헬라어 문장 검색 - Αππιαν́ΤηεΦορέ58́

(아피아노스, The Foreign Wars, chapter 20)

Καὶ τάδε μὲν Πολύβιοσ αὐτὸσ ἀκούσασ συγγράφει· Σκιπίων δ’, ἐπεὶ κατέσκαπτο Καρχηδών, ἐπὶ μέν τινα ἡμερῶν ἀριθμὸν ἐπέτρεψε τῇ στρατιᾷ διαρπάζειν ὅσα μὴ χρυσὸσ ἢ ἄργυροσ ἢ ἀναθήματα ἦν, μετὰ δὲ τοῦτ’ ἀριστεῖα πολλὰ διαδοὺσ ἅπασι, χωρὶσ τῶν ἐσ τὸ Ἀπολλώνιον ἁμαρτόντων, ναῦν ὀξυτάτην κοσμήσασ λαφύροισ ἄγγελον τῆσ νίκησ ἔστειλεν ἐσ Ῥώμην, ἐσ δὲ Σικελίαν περιέπεμπεν, ὅσα Καρχηδόνιοι σφῶν ἀναθήματα κοινὰ πολεμοῦντεσ ἔλαβον, ἐλθόντασ ἐπιγιγνώσκειν καὶ κομίζεσθαι· ὃ καὶ μάλιστα αὐτὸν ἐδημαγώγησεν ὡσ μετὰ τοῦ δυνατοῦ φιλάνθρωπον. ἀποδόμενοσ δὲ τὴν λείαν τὴν περισσήν, ὅπλα καὶ μηχανήματα καὶ ναῦσ ἀχρήστουσ Ἄρει καὶ Ἀθηνᾷ διαζωσάμενοσ αὐτὸσ ἔκαιε κατὰ τὰ πάτρια. Οἱ δ’ ἐν ἄστει ὡσαύτωσ τὴν ναῦν ἰδόντεσ καὶ τῆσ νίκησ περὶ δείλην ἑσπέραν πυθόμενοι ἐσ τὰσ ὁδοὺσ ἐξεπήδων καὶ διενυκτέρευον μετ’ ἀλλήλων, ἡδόμενοι καὶ συμπλεκόμενοι ὡσ ἄρτι μὲν ἐλεύθεροι φόβων γεγονότεσ, ἄρτι δ’ ἄρχοντεσ ἑτέρων ἀσφαλῶσ, ἄρτι δὲ βέβαιον τὴν πόλιν ἔχοντεσ, καὶ νενικηκότεσ οἱάν οὔτινα πρότερον ἄλλην νικην.

