헬라어 문장 검색 - Αππιαν́ΤηεΦορέ18́

(아피아노스, The Foreign Wars, chapter 7)

Μετὰ δὲ τοῦθ’ ὁ μὲν Σκιπίων ἐσ ἀρρωστίαν ἐνέπεσε, καὶ ὁ Μάρκιοσ αὐτῷ διῴκει τὸ στρατόπεδον· ὅσοι δὲ τῶν στρατιωτῶν ὑπ’ ἀσωτίασ ἀναλώκεσαν τὰ πεπορισμένα, ἡγούμενοι τῶν μὲν πόνων οὐδὲν ἄξιον ηὑρῆσθαι παρὰ τὸ μηδὲν ἔχειν, σφετερίζεσθαι δ’ αὐτῶν τὰ ἔργα καὶ τὴν δόξαν Σκιπίωνα, ἀφίσταντο ἀπὸ τοῦ Μαρκίου καὶ ἐφ’ ἑαυτῶν ἐστρατοπέδευον. ἔκ τε τῶν φρουρίων αὐτοῖσ πολλοὶ συνέτρεχον, καὶ παρὰ Μάγωνόσ τινεσ ἀργύριον φέροντεσ ἔπειθον αὐτοὺσ ἐσ τὸν Μάγωνα μεταθέσθαι. οἱ δὲ τὸ μὲν ἀργύριον ἔλαβον, στρατηγοὺσ δ’ ἀπὸ σφῶν ἑλόμενοι καὶ ταξιάρχουσ, καὶ τἆλλα διακοσμηθέντεσ, ἐφ’ ἑαυτῶν ἐτάσσοντο καὶ συνώμνυον ἀλλήλοισ. πυθόμενοσ δ’ ὁ Σκιπίων ἐπέστελλεν ἐν μέρει μὲν τοῖσ ἀφεστηκόσιν ὅτι διὰ τὴν νόσον αὐτοὺσ οὐκ ἀμείψαιτό πω, ἐν μέρει δὲ τοῖσ ἄλλοισ, ἵνα μεταπείθωσιν αὐτοὺσ πλανωμένουσ, κοινῇ δ’ ἅπασιν ἐπιστολὴν ἄλλην ὡσ ἤδη συνηλλαγμένοισ, ὅτι αὐτοὺσ αὐτίκα ἀμείψεται. καὶ ἐκέλευεν εὐθὺσ ἥκειν ἐπὶ σῖτον ἐσ Καρχηδόνα. Ἀναγιγνωσκομένων δὲ τούτων, οἱ μὲν ὑπώπτευον, οἱ δὲ πιστεύειν ἠξίουν καὶ συνετίθεντο, καὶ πάντεσ ὥδευον ἐσ τὴν Καρχηδόνα ὁμοῦ.

προσιόντων δὲ αὐτῶν, ὁ Σκιπίων προσέταξε τοῖσ συνοῦσίν οἱ βουλευταῖσ ἕκαστον τῶν ἐξάρχων τινὰ τῆσ στάσεωσ προσεταιρίσασθαι προσιόντα, καὶ ὡσ ἀπ’ εὐνοίασ διορθοῦντα ὑποδέξασθαί τε καὶ δῆσαι λαθόντα. προσέταξε δὲ καὶ τοῖσ χιλιάρχοισ τοὺσ πιστοτάτουσ ἕκαστον ἀφανῶσ ἅμα ἑῴ ξιφήρεισ ἔχειν, καὶ τὰ εὔκαιρα τῆσ ἐκκλησίασ ἐκ διαστημάτων καταλαβόντασ, ἤν τισ ἐπανίστηται, κατακεντεῖν καὶ κατακαίνειν αὐτίκα ἄνευ παραγγέλματοσ. αὐτὸσ δ’ ἄρτι φαινομένησ ἡμέρασ ἐπὶ τὸ βῆμα ἐκομίζετο, καὶ τοὺσ κήρυκασ ἐσ ἐκκλησίαν ἐποτρύνειν περιέπεμπεν. οἱ δὲ αἰφνιδίου μὲν αὐτοῖσ τοῦ κηρύγματοσ γενομένου, αἰδούμενοι δὲ ἔτι νοσοῦντα τὸν στρατηγὸν σφῶν παρακρατεῖν, καὶ νομίζοντεσ ἐπὶ τὰσ ἀμοιβὰσ καλεῖσθαι, συνέθεον ὁμοῦ πάντοθεν, οἱ μὲν ἄζωστοι τὰ ξίφη, οἱ δὲ καὶ ἐν χιτῶσι μόνοισ, οὐ φθάσαντεσ οὐδὲ τὴν ἐσθῆτα πᾶσαν ἐπιθέσθαι. Σκιπίων δὲ φρουρὰν ἔχων ἀμφ’ αὑτὸν ἀφανῆ, πρῶτα μὲν αὐτοῖσ ἐπεμέμφετο τῶν γεγονότων, εἶτ’ ἔφη τὴν αἰτίαν ἀναθήσειν μόνοισ τοῖσ ἄρξασιν, "οὓσ ἐγὼ κολάσω δι’ ὑμῶν.

