헬라어 문장 검색 - Αππιαν́ΤηεΦορέ42́

(아피아노스, The Foreign Wars, chapter 4)

Ὧνἤδη νυκτὸσ οὔσησ ὁ Μασσανάσσησ παρὰ τινῶν Νομάδων πυθόμενοσ μετέδωκε τῷ Σκιπίωνι. ὁ δὲ ἔδεισε, καὶ ἠπόρει μὴ ἐσ πολλὰ αὐτῷ διαιρούμενοσ ὁ στρατὸσ ἀσθενέστεροσ ἐσ πάντα γίγνηται. τοὺσ οὖν ἡγεμόνασ αὐτίκα νυκτὸσ ἐπὶ τὴν σκέψιν ἐκάλει, καὶ ἀπορούντων ἁπάντων ἐπὶ πολὺ σύννουσ γενόμενοσ εἶπε· "τόλμησ καὶ ταχυτῆτοσ ἡμῖν, ὦ φίλοι, δεῖ, καὶ μάχησ ἐξ ἀπογνώσεωσ. φθάσωμεν ἐπελθόντεσ τοῖσ πολεμίοισ. ὅσα δ’ ἐν τῷδε πλεονεκτήσομεν, μάθετε ἤδη. ἐκείνουσ μὲν ἐκπλήξει τὸ ἀδόκητον τῆσ ἐφόδου καὶ τὸ παράδοξον τοῦ ἔργου, τῶν ὀλιγωτέρων προεπιχειρούντων· ἡμεῖσ δ’ οὐκ ἐσ πολλὰ διῃρημένῃ τῇ στρατιᾷ χρησόμεθα ἀλλ’ ἀθρόᾳ, οὐδ’ ἐπάξομεν αὐτὴν ἅπασι τοῖσ ἐχθροῖσ ἀλλ’ οἷσ ἂν ἐπιλεξώμεθα πρώτοισ. σταθμεύουσι δ’ ἐφ’ ἑαυτῶν ἕκαστοι, καὶ ἐσμὲν αὐτοῖσ κατὰ μέροσ ἰσόμαχοι, τόλμῃ δὲ καὶ εὐτυχίᾳ προύχομεν. καὶ ἢν ὁ θεὸσ δῷ τῶν πρώτων ἐπικρατῆσαι, τῶν ἄλλων καταφρονήσομεν. οἷσ δ’ ἐπιχειρητέον ἐστὶ πρώτοισ, καὶ τίσ ὁ καιρὸσ ἢ τρόποσ ἔσται τῆσ ἐπιχειρήσεωσ, ἢν ἀρέσκῃ, τὰ τῆσ γνώμησ ἐρῶ. Συνθεμένων δὲ πάντων, "ὁ μὲν καιρόσ," εἶπεν, "εὐθὺσ ἐπιχειρεῖν ἀπὸ τοῦδε τοῦ συλλόγου, νυκτὸσ ἔτι οὔσησ, ὅτε καὶ τὸ ἔργον ἐστὶ φοβερώτερον καὶ ἀνέτοιμα τὰ ἐκείνων, καὶ οὐδεὶσ τῶν συμμάχων αὐτοῖσ δύναται βοηθεῖν ἐν σκότῳ.

