Appian, The Foreign Wars, chapter 5 2:

(아피아노스, The Foreign Wars, chapter 5 2:)

Ὁ δὲ τὴν στρατιὰν τὴν Καρχηδονίων τὴν ἔτι οὖσαν ἐν Ἰβηρία συνέλεγεν ἐσ Καρμώνην πόλιν, ὡσ ὁμοῦ πᾶσιν ἀμυνούμενοσ τὸν Σκιπίωνα. διὸ καὶ μέχρι τινὸσ ἐνεδοίαζε, καὶ μάχησ οὐ κατῆρχεν, ἀλλ’ ἀκροβολισμοῖσ ἐχρῆτο μόνοισ. καὶ αὐτῷ συνῆλθον πολλοὶ μὲν Ἰβήρων, οὓσ Μάγων ἦγε, πολλοὶ δὲ Νομάδων, ὧν ἦρχε Μασσανάσσησ. καὶ τούτων ὁ μὲν Ἀσδρούβασ μετὰ τῶν πεζῶν ὑπὸ χάρακι ἐστρατοπέδευεν, ὁ δὲ Μασσανάσσησ καὶ ὁ Μάγων ἱππαρχοῦντεσ αὐτῷ προηυλίζοντο τοῦ στρατοπέδου. ὧδε δὲ ἔχουσιν αὐτοῖσ ὁ Σκιπίων τοὺσ ἰδίουσ ἱππέασ ἐπιδιῄρει, καὶ Λαίλιον μὲν ἐπὶ Μάγωνα ἔπεμπεν, αὐτὸσ δ’ ἐπὶ Μασσανάσσην ἐτράπετο. μέχρι μὲν οὖν τινὸσ ἦν ἐν ἀγῶνι καὶ πόνῳ δυσχερεῖ, τῶν Νομάδων αὐτὸν ἀκοντιζόντων τε καὶ ὑποχωρούντων, εἶτ’ αὖθισ ἐπελαυνόντων· ὡσ δὲ παρήγγειλεν ὁ Σκιπίων ἀμεταστρεπτὶ διώκειν αὐτούσ, τὰ δόρατα προβαλόντασ, οὐκ ἔχοντεσ ἀναστροφὴν οἱ Νομάδεσ κατέφυγον ἐσ τὸ στρατόπεδον. καὶ ὁ Σκιπίων ἀποσχὼν δέκα σταδίουσ ἐστρατοπέδευσεν εὐσταθῶσ ᾗπερ ἐβούλετο. ἦν δὲ ἡ μὲν τῶν ἐχθρῶν σύμπασα δύναμισ ἑπτακισμύριοι πεζοὶ καὶ ἱππεῖσ πεντακισχίλιοι καὶ ἐλέφαντεσ ἓξ καὶ τριάκοντα· Σκιπίωνι δὲ τούτων οὐδὲ τριτημόριον ἦν.

일치하는 문장이 없습니다.

SEARCH

MENU NAVIGATION