헬라어 문장 검색 - Αππιαν́ΤηεΦορέ59́

(아피아노스, The Foreign Wars, EK THS NOMADIKHS)

Ὅτι Βομίλχασ κατηγορούμενοσ ἔφυγε πρὸ δίκησ, καὶ Ιὀγόρθασ σὺν αὐτῷ, τοῦτο δὴ τὸ περιφερόμενον ἐσ τοὺσ δωροδοκοῦντασ εἰπών, ὅτι Ῥωμαίων ἡ πόλισ ἐστὶν ὠνία πᾶσα, εἴ τισ ὠνητὴσ αὐτῆσ εὑρεθείη. Ὅτι Μέτελλοσ ἀνεζεύγνυεν ἐσ Λιβύην τὴν ὑπὸ Ῥωμαίοισ αἰτίαν ἔχων παρὰ τῷ στρατῷ βραδυτῆτοσ ἐσ τοὺσ πολεμίουσ καὶ ἐπὶ σφίσιν ὠμότητοσ·

σφόδρα γὰρ τοὺσ ἁμαρτάνοντασ ἐκόλαζεν. Ὅτι Μέτελλοσ Βαγαίων ἀνῄρει τὴν βουλὴν ὅλην ὡσ τὴν φρουρὰν προδόντασ Ιὀγόρθᾳ, καὶ τὸν φρούραρχον Τουρπίλιον, ἄνδρα Ῥωμαῖον οὐκ ἀνυπόπτωσ ἑαυτὸν ἐγχειρίσαντα τοῖσ πολεμίοισ, ἐπαπκέτεινε τῇ βουλῇ.

Θρᾷκασ δὲ καὶ Λίγυασ αὐτομόλουσ λαβὼν παρὰ Ιὀγόρθα, τῶν μὲν τὰσ χεῖρασ ἀπέτεμνε, τοὺσ δὲ ἐσ τὴν γῆν μέχρι γαστρὸσ κατώρυσσε, καὶ περιτοξεύων ἢ ἐσακοντίζων ἔτι ἐμπνέουσι πῦρ ὑπετίθει. Ὅτι τοῦ Μαρίου ἐσ Κίρταν ἀφικομένου πρέσβεισ Βόκχου παρῆσαν, οἳ πεμφθῆναί τινασ ἐσ λόγουσ Βόκχῳ παρεκάλουν.

καὶ ἐπέμφθησαν Αὖλόσ τε Μάλλιοσ ὁ πρεσβευτὴσ καὶ Κορνήλιοσ Σύλλασ ὁ ταμίασ, οἷσ ὁ Βόκχοσ ἔφη Ῥωμαίοισ πολεμῆσαι διὰ Μάριον· γῆν γὰρ ἣν αὐτὸσ Ιὀγόρθαν ἀφείλετο, πρὸσ Μαρίου νῦν ἀφῃρῆσθαι. Βόκχοσ μὲν δὴ ταῦτα ἐνεκάλει, Μάλλιοσ δ’ ἔφη τὴν γῆν τήνδε Ῥωμαίουσ ἀφελέσθαι Σύφακα πολέμου νόμῳ καὶ δοῦναι Μασσανάσσῃ δωρεάν, διδόναι δὲ Ῥωμαίουσ τὰσ δωρεὰσ ἔχειν τοῖσ λαβοῦσιν ἑώσ ἂν τῇ βουλῇ καὶ τῷ δήμῳ δοκῇ. οὐ μὴν ἀλόγωσ μεταγνῶναι· Μασσανάσσην τε γὰρ ἀποθανεῖν, καὶ τοὺσ Μασσανάσσου παῖδασ Ιὀγόρθαν κατακαίνοντα Ῥωμαίοισ πολέμιον γενέσθαι. οὐκ οὖν ἔτι εἶναι δίκαιον οὔτε τὸν πολέμιον ἔχειν δωρεὰν ἣν ἔδομεν φίλῳ, οὔτε σὲ δοκεῖν Ιὀγόρθαν ἀφαιρεῖσθαι τὰ Ῥωμαίων. καὶ Μάλλιοσ μὲν τάδε περὶ τῆσ γῆσ ἔλεξεν. Ὅτι ὁ Βόκχοσ ἑτέρουσ ἔπεμψε πρέσβεισ, οἳ Μαρίου μὲν ἔμελλον περὶ εἰρήνησ δεήσεσθαι, Σύλλα δὲ ἵνα συμπράξειεν ἐσ τὰσ διαλύσεισ.

λῃστευθέντασ δ’ ἐν ὁδῷ τοὺσ πρέσβεισ τούσδε ὁ Σύλλασ ὑπεδέξατο, καὶ ξενίζει μέχρι Μάριον ἀπὸ Γαιτούλων ἐπανελθεῖν. παρῄνει δὲ Βόκχον διδάσκειν ὅτι χρὴ Σύλλᾳ πείθεσθαι περὶ ἁπάντων. ἐνδιδοὺσ οὖν ἤδη πρὸσ τὴν τοῦ Ιὀγόρθα προδοσίαν ὁ Βόκχοσ, ἐσ μὲν ὑπόκρισιν ἐπ’ ἄλλον στρατὸν περιέπεμπεν ἐσ Αἰθίοπασ τοὺσ γείτονασ, οἳ ἐπὶ ἑσπέραν ἀπὸ τῶν ἑώων Αἰθιόπων διήκουσιν ἐσ τὸ Μαυρούσιον ὄροσ ὃ καλοῦσιν Ἄτλαντα, Μάριον δ’ ἠξίου Σύλλαν οἱ πέμψαι συνελθεῖν ἐσ λόγουσ. καὶ Μάριοσ μὲν ἔπεμπε τὸν Σύλλαν, Ἄψαρα δὲ Ιὀγόρθα φίλον, ἐν Βόκχου καταλελειμμένον ἐφορᾶν τὰ γιγνόμενα, αὐτόσ τε Βόκχοσ καὶ Μαγδάλσησ φίλοσ Βόκχου, καί τισ ἐξελεύθεροσ ἀνδρὸσ Καρχηδονίου, Κορνήλιοσ, ἐνήδρευσαν ὧδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, EK THS NOMADIKHS

(아피아노스, The Foreign Wars, EK THS NOMADIKHS)

상위

목록

SEARCH

MENU NAVIGATION