρπαζε, καὶ δόξησ Ῥωμαίουσ ἐνεπίμπλη κακῆσ. οἱ δ’ ἄλλοι βάρβαροι συνέθεον ἐκ τῶν πεδίων, οἱ μὲν ἐσ τὰ ἀπόκρημνα, οἱ δὲ ἐσ τὰσ ὀχυρωτέρασ πόλεισ, συμφέροντεσ ἃ δύναιντο καὶ ἐμπιπράντεσ ὅσα λείποιεν, τοῦ μηδὲν ἔτι Λεύκολλον εὑρεῖν. Ὁ δὲ πολλὴν γῆν ἔρημον ὁδεύσασ, ἔσ τινα πόλιν Ἰντερκατίαν ἀφίκετο, ἔνθα πεζοὶ μὲν ὑπὲρ δισμυρίουσ συνεπεφεύγεσαν, ἱππεῖσ δὲ δισχίλιοι.

καὶ αὐτοὺσ ὁ Λεύκολλοσ ἐσ συνθήκασ ὑπ’ ἀνοίασ προυκαλεῖτο· οἱ δ’ ἐπ’ ὀνείδει τὰ Καυκαίων αὐτῷ προύφερον, καὶ ἐπυνθάνοντο εἰ ἐπὶ τὰσ ἐκείνων πίστεισ αὐτοὺσ καλοίη. ὁ δ’, οἱο͂ν ἅπαντεσ οἱ ἁμαρτόντεσ, ἀνθ’ ἑαυτοῦ τοῖσ ὀνειδίζουσι χαλεπαίνων, ἔκειρεν αὐτῶν τὰ πεδία, καὶ περικαθίσασ κύκλῳ τὴν πόλιν χώματα ἤγειρε πολλά, καὶ συνεχῶσ ἐξέτασσε προκαλούμενοσ ἐσ μάχην. οἱ δ’ οὔτω μὲν ἀντεξέτασσον, ἀλλ’ ἦσαν ἀκροβολισμοὶ μόνοι, θαμινὰ δέ τισ τῶν βαρβάρων ἐξίππευεν ἐσ τὸ μεταίχμιον, κεκοσμημένοσ ὅπλοισ περιφανῶσ, καὶ προυκαλεῖτο Ῥωμαίων ἐσ μονομαχίαν τὸν ἐθέλοντα, οὐδενὸσ δ’ ὑπακούοντοσ ἐπιτωθάσασ καὶ τῷ σχήματι κατορχησάμενοσ ἀπεχώρει. γιγνομένου δὲ τούτου πολλάκισ, ὁ Σκιπίων ἔτι νέοσ ὢν ὑπερήλγησέ τε καὶ προπηδήσασ ὑπέστη τὸ μονομάχιον, εὐτυχῶσ δ’ ἐκράτησεν ἀνδρὸσ μεγάλου μικρὸσ ὤν. Καὶ τόδε μὲν ἐπῇρε Ῥωμαίουσ, νυκτὸσ δὲ φόβοι πολλοὶ κατεῖχον·

οἱ γὰρ ἱππεῖσ, ὅσοι τῶν βαρβάρων, πρὶν ἀφικέσθαι Λεύκολλον, ἐπὶ χορτολογίαν προεληλύθεσαν, οὐκ ἔχοντεσ ἐσελθεῖν ἐσ τὴν πόλιν Λευκόλλου περικαθημένου, περιθέοντεσ ἐβόων καὶ συνετάρασσον· καὶ συνεπήχουν οἱ ἔνδον αὐτοῖσ. ὅθεν ὁ φόβοσ ἦν τοῖσ Ῥωμαίοισ ποικίλοσ. ἔκαμνον δὲ καὶ τῇ φυλακῇ δι’ ἀγρυπνίαν καὶ ἀήθειαν τροφῶν ἐπιχωρίων· οἴνου γὰρ οὐκ ὄντοσ οὐδ’ ἁλῶν οὐδ’ ὄξουσ οὐδ’ ἐλαίου, πυροὺσ καὶ κριθὰσ καὶ ἐλάφων κρέα πολλὰ καὶ λαγωῶν χωρὶσ ἁλῶν ἑψόμενα σιτούμενοι κατερρήγνυντο τὰσ γαστέρασ, καὶ πολλοὶ καὶ ἀπώλλυντο, μέχρι ποτὲ τὸ χῶμα ἠγέρθη, καὶ τὰ τείχη τῶν πολεμίων τύπτοντεσ μηχαναῖσ μέροσ μέν τι κατέβαλον, καὶ ἐσέδραμον ἐσ τὴν πόλιν· μετὰ δ’ οὐ πολὺ βιασθέντεσ τε καὶ ἀναχωροῦντεσ ἐσπίπτουσιν ἔσ τινα δεξαμενὴν ὕδατοσ ὑπ’ ἀγνωσίασ, ἔνθα οἱ πλείουσ ἀπώλοντο. καὶ νυκτὸσ οἱ βάρβαροι τὰ πεσόντα ἀνῳκοδόμουν. πάνυ δ’ ἑκατέρων κακοπαθούντων ὁ̔ γὰρ λιμὸσ ἀμφοῖν ἥπτετὀ Σκιπίων ἀνεδέχετο τοῖσ βαρβάροισ οὐδὲν ἔσεσθαι παράσπονδον, καὶ πιστευθεὶσ κατὰ κλέοσ ἀρετῆσ διέλυσε τὸν πόλεμον ἐπὶ τοῖσδε, Λευκόλλῳ δοθῆναι παρὰ τῶν Ἰντερκατίων σάγουσ μυρίουσ καὶ θρεμμάτων τι πλῆθοσ ὡρισμένον, καὶ πεντήκοντα ἄνδρασ ἐσ ὅμηρα. χρυσὸν δὲ καὶ ἄργυρον Λεύκολλοσ αἰτῶν, οὗ δὴ χάριν, ἡγούμενοσ ὅλην Ἰβηρίαν πολύχρυσον εἶναι καὶ πολυάργυρον, ἐπολέμει, οὐκ ἔλαβεν· οὐ γὰρ εἶχον, οὐδ’ ἐν δόξῃ ταῦτ’ ἐκεῖνοι Κελτιβήρων τίθενται. Ἐπὶ δὲ Παλλαντίαν ᾔει πόλιν, ἣ δόξαν τε ἀρετῆσ εἶχε μείζω, καὶ πολλοὶ συνεπεφεύγεσαν ἐσ αὐτήν·

ὅθεν αὐτῷ συνεβούλευόν τινεσ ἀποχωρεῖν πρὸ πείρασ. ὁ δὲ πολυχρήματον εἶναι πυνθανόμενοσ οὐκ ἀνεχώρει, μέχρι σιτολογοῦντα αὐτὸν οἱ Παλλάντιοι συνεχῶσ ἱππεῦσιν ἠνώχλουν τε καὶ σιτολογεῖν ἐκώλυον. ἀπορῶν δὲ τροφῶν ὁ Λεύκολλοσ ἀνεζεύγνυ, τετράγωνον ἐν πλινθίῳ τὸν στρατὸν ἄγων, ἑπομένων αὐτῷ καὶ τότε τῶν Παλλαντίων μέχρι Δορίου ποταμοῦ, ὅθεν οἱ μὲν Παλλάντιοι νυκτὸσ ἀνεχώρουν, ὁ δ’ ἐσ τὴν Τυρδιτανῶν χώραν διελθὼν ἐχείμαζεν. καὶ τοῦτο τέλοσ ἦν τοῦ Οὐακκαίων πολέμου, παρὰ ψήφισμα Ῥωμαίων ὑπὸ Λευκόλλου γενομένου. καὶ ὁ Λεύκολλοσ ἐπὶ τῷδε οὐδὲ ἐκρίθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 9

(아피아노스, The Foreign Wars, chapter 9)

상위

목록

SEARCH

MENU NAVIGATION