Appian, The Foreign Wars, chapter 8 3:

(아피아노스, The Foreign Wars, chapter 8 3:)

Πρεσβευόντων δ’ ἐσ αὐτὸν ἁπάντων ὅμηρά τε ᾔτησεν ἄλλα, καὶ βιβλία ἐσφραγισμένα ἐσ ἑκάστουσ περιέπεμπε, καὶ τοὺσ φέροντασ ἐκέλευεν ἡμέρᾳ μιᾷ πάντασ ἀποδοῦναι· καὶ ὡρ́ιζε τὴν ἡμέραν, τεκμηράμενοσ ὅτε μάλιστα ἐσ τὴν πορρωτάτω πόλιν ἀφίξονται. ἐκέλευε δ’ ἡ γραφὴ ταῖσ ἀρχαῖσ τῶν πόλεων ἁπάσαισ καθαιρεῖν τὰ τείχη σφῶν, αὐτῆσ ἡμέρασ ᾗ τὰ γράμματα λάβοιεν· εἰ δὲ ἀνάθοιντο τὴν ἡμέραν, ἀνδραποδισμὸν ἠπείλει. οἱ δὲ ἄρτι μὲν ἡττημένοι μεγάλῃ μάχῃ, ὑπὸ δὲ ἀγνοίασ εἴτε μόνοισ εἴθ’ ἅπασι ταῦτα προσετάχθη, φοβούμενοι μόνοι μὲν ὡσ εὐκαταφρόνητοι, μετὰ δὲ τῶν ἄλλων μὴ μόνοι βραδύνωσι, καιρόν τε οὐκ ἔχοντεσ περιπέμψαι πρὸσ ἀλλήλουσ, καὶ τοὺσ στρατιώτασ τοὺσ ἐληλυθότασ μετὰ τῶν γραμμάτων ἐφεστῶτασ σφίσιν εὐλαβούμενοι, τὸ σφέτερον ἀσφαλὲσ ἕκαστοι προύργου τιθέμενοι, τὰ τείχη καθῄρουν μετὰ σπουδῆσ. ἐν ᾧ γὰρ ἅπαξ ὑπακούειν ἐδόκει, καὶ τὸ ταχέωσ εἰργάσθαι προσλαβεῖν ἐφιλοτιμοῦντο. οὕτω μὲν αἱ πόλεισ αἱ περὶ Ἴβηρα ποταμὸν μιᾶσ ἡμέρασ, ὑφ’ ἑνὸσ στρατηγήματοσ, αὐταὶ τὰ τείχη τὰ ἑαυτῶν καθῄρουν, καὶ Ῥωμαίοισ ἐσ τὸ μέλλον εὐέφοδοι γενόμεναι διέμειναν ἐσ πλεῖστον ἐπὶ εἰρήνησ.

일치하는 문장이 없습니다.

SEARCH

MENU NAVIGATION