φθάσομέν τε οὕτωσ αὐτῶν τὰ βουλεύματα μόνωσ, ἐγνωκότων ἡμῖν τῆσ ἐπιούσησ ἡμέρασ ἐπιθέσθαι. τριῶν δ’ αὐτοῖσ ὄντων στρατοπέδων, αἱ μὲν νῆέσ εἰσι πόρρω, καὶ οὐκ ἔστι ναυσὶ νυκτὸσ ἐπιχειρεῖν, Ἀσδρούβασ δὲ καὶ Σύφαξ οὐ μακρὰν ἀπ’ ἀλλήλων. καὶ τούτοιν Ἀσδρούβασ μέν ἐστι τὸ τοῦ πολέμου κεφάλαιον, Σύφαξ δὲ οὐκ ἂν νυκτὸσ ἐπιτολμήσειε τῷ πόνῳ, βάρβαροσ ἀνὴρ καὶ τρυφῆσ γέμων καὶ δέουσ. φέρε οὖν, ἡμεῖσ μὲν ἐπὶ Ἀσδρούβαν μετὰ παντὸσ ἰώμεν τοῦ στρατοῦ, Μασσανάσσην δὲ τόνδε ἐπιτάξωμεν ἐφεδρεύειν τῷ Σύφακι, ἢν ἄρα καὶ παρὰ δόξαν ἐξίῃ τοῦ στρατοπέδου. πεζοὶ δὲ χωρῶμεν ἐπὶ τὸν χάρακα τοῦ Ἀσδρούβου, καὶ περιστάντεσ ἐπιχειρῶμεν ἐκ παντὸσ μέρουσ σὺν ἐλπίδι τε χρηστῇ καὶ τόλμῃ θρασυτάτῃ· τούτων γὰρ τὰ παρόντα δεῖται μάλιστα. τοὺσ δ’ ἱππέασ οὑ̓ γὰρ ἔστιν αὐτοῖσ χρῆσθαι νυκτὸσ ἔτι οὔσησ̓ προπέμψω πορρωτέρω κυκλοῦσθαι τὸ στρατόπεδον τῶν πολεμίων, ἵνα εἰ μὲν βιασθείημεν, ὑποδέχοιντο ἡμᾶσ καὶ ἐσ φιλίουσ καταφεύγοιμεν, εἰ δ’ ἐπικρατοίημεν, ἐκφεύγοντασ ἐκείνουσ διώκοιεν καὶ διαχρῷντο. Ταῦτ’ εἰπών, καὶ τοὺσ ἡγεμόνασ ἐκπέμψασ ὁπλίσαι τὸν στρατόν, αὐτὸσ ἐθύετο Τόλμῃ καὶ Φόβῳ, μηδὲν ὡσ ἐν νυκτὶ πανικόν οἱ γενέσθαι, ἀλλὰ τὸν στρατὸν αὐτῷ θρασύτατον μάλιστα ὀφθῆναι.

τρίτησ δὲ ἤδη φυλακῆσ ἠρέμα τῇ σάλπιγγι ὑπεσήμαινε, καὶ μετὰ σιγῆσ βαθυτάτησ στρατὸσ τοσοῦτοσ ἐβάδιζεν, ἑώσ οἱ μὲν ἱππεῖσ περιέστησαν ἐν κύκλῳ τοὺσ πολεμίουσ, οἱ πεζοὶ δ’ ἐπὶ τὴν τάφρον αὐτῶν ἀφίκοντο. βοῇ δὲ τότε παμμιγεῖ καὶ σάλπιγξιν ἀθρόαισ καὶ βυκανήμασιν ἐσ κατάπληξιν χρώμενοι τοὺσ μὲν φύλακασ ἐξέωσαν ἐκ τῶν φυλακτηρίων, τὴν δὲ τάφρον ἔχουν καὶ τὰ σταυρώματα διέσπων. οἱ δ’ εὐτολμότατοι προδραμόντεσ ἐνέπρησάν τινασ σκηνάσ. καὶ οἱ Λίβυεσ μετ’ ἐκπλήξεωσ ἀνεπήδων τε ἐξ ὕπνου, καὶ τὰ ὅπλα μετελάμβανον, καὶ ἐσ τὰσ τάξεισ ἀτάκτωσ ἐφέροντο, καὶ τῶν παραγγελλομένων διὰ τὸν θόρυβον οὐ κατήκουον, οὐδ’ αὐτοῦ τοῦ στρατηγοῦ τὸ ἀκριβὲσ τῶν γιγνομένων εἰδότοσ. ἀναπηδῶντασ οὖν αὐτοὺσ οἱ Ῥωμαῖοι καὶ ὁπλιζομένουσ ἔτι καὶ ταρασσομένουσ κατελάμβανον, καὶ σκηνὰσ πλέονασ ἐνεπίμπρασαν, καὶ τοὺσ ἐν ποσὶν ἀνῄρουν. τοῖσ δ’ ἦν ἥ τε βοὴ τῶν ἐχθρῶν καὶ ἡ ὄψισ καὶ τὰ ἔργα φοβερώτατα ὡσ ἐν νυκτὶ καὶ ἀγνωσίᾳ τοῦ γιγνομένου κακοῦ. ἡγούμενοί τε εἰλῆφθαι τὸ στρατόπεδον, καὶ τὸ πῦρ τῶν ἐμπεπρησμένων σκηνῶν δεδιότεσ, ἐξέπιπτον ἑκόντεσ ἐξ αὐτῶν, καὶ ἐσ τὸ πεδίον ὡσ ἀσφαλέστερον ἐωθοῦντο· ὅθεν κατὰ μέροσ, ὅπῃ τύχοιεν, ἀκόσμωσ διεδίδρασκον, καὶ ἐσ τοὺσ Ῥωμαίων ἱππέασ, οἳ κύκλῳ περιεστήκεσαν, ἐμπίπτοντεσ ἀπέθνησκον. Σύφαξ δὲ νυκτὸσ μὲν ἔτι, τῆσ βοῆσ αἰσθόμενοσ καὶ τὸ πῦρ ὁρῶν, οὐκ ἐπεξῆλθεν, ἀλλὰ τῶν ἱππέων τινὰσ ἐπικουρεῖν ἔπεμψεν Ἀσδρούβᾳ, οἷσ ὁ Μασσανάσσησ ἐπιπεσὼν ἄφνω πολὺν ἐργά ζεται φόνον.

