Appian, The Foreign Wars, chapter 5:

(아피아노스, The Foreign Wars, chapter 5:)

Οὐ δεξαμένων δὲ ταῦτα Κρητῶν ᾑρέθη στρατηγὸσ ἐπ’ αὐτοὺσ Μέτελλοσ. καὶ νικᾷ μὲν ὁ Μέτελλοσ ἐν Κυδωνίᾳ Λασθένη, καὶ φυγόντοσ ἐσ Κνωσσὸν Πανάρησ Μετέλλῳ τὴν Κυδωνίαν παρέδωκεν ἐπὶ συνθήκῃ, μηδὲν παθεῖν αὐτόσ. Μετέλλου δὲ Κνωσσὸν περικαθημένου, ὁ Λασθένησ τὴν οἰκίαν χρημάτων πλήσασ κατέφλεξε, καὶ διέφυγεν ἀπὸ τῆσ Κνωσσοῦ. καὶ οἱ Κρῆτεσ ἐσ Πομπήιον Μάγνον, στρατηγοῦντα τοῦ λῃστικοῦ καὶ Μιθριδατείου πολέμου, πέμψαντεσ ἔφασαν ἑαυτοὺσ ἐλθόντι ἐπιτρέψειν. ὁ δὲ ἀσχόλωσ τότε ἔχων ἐκέλευε τὸν Μέτελλον, ὡσ οὐ δέον ἔτι πολεμεῖν τοῖσ ἑαυτοὺσ ἐπιτρέπουσιν, ἐξανίστασθαι τῆσ νήσου· παραλήψεσθαι γὰρ αὐτὸσ αὐτὴν ἐπελθών. ὁ δὲ οὐ φροντίσασ ἐπέμεινε τῷ πολέμῳ, μέχρι ὑπηγάγετο αὐτήν, Λασθένει συνθέμενοσ ὅμοια Πανάρει. καὶ ἐθριάμβευσε, καὶ Κρητικὸσ ἐκλήθη ὅδε δικαιότερον Ἀντωνίου, τὴν νῆσον ἐξεργασάμενοσ. Ὅτι Κλώδιοσ ὁ πατρίκιοσ, ὁ ποῦλχερ ἐπίκλην, τοῦτ’ ἔστιν εὐπρεπήσ, τῆσ Γαϊού Καίσαροσ γυναικὸσ ἤρα. καὶ ἁρμόσασθαι αὑτὸν ἐσ γυναῖκα ἐκ κεφαλῆσ ἐσ ἄκρουσ πόδασ, ἔτι ὄντα ἀγένειον, καὶ ἐσ τὴν οἰκίαν τοῦ Γαϊού παρελθεῖν οἱᾶ γυναῖκα νυκτόσ, ὅτε μόναισ γυναιξὶν ἐξῆν ἐσελθεῖν, μυστηρίων ἀγομένων. πλανηθέντα δὲ τῆσ ὁδηγούσησ, κατάφωρον ὑπ’ ἄλλων ἐκ τῆσ φωνῆσ γενόμενον ἐξελαθῆναι.

일치하는 문장이 없습니다.

SEARCH

MENU NAVIGATION