헬라어 문장 검색 - Αππιαν́ΤηεΦορέ97́

(아피아노스, The Foreign Wars, chapter 17)

Αὐτὸσ δὲ ἑνὶ τῷδε πολέμῳ τά τε λῃστήρια καθήρασ καὶ βασιλέα καθελὼν μέγιστον, καὶ συνενεχθεὶσ ἐσ μάχασ, ἄνευ τοῦ Ποντικοῦ πόλεμου, Κόλχοισ τε καὶ Ἀλβανοῖσ καὶ Ἴβηρσι καὶ Ἀρμενίοισ καὶ Μήδοισ καὶ Ἄραψι καὶ Ιοὐδαίοισ καὶ ἑτέροισ ἔθνεσιν ἑῴοισ, τὴν ἀρχὴν ὡρίσατο Ῥωμαίοισ μέχρι Αἰγύπτου. ἐσ δὲ Αἴγυπτον αὐτὴν οὐ παρῆλθε, καίτοι στασιάζουσαν ἐσ τὸν βασιλέα, καὶ καλοῦντοσ αὐτὸν αὐτοῦ βασιλέωσ, καὶ πέμψαντοσ αὐτῷ δῶρα καὶ χρήματα καὶ ἐσθῆτασ ἐσ τὸν στρατὸν ἅπαντα, εἴτε δείσασ μέγεθοσ ἀρχῆσ ἔτι εὐτυχούσησ, εἴτε φυλαξάμενοσ ἐχθρῶν φθόνον ἢ χρησμῶν ἀπαγόρευσιν, εἴτε ἑτέροισ λογισμοῖσ, οὓσ ἐξοίσω κατὰ τὰ Αἰγύπτια. τῶν δὲ εἰλημμένων ἐθνῶν τὰ μὲν αὐτόνομα ἠφίει συμμμαχίασ οὕνεκα, τὰ δὲ ὑπὸ Ῥωμαίοισ εὐθὺσ ἐγίγνετο, τὰ δ’ ἐσ βασίλεια διεδίδου, Τιγράνει μὲν Ἀρμενίαν καὶ Φαρνάκῃ Βόσπορον καὶ Ἀριοβαρζάνῃ Καππαδοκίαν, καὶ ὅσα προεῖπον ἕτερα. Ἀντιόχῳ δὲ τῷ Κομμαγηνῷ Σελεύκειαν ἐπέτρεψε, καὶ ὅσα τῆσ Μεσοποταμίασ ἄλλα κατέδραμεν. ἐποίει δὲ καὶ τετράρχασ, Γαλλογραικῶν μέν, οἳ νῦν εἰσὶ Γαλάται Καππαδόκαισ ὅμοροι, Δηιόταρον καὶ ἑτέρουσ, Παφλαγονίασ δὲ Ἄτταλον καὶ Κόλχων Ἀρίσταρχον δυνάστην. ἀπέφηνε δὲ καὶ τῆσ ἐν Κομάνοισ θεᾶσ Ἀρχέλαον ἱερέα, ὅπερ ἐστὶ δυναστεία βασιλική, καὶ τὸν Φαναγορέα Κάστορα Ῥωμαίων φίλον. πολλὴν δὲ καὶ ἑτέροισ χώραν τε καὶ χρήματα ἔδωκεν. Καὶ πόλεισ ᾤκισεν ἐν μὲν Ἀρμενίᾳ τῇ βραχυτέρᾳ Νικόπολιν ἐπὶ τῇ νίκῃ, ἐν δὲ Πόντῳ Εὐπατορίαν, ἣν αὐτὸσ μὲν ὁ εὐπάτωρ Μιθριδάτησ ἔκτισε καὶ Εὐπατορίαν ὠνόμασεν ἀφ’ ἑαυτοῦ, ὑποδεξαμένην δὲ Ῥωμαίουσ καθῃρήκει, καὶ ὁ Πομπήιοσ ἐγείρασ Μαγνόπολιν ἐκάλει.

