헬라어 문장 검색 - Αππιαν́ΤηεΦορέ12́

(아피아노스, The Foreign Wars, chapter 1)

Οροσ ἐστὶ Πυρήνη διῆκον ἀπὸ τῆσ Τυρρηνικῆσ θαλάσσησ ἐπὶ τὸν βόρειον ὠκεανόν, οἰκοῦσι δ’ αὐτοῦ πρὸσ μὲν ἑώ Κελτοί, ὅσοι Γαλάται τε καὶ Γάλλοι νῦν προσαγορεύονται, πρὸσ δὲ δύσεων Ἴβηρέσ τε καὶ Κελτίβηρεσ, ἀρχόμενοι μὲν ἀπὸ τοῦ Τυρρηνικοῦ πελάγουσ, περιιόντεσ δ’ ἐν κύκλῳ διὰ τῶν Ἡρακλείων στηλῶν ἐπὶ τὸν βόρειον ὠκεανόν. οὕτωσ ἐστὶν ἡ Ἰβηρία περίκλυστοσ, ὅτι μὴ τῇ Πυρήνῃ μόνῃ, μεγίστῳ τῶν Εὐρωπαίων ὀρῶν καὶ ἰθυτάτῳ σχεδὸν ἁπάντων· τοῦ δὲ περίπλου τοῦδε τὸ μὲν Τυρρηνικὸν πέλαγοσ διαπλέουσιν ἐπὶ τὰσ στήλασ τὰσ Ἡρακλείουσ, τὸν δ’ ἑσπέριον καὶ τὸν βόρειον ὠκεανὸν οὐ περῶσιν, ὅτι μὴ πορθμεύεσθαι μόνον ἐπὶ Βρεττανούσ, καὶ τοῦτσ ταῖσ ἀμπώτεσι τοῦ πελάγουσ συμφερόμενοι· ἔστι δ’ αὐτοῖσ ὁ διάπλουσ ἥμισυ ἡμέρασ, καὶ τὰ λοιπὰ οὔτε Ῥωμαῖοι οὔτε τὰ ἔθνη τὰ ὑπὸ Ῥωμαίοισ πειρῶνται τοῦδε τοῦ ὠκεανοῦ. μέγεθοσ δὲ τῆσ Ἰβηρίασ, τῆσ Ἱσπανίασ νῦν ὑπὸ τινῶν ἀντὶ Ἰβηρίασ λεγομένησ, ἐστὶ πολὺ καὶ ἄπιστον ὡσ ἐν χώρᾳ μιᾷ, ὅπου τὸ πλάτοσ μυρίουσ σταδίουσ ἀριθμοῦσι, καὶ ἔστιν αὐτῇ τὸ πλάτοσ ἀντὶ μήκουσ. ἔθνη τε πολλὰ καὶ πολυώνυμα αὐτὴν οἰκεῖ, καὶ ποταμοὶ πολλοὶ ῥέουσι ναυσίποροι. Οἵ τινεσ δ’ αὐτὴν οἰκῆσαι πρῶτοι νομίζονται, καὶ οἳ μετ’ ἐκείνουσ κατέσχον, οὐ πάνυ μοι ταῦτα φροντίζειν ἀρέσκει, μόνα τὰ Ῥωμαίων συγγράφοντι, πλὴν ὅτι Κελτοί μοι δοκοῦσί ποτε, τὴν Πυρήνην ὑπερβάντεσ, αὐτοῖσ συνοικῆσαι, ὅθεν ἄρα καὶ τὸ Κελτιβήρων ὄνομα ἐρρύη.