" καὶ λέγων ἔτι προσέταξε τοῖσ ὑπηρέταισ διαστῆσαι τὸ πλῆθοσ. οἱ μὲν δὴ διίστανον, οἱ δὲ βουλευταὶ τοὺσ αἰτίουσ παρῆγον ἐσ τὸ μέσον. ἀναβοησάντων δὲ αὐτῶν, καὶ τοὺσ συστρατιώτασ βοηθῆσαι σφίσι παρακαλούντων, τοὺσ ἐπιφθεγγομένουσ εὐθὺσ ἔκτεινον οἱ χιλίαρχοι. καὶ τὸ μὲν πλῆθοσ ἐπειδὴ τὴν ἐκκλησίαν φρουρουμένην εἶδεν, ἐφ’ ἡσυχίασ ἦν σκυθρωποῦ· ὁ δὲ Σκιπίων τοὺσ ἐσ τὸ μέσον παραχθέντασ αἰκισάμενοσ, καὶ μᾶλλον αὐτῶν τοὺσ ἐκβοήσαντασ, ἐκέλευσε τοὺσ αὐχένασ ἁπάντων ἐσ τοὔδαφοσ παττάλοισ προσδεθέντασ ἀποτμηθῆναι, καὶ τοῖσ ἄλλοισ ἀμνηστίαν ἐκήρυξε διδόναι. Ὧδε μὲν τὸ στρατόπεδον καθίστατο τῷ Σκιπίωνι· 37. Ἰνδίβιλισ δέ, τῶν συνθεμένων τισ αὐτῷ δυναστῶν, στασιαζούσησ ἔτι τῆσ Ῥωμαϊκῆσ στρατιᾶσ κατέδραμέ τι τῆσ ὑπὸ τῷ Σκιπίωνι γῆσ. καὶ αὐτῷ τοῦ Σκιπίωνοσ ἐπελάσαντοσ, ὑπέστη μὲν τὸν ἀγῶνα γενναίωσ, καὶ χιλίουσ καὶ διακοσίουσ Ῥωμαίων διέφθειρεν, ἀπολομένων δ’ αὐτῷ δισμυρίων ἐδεῖτο προσπέμψασ. καὶ ὁ Σκιπίων αὐτὸν χρήμασι ζημιώσασ συνηλλάσσετο. λαθὼν δὲ καὶ Μασσανάσσησ Ἀσδρούβαν ἐπέρασε τὸν πορθμόν, καὶ φιλίαν τῷ Σκιπίωνι συνθέμενοσ ὤμοσε συμμαχήσειν, ἂν ἐσ Λιβύην στρατεύη. ἔπραξε δὲ τοῦτο ἀνὴρ ἐσ πάντα βέβαιοσ διὰ τοιάνδε αἰτίαν. Ἀσδρούβου τοῦ τότε οἱ συνόντοσ στρατηγοῦ θυγάτηρ ἐσ γάμον ἠγγύητο Μασσανάσσῃ· Σύφακα δ’ ἄρα τὸν δυνάστην ἔρωσ ἔκνιζε τῆσ παιδόσ, καὶ οἱ Καρχηδόνιοι μέγα ποιούμενοι Σύφακα ἐπὶ Ῥωμαίουσ προσλαβεῖν, ἔδωκαν αὐτῷ τὴν παῖδα, οὐδὲν τοῦ Ἀσδρούβου πυθόμενοι, καὶ τῶνδε πραχθέντων ὁ μὲν Ἀσδρούβασ αὐτὰ ἐπέκρυπτε, τὸν Μασσανάσσην αἰδούμενοσ, ὁ δὲ αἰσθόμενοσ συνέθετο τῷ Σκιπίωνι. Μάγων δὲ ὁ ναύαρχοσ ἀπογνοὺσ ἀπὸ τῶν παρόντων τὰ ἐν Ἰβηρίᾳ, πλεύσασ ἐσ Λίγυασ καὶ Κελτοὺσ ἐξενολόγει. καὶ ὁ μὲν περὶ ταῦτα ἦν, καὶ τὰ Γάδειρα ἐκλειφθέντα ὑπὸ τοῦ Μάγωνοσ οἱ Ῥωμαῖοι παρέλαβον. Στρατηγοὺσ δὲ Ἰβηρίασ ἐτησίουσ ἐσ τὰ ἔθνη τὰ εἰλημμένα ἔπεμπον ἀπὸ τοῦδε ἀρξάμενοι, μικρὸν πρὸ τῆσ τετάρτησ καὶ τεσσαρακοστῆσ καὶ ἑκατοστῆσ ὀλυμπιάδοσ, ἁρμοστὰσ ἢ ἐπιστάτασ αὐτοῖσ τῆσ εἰρήνησ ἐσομένουσ.