ἐν δὲ Καππαδοκίᾳ Μάζακα, ὑπὸ τοῦ πολέμου λελυμασμένην ἐσ τέλοσ, ἤγειρεν αὖθισ. καὶ ἑτέρασ πολλαχοῦ κατενεχθείσασ ἢ βεβλαμμένασ διωρθοῦτο περί τε τὸν Πόντον καὶ Παλαιστίνην καὶ κοίλην Συρίαν καὶ Κιλικίαν, ἐν ᾗ δὴ καὶ μάλιστα τοὺσ λῃστὰσ συνῴκιζε. καὶ ἡ πόλισ ἡ πάλαι Σόλοι νῦν Πομπηιόπολισ ἐστίν. ἐν δὲ Ταλαύροισ, ἥν τινα πόλιν ὁ Μιθριδάτησ εἶχε ταμιεῖον τῆσ κατασκευῆσ, δισχίλια μὲν ἐκπώματα λίθου τῆσ ὀνυχίτιδοσ λεγομένησ ηὑρέθη χρυσοκόλλητα, καὶ φιάλαι καὶ ψυκτῆρεσ πολλοὶ καὶ ῥυτὰ καὶ κλῖναι καὶ θρόνοι κατάκοσμοι, καὶ ἵππων χαλινοὶ καὶ προστερνίδια καὶ ἐπωμίδια, πάντα ὁμοίωσ διάλιθα καὶ κατάχρυσα, ὧν ἡ παράδοσισ διὰ τὸ πλῆθοσ ἐσ τριάκοντα ἡμέρασ παρέτεινεν. καὶ ἦν τὰ μὲν ἐκ Δαρείου τοῦ Ὑστάσπου, τὰ δὲ ἐκ τῆσ Πτολεμαίων ἀρχῆσ, ὅσα Κλεοπάτρα Κῴοισ παρέθετο καὶ Κῷοι Μιθριδάτῃ ἐδεδώκεσαν· τὰ δὲ καὶ ὑπ’ αὐτοῦ Μιθριδάτου κατεσκεύαστο καὶ συνείλεκτο, φιλοκάλου καὶ περὶ κατασκευὴν γενομένου. Λήγοντοσ δὲ τοῦ χειμῶνοσ διέδωκεν ὁ Πομπήιοσ ἀριστεῖα τῷ στρατῷ, καθ’ ἕκαστον ἄνδρα χιλίασ πεντακοσίασ Ἀττικάσ, καὶ τοῖσ ἡγουμένοισ αὐτῶν ἀνάλογον·

καί φασι γενέσθαι τάλαντα μύρια καὶ ἑξακισχίλια. αὐτὸσ δ’ ἐσ Ἔφεσον καταβὰσ διέπλευσεν ἐσ τὴν Ἰταλίαν καὶ ἐσ Ῥώμην ἠπείγετο, διαφεὶσ ἐν Βρεντεσίῳ τὸν στρατὸν ἐσ τὰ οἰκεῖα· ἐφ’ ὅτῳ μάλιστα ὡσ δημοτικῷ τοὺσ Ῥωμαίουσ ἐξέπληξεν. καὶ αὐτῷ προσιόντι ἀπήντων κατὰ μέροσ, πορρωτάτω μὲν οἱ νέοι, ἑξῆσ δὲ ὡσ ἐδύναντο καθ’ ἡλικίαν ἕκαστοι, καὶ ἐπὶ πᾶσιν ἡ βουλὴ θαυμάζουσα τῶν γεγονότων· οὐ γάρ πώ τισ ἐχθρὸν τηλικοῦτον ἑλὼν τοσάδε ὁμοῦ καὶ μέγιστα ἔθνη προσειλήφει, καὶ τὴν Ῥωμαίων ἀρχὴν ἐπὶ τὸν Εὐφράτην ὡρίκει. ὁ δὲ ἐθριάμβευσεν ἐπὶ λαμπροτάτησ καὶ ἧσ οὔτισ πρὸ τοῦ δόξησ, ἔτη ἔχων πέντε καὶ τριάκοντα, δύο ἐφεξῆσ ἡμέραισ, ἐπὶ πολλοῖσ ἔθνεσιν, ἀπό τε τοῦ Πόντου καὶ Ἀρμενίασ καὶ Καππαδοκίασ καὶ Κιλικίασ καὶ Συρίασ ὅλησ καὶ Ἀλβανῶν καὶ Ἡνιόχων καὶ Ἀχαίων τῶν ἐν Σκύθαισ καὶ Ἰβηρίασ τῆσ ἑῴασ. καὶ παρῆγεν ἐσ μὲν τοὺσ λιμένασ ἑπτακοσίασ ναῦσ ἐντελεῖσ, ἐσ δὲ τὴν πομπὴν τοῦ θριάμβου ζεύγη καὶ φορεῖα χρυσοφόρα καὶ ἕτερα κόσμου ποικίλου, καὶ τὴν Δαρείου τοῦ Ὑστάσπου κλίνην, καὶ τὸν τοῦ εὐπάτοροσ αὐτοῦ θρόνον. καὶ σκῆπτρον αὐτοῦ, καὶ εἰκόνα ὀκτάπηχυν ἀπὸ στερεοῦ χρυσίου παρῆγε, καὶ ἐπισήμου ἀργυρίου μυριάδασ ἑπτακισχιλίασ καὶ πεντακοσίασ καὶ δέκα, ἁμάξασ δὲ ὅπλων ἀπείρουσ τὸ πλῆθοσ, καὶ νεῶν ἔμβολα, καὶ πλῆθοσ αἰχμαλώτων τε καὶ λῃστῶν, οὐδένα δεδεμένον ἀλλ’ ἐσ τὰ πάτρια ἐσταλμένουσ. Αὐτοῦ δὲ τοῦ Πομπηίου προῆγον ὅσοι τῶν πεπολεμημένων βασιλέων ἡγεμόνεσ ἢ παῖδεσ ἢ στρατηγοὶ ἦσαν, οἱ μὲν αἰχμάλωτοι ὄντεσ οἱ δὲ ἐσ ὁμηρείαν δεδομένοι, τριακόσιοι μάλιστα καὶ εἴκοσι καὶ τέσσαρεσ.

ἔνθα δὴ καὶ ὁ Τιγράνουσ ἦν παῖσ Τιγράνησ, καὶ πέντε Μιθριδάτου, Ἀρταφέρνησ τε καὶ Κῦροσ καὶ Ὀξάθρησ καὶ Δαρεῖοσ καὶ Ξέρξησ, καὶ θυγατέρεσ Ὀρσάβαρίσ τε καὶ Εὐπάτρα. παρήγετο δὲ καὶ ὁ Κόλχων σκηπτοῦχοσ Ὀλθάκησ, καὶ Ιοὐδαίων βασιλεὺσ Ἀριστόβουλοσ, καὶ οἱ Κιλίκων τύραννοι, καὶ Σκυθῶν βασίλειοι γυναῖκεσ, καὶ ἡγεμόνεσ τρεῖσ Ἰβήρων καὶ Ἀλβανῶν δύο, καὶ Μένανδροσ ὁ Λαοδικεύσ, ἵππαρχοσ τοῦ Μιθριδάτου γενόμενοσ. τῶν δὲ οὐκ ἀφικομένων εἰκόνεσ παρεφέροντο, Τιγράνουσ καὶ Μιθριδάτου, μαχομένων τε καὶ νικωμένων καὶ φευγόντων. Μιθριδάτου δὲ καὶ ἡ πολιορκία, καὶ ἡ νὺξ ὅτε ἔφευγεν, εἴκαστο, καὶ ἡ σιωπή. ἐπὶ τέλει δὲ ἐδείχθη καὶ ὡσ ἀπέθανεν αἵ τε παρθένοι αἱ συναποθανεῖν αὐτῷ ἑλόμεναι παρεζωγράφηντο, καὶ τῶν προαποθανόντων υἱέων καὶ θυγατέρων ἦσαν γραφαί, θεῶν τε βαρβαρικῶν εἰκόνεσ καὶ κόσμοι πάτριοι. παρεφέρετο δὲ καὶ πίναξ ἐγγεγραμμένων τῶνδε· "νῆεσ ἑάλωσαν χαλκέμβολοι ὀκτακόσιαι· πόλεισ ἐκτίσθησαν Καππαδοκῶν ὀκτώ, Κιλίκων δὲ καὶ κοίλησ Συρίασ εἴκοσι, Παλαιστίνησ δὲ ἡ νῦν Σελευκίσ· βασιλεῖσ ἐνικήθησαν Τιγράνησ Ἀρμένιοσ, Ἀρτώκησ Ἴβηρ, Ὀροίζησ Ἀλβανόσ, Δαρεῖοσ Μῆδοσ, Ἀρέτασ Ναβαταῖοσ, Ἀντίοχοσ Κομμαγηνόσ. " τοσαῦτα μὲν ἐδήλου