δοκοῦσι δέ μοι καὶ Φοίνικεσ, ἐσ Ἰβηρίαν ἐκ πολλοῦ θαμινὰ ἐπ’ ἐμπορίᾳ διαπλέοντεσ, οἰκῆσαί τινα τῆσ Ἰβηρίασ, Ἕλληνέσ τε ὁμοίωσ, ἐσ Ταρτησσὸν καὶ Ἀργανθώνιον Ταρτησσοῦ βασιλέα πλέοντεσ, ἐμμεῖναι καὶ τῶνδέ τινεσ ἐν Ἰβηρίᾳ· ἡ γὰρ Ἀργανθωνίου βασιλεία ἐν Ἴβηρσιν ἦν. καὶ Ταρτησσόσ μοι δοκεῖ τότε εἶναι πόλισ ἐπὶ θαλάσσησ, ἣ νῦν Καρπησσὸσ ὀνομάζεται. τό τε τοῦ Ἡρακλέουσ ἱερὸν τὸ ἐν στήλαισ Φοίνικέσ μοι δοκοῦσιν ἱδρύσασθαι· καὶ θρησκεύεται νῦν ἔτι φοινικικῶσ, ὅ τε θεὸσ αὐτοῖσ οὐχ ὁ Θηβαῖόσ ἐστιν ἀλλ’ ὁ Τυρίων. ταῦτα μὲν δὴ τοῖσ παλαιολογοῦσι μεθείσθω. Τὴν δὲ γῆν τήνδε εὐδαίμονα οὖσαν καὶ μεγάλων ἀγαθῶν γέμουσαν Καρχηδόνιοι πρὸ Ῥωμαίων ἤρξαντο πολυπραγμονεῖν, καὶ μέροσ αὐτῆσ τὸ μὲν εἶχον ἤδη, τὸ δ’ ἐπόρθουν, μέχρι Ῥωμαῖοι σφᾶσ ἐκβαλόντεσ, ἃ μὲν εἶχον οἱ Καρχηδόνιοι τῆσ Ἰβηρίασ, ἔσχον αὐτίκα, τὰ δὲ λοιπὰ σὺν χρόνῳ πολλῷ καὶ πόνῳ λαμβανόμενά τε ὑπὸ σφῶν καὶ πολλάκισ ἀφιστάμενα χειρωσάμενοι διεῖλον ἐσ τρία, καὶ στρατηγοὺσ ἐσ αὐτὰ πέμπουσι τρεῖσ.

ὅπωσ δ’ εἷλον ἕκαστα, καὶ ὅπωσ Καρχηδονίοισ τε περὶ αὐτῶν καὶ μετὰ Καρχηδονίουσ Ἴβηρσι καὶ Κελτίβηρσιν ἐπολέμησαν, δηλώσει τόδε τὸ βιβλίον, μοῖραν μὲν ἐσ Καρχηδονίουσ τὴν πρώτην ἔχον· ὅτι δὲ καὶ τοῦτο περὶ Ἰβηρίασ ἦν, ἀνάγκη μοι συνενεγκεῖν ἐσ τὴν Ἰβηρικὴν συγγραφὴν ἐγένετο, ᾧ λόγῳ καὶ τὰ περὶ Σικελίασ Ῥωμαίοισ καὶ Καρχηδονίοισ ἐσ ἀλλήλουσ γενόμενα, ἀρξάμενα Ῥωμαίοισ τῆσ ἐσ Σικελίαν παρόδου τε καὶ ἀρχῆσ ἐσ τὴν Σικελικὴν συνενήνεκται γραφήν. Πρὸσ γὰρ δὴ Καρχηδονίουσ Ῥωμαίοισ πρῶτοσ ἐγένετο πόλεμοσ ἔκδημοσ περὶ Σικελίασ ἐν αὐτῇ Σικελίᾳ, καὶ δεύτεροσ ὅδε περὶ Ἰβηρίασ ἐν Ἰβηρίᾳ, ἐν ᾧ καὶ ἐσ τὴν ἀλλήλων μεγάλοισ στρατοῖσ διαπλέοντεσ οἱ μὲν τὴν Ἰταλίαν, οἱ δὲ τὴν Λιβύην ἐπόρθουν.