ἅμα δ’ ἡμέρᾳ μαθὼν ὁ Σύφαξ Ἀσδρούβαν μὲν ἤδη φυγόντα, τῆσ δὲ στρατιᾶσ αὐτοῦ τοὺσ μὲν ἀπολωλότασ, τοὺσ δ’ εἰλημμένουσ ὑπὸ τῶν πολεμίων, τοὺσ δὲ διερριμμένουσ, καὶ τὸ στρατόπεδον αὐτῇ παρασκευῇ Ῥωμαίουσ ἔχοντασ, ἀνεζεύγνυε φεύγων ἐσ τὰ μεσόγεια μετὰ θορύβου, πάντα καταλιπών, οἰόμενοσ εὐθὺσ ἀπὸ τῆσ Καρχηδονίων διώξεωσ αὑτῷ τὸν Σκιπίωνα ἐπανίοντα ἐπιστήσεσθαι. ὅθεν καὶ τοῦδε τὸν χάρακα καὶ τὴν ἐν αὐτῷ παρασκευὴν εἷλε Μασσανάσσησ. Καὶ Ῥωμαῖοι διὰ τόλμησ μιᾶσ, ἐν ὀλίγῳ μέρει νυκτόσ, δύο στρατοπέδων καὶ δύο στρατῶν πολὺ μειζόνων ἐκράτησαν ὁμοῦ.

ἀπέθανον δὲ Ῥωμαίων μὲν ἀμφὶ τοὺσ ἑκατὸν ἄνδρασ, τῶν δ’ ἐχθρῶν ὀλίγῳ δέοντεσ τρισμύριοι· καὶ αἰχμάλωτοι ἐγένοντο δισχίλιοι καὶ τετρακόσιοι. τῶν δὲ ἱππέων ἑξακόσιοι ἐπανιόντι τῷ Σκιπίωνι ἑαυτοὺσ παρέδοσαν. καὶ τῶν ἐλεφάντων οἱ μὲν ἀνῄρηντο, οἱ δὲ ἐτέτρωντο. Σκιπίων δὲ ὅπλων τε καὶ χρυσοῦ καὶ ἀργύρου καὶ ἐλέφαντοσ πολλοῦ καὶ ἵππων ἄλλων τε καὶ Νομαδικῶν κεκρατηκώσ, καὶ διὰ μιᾶσ τῆσδε νίκησ, λαμπροτάτησ δὴ γενομένησ, ἐσ γόνυ τὰ Καρχηδονίων καταβαλὼν ἅπαντα, ἀριστεῖα τῷ στρατῷ διεδίδου, καὶ τῶν λαφύρων τὰ ἀξιολογώτατα ἐσ Ῥώμην ἔπεμπεν. καὶ τὸν στρατὸν ἐγύμναζε φιλοπόνωσ, προσδοκῶν Ἀννίβαν τε αὐτίκα ἀπὸ τῆσ Ἰταλίασ καὶ Μάγωνα ἀπὸ Λιγυστίνων ἐπελεύσεσθαι. Καὶ Σκιπίων μὲν περὶ ταῦτα ἦν, Ἀσδρούβασ δέ, ὁ στρατηγὸσ ὁ Καρχηδονίων, ἐν μὲν τῇ νυκτομαχίᾳ μεθ’ ἱππέων πεντακοσίων, τετρωμένοσ, ἐσ Ἀνδὰν κατέφυγεν, ἔνθα μισθοφόρουσ τέ τινασ ἐκ τῆσ μάχησ ἐκπεσόντασ καὶ Νομάδασ συνέλεγε, καὶ δούλουσ ἐσ ἐλευθερίαν συνεκάλει·