πολλὰ μὲν γὰρ αὑτοῖσ συνῄδεσαν ἔργα λαμπρά, πολλὰ δε τοῖσ πατρασιν ἔσ τε Μακεδόνασ καὶ Ἴβηρασ καὶ ἐσ Ἀντίοχον τὸν μέγαν ἔναγχοσ καὶ περὶ αὐτὴν Ἰταλίαν· πόλεμον δ’ οὐδένα ἄλλον οὕτωσ ἐπὶ θύραισ ἐπίφοβον αὑτοῖσ ᾔδεσαν, διά τε ἀνδρείαν καὶ φρόνημα καὶ τόλμαν ἐχθρῶν καὶ ἀπιστίαν ἐν σφίσιν ἐπικίνδυνον γενόμενον. ἀνέφερον δὲ καὶ ὧν ἔπαθον ὑπὸ Καρχηδονίων ἔν τε Σικελίᾳ καὶ Ἰβηρίᾳ καὶ περὶ αὐτὴν Ἰταλίαν ἑκκαίδεκα ἔτεσιν, Ἀννίβου τετρακόσια ἐμπρήσαντοσ ἄστη καὶ μυριάδασ ἀνδρῶν τριάκοντα ἐν μόναισ μάχαισ ἀνελόντοσ, ἐπί τε τὴν Ῥώμην πολλάκισ ἐλάσαντοσ καὶ ἐσ ἔσχατον κινδύνου συναγαγόντοσ. ὧν ἐνθυμούμενοι μάλιστα ἐξίσταντο περὶ τῆσ νίκησ ἐσ ἀπιστίαν αὐτῆσ, καὶ αὖθισ ἀνεπυνθάνοντο ἀλλήλων εἰ τῷ ὄντι Καρχηδὼν κατέσκαπται· ἐλεσχήνευόν τε δι’ ὅλησ νυκτὸσ ὅπωσ μὲν αὐτῶν τὰ ὅπλα περιῃρέθη καὶ ὅπωσ αὐτίκα παρὰ δόξαν ἐτεκτήναντο ἕτερα, ὅπωσ δὲ τὰσ ναῦσ ἀφῃρέθησαν καὶ στόλον ἐπήξαντο πάλιν ἐξ ὕλησ παλαιᾶσ, τό τε στόμα τοῦ λιμένοσ ὡσ ἀπεκλείσθη, καὶ στόμα ὡσ ὠρύξαντο ἕτερον ὀλίγαισ ἡμέραισ. καὶ τὸ τῶν τειχῶν ὕψοσ αὐτοῖσ διὰ στόματοσ ἦν, καὶ τὰ τῶν λίθων μεγέθη, καὶ τὸ πῦρ ὃ πολλάκισ ταῖσ μηχαναῖσ ἐπήνεγκαν. ὅλωσ τε τὸν πόλεμον ὡσ ὁρῶντεσ ἄρτι γιγνόμενον ἀλλήλοισ διετύπουν, καὶ ἐσ τὰσ φαντασίασ τῶν λεγομένων τῷ σχήματι τοῦ σώματοσ συνεφέροντο. καὶ τὸν Σκιπίωνα ὁρᾶν ἐδόκουν ἐπὶ κλιμάκων, ἐπὶ νεῶν, ἐν π ύλαισ, ἐν μάχαισ, πανταχοῦ διαθεοντα. οὕτω μὲν οι Ῥωμαῖοι διενυκτέρευσαν, 135. ἅμα δ’ ἡμέρᾳ θυσίαι τε καὶ πομπαὶ τοῖσ θεοῖσ ἐγίγνοντο κατὰ φυλήν, καὶ ἀγῶνεσ ἐπὶ τούτοισ καὶ θέαι ποικίλαι. Δέκα δὲ σφῶν αὐτῶν ἡ βουλὴ τοὺσ ἀριστουσ ἔπεμπε διαθησομένουσ Λιβύην μέτα Σκιπίωνοσ ἐσ τὸ Ῥωμαίων συμφέρον· οἳ Καρχηδόνοσ μὲν εἴ τι περίλοιπον ἔτι ἦν, ἔκριναν κατασκάψαι Σκιπίωνα, καὶ οἰκεῖν αὐτὴν ἀπεῖπον ἅπασι, καὶ ἐπηράσαντο, μάλιστα περὶ τῆσ Βύρσησ, εἴ τισ οἰκήσειεν αὐτὴν ἢ τὰ καλούμενα Μέγαρα· ἐπιβαίνειν δ’ οὐκ ἀπεῖπον. ὅσαι δὲ πόλεισ συνεμεμαχήκεσαν τοῖσ πολεμίοισ ἐπιμόνωσ, ἔδοξε καθελεῖν ἁπάσασ· καὶ ὅσαι Ῥωμαίοισ ἐβεβοηθήκεσαν, χώραν ἔδωκαν ἑκάστῃ τῆσ δορικτήτου, καὶ πρῶτον μάλιστα Ἰτυκαίοισ τὴν μέχρι Καρχηδόνοσ αὐτῆσ καὶ Ἱππῶνοσ ἐπὶ θάτερα. τοῖσ δὲ λοιποῖσ φόρον ὡρ́ισαν ἐπὶ τῇ γῇ καὶ ἐπὶ τοῖσ σώμασιν, ἀνδρὶ καὶ γυναικὶ ὁμοίωσ. καὶ στρατηγὸν ἐτήσιον αὐτοῖσ ἐκ Ῥώμησ ἐπιπέμπειν ἔκριναν. οἱ μὲν δὴ ταῦτα προστάξαντεσ ἀπέπλεον ἐσ Ῥώμην, ὁ δὲ Σκιπίων ἐποίει τὰ δόξαντα, καὶ θυσίασ ἐτέλει καὶ ἀγῶνασ ἐπὶ τῇ νίκῃ. ὡσ δὲ αὐτῷ πάντα ἐξετετέλεστο, διαπλεύσασ ἐπιφανέστατα δὴ πάντων διεθριάμβευε πολύχρυσον θρίαμβον, ἀγαλμάτων τε γέμοντα καὶ ἀναθημάτων, ὅσα Καρχηδόνιοι χρόνῳ πολλῷ και συνεχέσι νίκαισ ἐκ πάσησ γῆσ συνενηνόχεσαν ἐσ Λιβύην. τότε δ’ ἦν ὅτε καὶ κατὰ Μακεδόνων, ἁλόντοσ Ἀνδρισκου τοῦ ψευδοφιλίππου, τρίτοσ ἤγετο θρίαμβοσ, καὶ κατὰ τῆσ Ἑλλάδοσ πρῶτοσ ὑπὸ Μομμίου. καὶ ἦν ταῦτα ἀμφὶ τὰσ ἑξήκοντα καὶ ἑκατὸν ὀλυμπιάδασ. Χρόνῳ δ’ ὕστερον, Γαϊού Γράκχου δημαρχοῦντοσ ἐν Ῥώμῃ καὶ στάσεων οὐσῶν ἐξ ἀπορίασ, ἔδοξε κληρούχουσ ἐσ Λιβύην πέμπειν ἑξακισχιλίουσ, διαγραφομένων δ’ ἀμφὶ τὴν Καρχηδόνα τῶν θεμελίων λύκοι τὰ θεμέλια ἀθρόα διέσπασαν καὶ συνέχεαν.