ἤρξαντο δὲ αὐτοῦ μεθ’ ἑκατὸν καὶ τεσσαράκοντα ὀλυμπιάδασ μάλιστα, ὅτε τὰσ σπονδὰσ ἔλυσαν αἳ ἐπὶ τῷ Σικελικῷ πολέμῳ σφίσιν ἦσαν γενόμεναι. ἔλυσαν δ’ ἐκ τοιᾶσδε προφάσεωσ. Ἀμίλχαρ ὁ Βάρκασ ἐπίκλησιν, ὅτε περ ἐν Σικελίᾳ Καρχηδονίων ἐστρατήγει, Κελτοῖσ τότε μισθοφοροῦσίν οἱ καὶ Λιβύων τοῖσ συμμαχοῦσι πολλὰσ δωρεὰσ ὑπέσχητο δώσειν, ἅσ, ἐπειδὴ ἐπανῆλθεν ἐσ Λιβύην, ἀπαιτούντων ἐκείνων ὁ Λιβυκὸσ Καρχηδονίοισ ἐξῆπτο πόλεμοσ, ἐν ᾧ πολλὰ μὲν πρὸσ αὐτῶν Λιβύων ἔπαθον οἱ Καρχηδόνιοι, Σαρδόνα δὲ Ῥωμαίοισ ἔδοσαν ποινὴν ὧν ἐσ τοὺσ ἐμπόρουσ αὐτῶν ἡμαρτήκεσαν ἐν τῷδε τῷ Λιβυκῷ πολέμῳ. ὑπαγόντων οὖν ἐπὶ τοῖσδε τὸν Βάρκαν τῶν ἐχθρῶν ἐσ κρίσιν ὡσ αἴτιον τῇ πατρίδι τοσῶνδε συμφορῶν γενόμενον, θεραπεύσασ ὁ Βάρκασ τοὺσ πολιτευομένουσ, ὧν ἦν δημοκοπικώτατοσ Ἀσδρούβασ ὁ τὴν αὐτοῦ Βάρκα θυγατέρα ἔχων, τάσ τε δίκασ διεκρούετο, καὶ Νομάδων τινὸσ κινήματοσ γενομένου στρατηγὸσ ἔπραξεν ἐπ’ αὐτοὺσ αἱρεθῆναι μετ’ Ἄννωνοσ τοῦ μεγάλου λεγομένου, ἔτι τὰσ εὐθύνασ τῆσ προτέρασ στρατηγίασ ὀφείλων. Παυομένου δὲ τοῦ πολέμου, καὶ Ἄννωνοσ ἐπὶ διαβολαῖσ ἐσ Καρχηδόνα μεταπέμπτου γενομένου, μόνοσ ὢν ἐπὶ στρατῷ, καὶ τὸν κηδεστὴν Ἀσδρούβαν ἔχων οἱ συνόντα, διῆλθεν ἐπὶ Γάδειρα, καὶ τὸν πορθμὸν ἐσ Ἰβηρίαν περάσασ ἐλεηλάτει τὰ Ἰβήρων οὐδὲν ἀδικούντων, ἀφορμὴν αὑτῷ ποιούμενοσ ἀποδημίασ τε καὶ ἔργων καὶ δημοκοπίασ ὁ̔́σα γὰρ λάβοι διῄρει, καὶ τὰ μὲν ἐσ τὸν στρατὸν ἀνάλισκεν, ἵνα προθυμότερον αὐτῷ συναδικοῖεν, τὰ δ’ ἐσ αὐτὴν ἔπεμπε Καρχηδόνα, τὰ δὲ τοῖσ ὑπὲρ αὐτοῦ πολιτευομένοισ διεδίδοὐ, μέχρι Ἰβήρων αὐτὸν οἵ τε βασιλεῖσ συστάντεσ οἱ κατὰ μέροσ, καὶ ὅσοι ἄλλοι δυνατοί, κτείνουσιν ὧδε.

ξύλων ἁμάξασ ἄγοντεσ, αἷσ βοῦσ ὑπέζευξαν, εἵποντο ταῖσ ἁμάξαισ ὡπλισμένοι. τοῖσ δὲ Λίβυσιν ἰδοῦσιν εὐθὺσ μὲν ἐνέπιπτε γέλωσ, οὐ συνιεῖσι τοῦ στρατηγήματοσ· ὡσ δ’ ἐν χερσὶν ἐγένοντο, οἱ μὲν Ἴβηρεσ αὐταῖσ βουσὶν ἐξῆψαν τὰσ ἁμάξασ καὶ ἐξώτρυναν ἐσ τοὺσ πολεμίουσ, τὸ δὲ πῦρ σκιδναμένων τῶν βοῶν πάντῃ φερόμενον ἐτάρασσε τοὺσ Λίβυασ. καὶ τῆσ τάξεωσ διαλυθείσησ, οἱ Ἴβηρεσ αὐτοῖσ ἐπιδραμόντεσ αὐτόν τε τὸν Βάρκαν καὶ πολὺ πλῆθοσ ἀμυνομένων ἐπ’ αὐτῷ διέφθειραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 1

(아피아노스, The Foreign Wars, chapter 1)

상위

목록

SEARCH

MENU NAVIGATION