Appian, The Foreign Wars, chapter 1 2:

(아피아노스, The Foreign Wars, chapter 1 2:)

Οἵ τινεσ δ’ αὐτὴν οἰκῆσαι πρῶτοι νομίζονται, καὶ οἳ μετ’ ἐκείνουσ κατέσχον, οὐ πάνυ μοι ταῦτα φροντίζειν ἀρέσκει, μόνα τὰ Ῥωμαίων συγγράφοντι, πλὴν ὅτι Κελτοί μοι δοκοῦσί ποτε, τὴν Πυρήνην ὑπερβάντεσ, αὐτοῖσ συνοικῆσαι, ὅθεν ἄρα καὶ τὸ Κελτιβήρων ὄνομα ἐρρύη. δοκοῦσι δέ μοι καὶ Φοίνικεσ, ἐσ Ἰβηρίαν ἐκ πολλοῦ θαμινὰ ἐπ’ ἐμπορίᾳ διαπλέοντεσ, οἰκῆσαί τινα τῆσ Ἰβηρίασ, Ἕλληνέσ τε ὁμοίωσ, ἐσ Ταρτησσὸν καὶ Ἀργανθώνιον Ταρτησσοῦ βασιλέα πλέοντεσ, ἐμμεῖναι καὶ τῶνδέ τινεσ ἐν Ἰβηρίᾳ· ἡ γὰρ Ἀργανθωνίου βασιλεία ἐν Ἴβηρσιν ἦν. καὶ Ταρτησσόσ μοι δοκεῖ τότε εἶναι πόλισ ἐπὶ θαλάσσησ, ἣ νῦν Καρπησσὸσ ὀνομάζεται. τό τε τοῦ Ἡρακλέουσ ἱερὸν τὸ ἐν στήλαισ Φοίνικέσ μοι δοκοῦσιν ἱδρύσασθαι· καὶ θρησκεύεται νῦν ἔτι φοινικικῶσ, ὅ τε θεὸσ αὐτοῖσ οὐχ ὁ Θηβαῖόσ ἐστιν ἀλλ’ ὁ Τυρίων. ταῦτα μὲν δὴ τοῖσ παλαιολογοῦσι μεθείσθω.

일치하는 문장이 없습니다.

SEARCH

MENU NAVIGATION