καὶ αὐτοῖσ ὁ Σκιπίων ὀλίγην στρατιὰν ὡσ ἐπὶ εἰρήνῃ καταλιπών, συνῴκισε τοὺσ τραυματίασ ἐσ πόλιν, ἣν ἀπὸ τῆσ Ἰταλίασ Ἰταλικὴν ἐκάλεσε· καὶ πατρίσ ἐστι Τραϊανοῦ τε καὶ Ἀδριανοῦ τῶν ὕστερον Ῥωμαίοισ ἀρξάντων τὴν αὐτοκράτορα ἀρχήν. αὐτὸσ δὲ ἐσ Ῥώμην ἐπὶ στόλου πολλοῦ διέπλει, λαμπρῶσ τε κεκοσμημένου καὶ καταγέμοντοσ αἰχμαλώτων ὁμοῦ καὶ χρημάτων καὶ ὅπλων καὶ λαφύρων ποικίλων. καὶ ἡ πόλισ αὐτὸν ἐπιφανῶσ ἐξεδέχετο μετὰ δόξησ ἀοιδίμου τε καὶ παραλόγου διά τε νεότητα καὶ ταχυεργίαν καὶ μέγεθοσ εὐπραξίασ. οἵ τε φθονοῦντεσ αὐτῷ τὴν πάλαι κουφολογίαν ὡμολόγουν ἐσ ἔργον ἀποβῆναι. καὶ Σκιπίων μὲν θαυμαζόμενοσ ἐθριάμβευεν, Ἰνδίβιλισ δὲ οἰχομένου τοῦ Σκιπίωνοσ αὖθισ ἀφίστατο. καὶ αὐτὸν οἱ στρατηγοὶ τῆσ Ἰβηρίασ, τὸν στρατὸν ἀγείραντεσ ὅσοσ αὐτοῖσ ἦν περὶ τὰ φρούρια, καὶ δύναμιν ἄλλην ἀπὸ τῶν ὑπηκόων συναγαγόντεσ, ἔκτειναν. τοὺσ δ’ αἰτίουσ τῆσ ἀποστάσεωσ ἐσ κρίσιν παραγαγόντεσ θανάτῳ μετῆλθον, καὶ τὰ ὄντα αὐτοῖσ ἐδήμευσαν. τά τε ἔθνη τὰ συναράμενα αὐτῷ χρήμασιν ἐζημίωσαν, καὶ τὰ ὅπλα αὐτῶν παρείλοντο, καὶ ὅμηρα ᾔτησαν, καὶ φρουρὰσ δυνατωτέρασ αὐτοῖσ ἐπέστησαν. καὶ τάδε μὲν ἦν εὐθὺσ μετὰ Σκιπίωνα, καὶ ἡ πρώτη Ῥωμαίων ἐσ Ἰβηρίαν πεῖρα ἐσ τοῦτο ἔληγε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 7

(아피아노스, The Foreign Wars, chapter 7)

상위

목록

SEARCH

MENU NAVIGATION