καὶ τότε μὲν ἀνέσχεν ἡ βουλὴ τοῦ συνοικισμοῦ· χρόνῳ δὲ αὖθισ, ὁπότε Γάιοσ Καῖσαρ ὁ καὶ δικτάτωρ ὕστερον αὐτοῖσ διηνεκὴσ γενόμενοσ Πομπήιον ἐσ Αἴγυπτον ἐδίωκε καὶ τοὺσ Πομπηίου φίλουσ ἐσ Λιβύην ἀπ’ Αἰγύπτου, λέγεται, τῇ Καρχηδόνι παραστρατοπεδεύων, ὑπ’ ἐνυπνίου στρατὸν πολὺν ἰδὼν κλαίοντα ἐνοχληθῆναι, καὶ αὐτίκα ἑαυτῷ ἐσ μνήμην ὑπογράψασθαι Καρχηδόνα συνοικίζειν. καὶ μετ’ οὐ πολὺ τῶν ἀπόρων αὐτὸν ἐσ Ῥώμην ἐπανελθόντα περὶ γῆσ παρακαλούντων, συνέτασσεν ὡσ πέμψων τοὺσ μὲν ἐσ τὴν Καρχηδόνα τοὺσ δ’ ἐσ Κόρινθον. ἀλλ’ ὅδε μὲν θᾶσσον ἀνῃρέθη πρὸσ τῶν ἐχθρῶν ἐν τῷ Ῥωμαίων βουλευτηρίῳ, ὁ δ’ ἐκείνου παῖσ Ιοὔλιοσ Καῖσαρ, ὁ Σεβαστὸσ ἐπίκλησιν, ἐντυχὼν ἄρα ταῖσ ὑπογραφαῖσ τοῦ πατρὸσ συνῴκισε τὴν νῦν Καρχηδόνα, ἀγχοτατω μάλιστα ἐκείνησ, φυλαξάμενοσ τῆσ πάλαι τὸ ἐπάρατον. οἰκήτοράσ τε Ῥωμαίουσ μὲν αὐτὸν τρισχιλίουσ μάλιστα πυνθάνομαι, τοὺσ δὲ λοιποὺσ ἐκ τῶν περιοίκων συναγαγεῖν. ὧδε μὲν Λιβύησ τῆσ ὑπὸ Καρχηδονίοισ Ῥωμαῖοι κατέσχον, καὶ Καρχηδόνα κατέσκαψάν τε καὶ συνῴκισαν αὖθισ μετὰ ἔτη τῆσ κατασκαφῆσ ἑκατὸν καὶ δύο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 20

(아피아노스, The Foreign Wars, chapter 20)

상위

목록

SEARCH

MENU NAVIGATION