πυθόμενοσ δ’ ὅτι Καρχηδόνιοι θάνατον αὐτοῦ κατέγνωσαν ὡσ κακῶσ ἐστρατηγηκότοσ, καὶ Ἄννωνα τὸν Βουμίλχαροσ εἵλοντο στρατηγεῖν, ἴδιον αὑτοῦ τὸν στρατὸν ἐποίει, καὶ κακούργουσ προσελάμβανε, καὶ ἐλῄζετο ἐσ τὰσ τροφάσ, καὶ ἐγύμναζεν οὓσ εἶχεν, ἀμφὶ τρισχιλίουσ ἱππέασ, πεζοὺσ δὲ ὀκτακισχιλίουσ, ὡσ ἐν μόνῳ τῷ μάχεσθαι τὰσ ἐλπίδασ ἔχων. ὁ μὲν δὴ ταῦτα ποιῶν Ῥωμαίουσ ὁμοῦ καὶ Καρχηδονίουσ ἐπὶ πολὺ ἐλάνθανε, Σκιπίων δ’ ἐπῆγεν αὐτῇ Καρχηδόνι τὸν στρατὸν ὡπλισμένον, καὶ σοβαρῶσ ἐσ μάχην προυκαλεῖτο, οὐδενὸσ ἐξιόντοσ. Ἀμίλχαρ δὲ ὁ ναύαρχοσ ναυσὶν ἑκατὸν ἐσπευσμένωσ ἐσ τὸν ναύσταθμον ἀνήγετο τοῦ Σκιπίωνοσ, ἐλπίσασ αὐτόν τε φθάσειν ἐπανιόντα, καὶ τὰσ οὔσασ ἐκεῖ Ῥωμαίων εἴκοσι τριήρεισ ῥᾳδίωσ ταῖσ ἑκατὸν αἱρήσειν. Καὶ ὁ Σκιπίων ἰδὼν αὐτοῦ τὸν ἀπόπλουν, προύπεμπέ τινασ τὸν ἔσπλουν τοῦ λιμένοσ ἐμφράξαι στρογγύλοισ πλοίοισ ἐπ’ ἀγκυρῶν ἐκ διαστήματοσ, ἵνα ὡσ διὰ πυλῶν αἱ τριήρεισ ἐκθέοιεν ὅτε καιρὸσ εἰή, καὶ τὰ πλοῖα τοῖσ κέρασι συνδῆσαί τε καὶ ἁρμόσαι πρὸσ ἄλληλα, ἵνα ἀντὶ τείχουσ ἦ.

καταλαβὼν δὲ τὸ ἔργον, ἥπτετο τοῦ πόνου. καὶ βαλλομένων τῶν Καρχηδονίων ἀπό τε τῶν πλοίων καὶ ἀπὸ τῆσ γῆσ καὶ ἀπὸ τοῦ τείχουσ, αἱ νῆεσ ἐθραύοντο, καὶ καμοῦσαι περὶ ἑσπέραν ἀπέπλεον. ἀπιούσαισ δ’ αὐταῖσ αἱ Ῥωμαίων ἐπέκειντο, ἐκθέουσαί τε διὰ τῶν διαστημάτων, καὶ ὅτε βιάζοιντο, ὑποχωροῶσαι. μίαν δὲ καὶ ἀνεδήσαντο κενὴν ἀνδρῶν, καὶ πρὸσ τὸν Σκιπίωνα ἀνήγαγον. μετὰ δὲ τοῦτο ἐχείμαζον ἄμφω. καὶ Ῥωμαίοισ μὲν ἦν ἐκ θαλάσσησ ἀγορὰ δαψιλήσ, Ἰτυκαῖοι δὲ καὶ Καρχηδόνιοι λιμώττοντεσ ἐλῄστευον τοὺσ ἐμπόρουσ, μέχρι Ῥωμαίων νῆεσ ἄλλαι, πεμφθεῖσαι τῷ Σκιπίωνι, ἐφώρμουν τοῖσ πολεμίοισ καὶ τὰσ λῃστρικὰσ ἐκώλυον. οἱ δ’ ἔκαμνον ἤδη σφόδρα τῷ λιμῷ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 4

(아피아노스, The Foreign Wars, chapter 4)

상위

목록

SEARCH

MENU NAVIGATION