호흡부호 보기
강세부호 보기
장단부호 보기
작은 Iota 보기
모든 부호 보기
Οἱ δὲ Καρχηδόνιοι τοῖσ κέρδεσιν ἤδη τοῖσ ἐξ Ἰβηρίασ ἀρσσκόμενοι, στρατιὰν ἄλλην ἔπεμπον ἐσ Ἰβηρίαν, καὶ στρατηγὸν ἁπάντων ἀπέφηναν Ἀσδρούβαν τὸν τοῦ Βάρκα κηδεστήν, ὄντα ἐν Ἰβηρίᾳ. ὁ δὲ Ἀννίβαν τὸν οὐ πολὺ ὕστερον ἀοίδιμον ἐπὶ στρατηγίαισ, παῖδά τε ὄντα τοῦ Βάρκα καὶ τῆσ γυναικόσ οἱ γιγνόμενον ἀδελφὸν ἔχων ἐν Ἰβηρίᾳ, νέον ὄντα καὶ φιλοπόλεμον καὶ ἀρέσκοντα τῷ στρατῷ ὑποστράτηγον ἀπέφηνεν. καὶ τῆσ τε Ἰβηρίασ τὰ πολλὰ πειθοῖ προσήγετο, πιθανὸσ ὢν ὁμιλῆσαι, ἔσ τε τὰ βίασ δεόμενα τῷ μειρακίῳ χρώμενοσ προῆλθεν ἀπὸ τῆσ ἑσπερίου θαλάσσησ ἐσ τὸ μεσόγειον ἐπὶ Ἴβηρα ποταμόν, ὃσ μέσην που μάλιστα τέμνων τὴν Ἰβηρίαν, καὶ τῆσ Πυρήνησ ἀφεστὼσ ὁδὸν ἡμερῶν πέντε, ἐξίησιν ἐσ τὸν βόρειον ὠκεανόν.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기