τὸ διάγραμμα, αὐτὸσ δὲ ὁ Πομπήιοσ ἐπὶ ἁρ́ματοσ ἦν, καὶ τοῦδε λιθοκολλήτου, χλαμύδα ἔχων, ὥσ φασιν, Ἀλεξάνδρου τοῦ Μακεδόνοσ, εἴ τῳ πίστον ἐστιν· ἐοίκε δ’ αὐτὴν εὑρεῖν ἐν Μιθριδάτου, Κῴων παρὰ Κλεοπάτρασ λαβόντων. εἵποντο δὲ αὐτῷ μετὰ τὸ ἁρ́μα οἱ συστρατευσάμενοι τῶν ἡγεμόνων, οἱ μὲν ἐπὶ ἵππων οἱ δὲ πεζοί. παρελθὼν δ’ ἐσ τὸ Καπιτώλιον οὐδένα τῶν αἰχμαλώτων ἔκτεινεν ὡσ ἕτεροι τῶν θριάμβουσ παραγόντων, ἀλλ’ ἐσ τὰσ πατρίδασ ἔπεμψε δημοσίοισ δαπανήμασι, χωρὶσ τῶν βασιλικῶν. καὶ τούτων μόνοσ Ἀριστόβουλοσ εὐθὺσ ἀνῃρέθη, καὶ Τιγράνησ ὕστερον. ὁ μὲν δὴ θρίαμβοσ ἦν τοιόσδε. Ὧδε μὲν Ῥωμαῖοι Βιθυνοὺσ καὶ Καππαδόκασ ὅσα τε αὐτοῖσ ὅμορα ἔθνη ἐπὶ τὸν Πόντον κατοικεῖ τὸν Εὔξεινον, βασιλέα Μιθριδάτην τεσσαράκοντα δύο ἔτεσι μάλιστα καθελόντεσ, ὑπηγάγοντο σφίσιν ὑπήκοα εἶναι.

τῷ δὲ αὐτῷ πολέμῳ καὶ Κιλικίασ τὰ μήπω σφίσι κατήκοα καὶ Συρίασ τήν τε Φοινίκην καὶ κοίλην καὶ Παλαιστίνην καὶ τὴν ἐσ τὸ μεσόγειον ἐπὶ ποταμὸν Εὐφράτην, οὐδὲν ἔτι τῷ Μιθριδάτῃ προσήκοντα, ῥύμῃ τῆσδε τῆσ νίκησ προσέλαβον, καὶ φόρουσ τοῖσ μὲν αὐτίκα τοῖσ δὲ ὕστερον ἔταξαν. Παφλαγονίαν τε καὶ Γαλατίαν καὶ Φρυγίαν καὶ τὴν ὅμορον τῇ Φρυγίᾳ Μυσίαν, καὶ ἐπὶ τοῖσδε Λυδίαν καὶ Καρίαν καὶ Ιὠνίαν καὶ ὅσα ἄλλα Ἀσίασ τῆσ περὶ τὸ Πέργαμόν ἐστι, καὶ τὴν ἀρχαίαν Ἑλλάδα καὶ Μακεδονίαν, Μιθριδάτου περισπάσαντοσ ὀξέωσ ἀνελάβοντο· καὶ τοῖσ πολλοῖσ αὐτῶν, οὔπω σφίσιν ὑποτελέσιν οὖσιν, ἐπέθηκαν φόρουσ. δι’ ἅ μοι καὶ μάλιστα δοκοῦσι τόνδε τὸν πόλεμον ἡγεῖσθαι μέγαν, καὶ τὴν ἐπ’ αὐτῷ νίκην μεγάλην καλεῖν, καὶ τὸν στρατηγήσαντα Πομπήιον μέγαν τῇ ἰδίᾳ φωνῇ μέχρι νῦν ἐπονομάζειν, ἐθνῶν τε πλήθουσ ἕνεκα ὧν ἀνέλαβον ἢ προσέλαβον, καὶ χρόνου μήκουσ, τεσσαρακονταετοῦσ γενομένου, τόλμησ τε αὐτοῦ Μιθριδάτου καὶ φερεπονίασ, δυνατοῦ σφίσιν ἐσ ἅπαντα ὀφθέντοσ, 119. ᾧ νῆεσ μὲν ἦσαν οἰκεῖαι πολλάκισ πλείουσ τετρακοσίων, ἱππεῖσ δ’ ἔστιν ὅτε πεντακισμύριοι καὶ πεζῶν μυριάδεσ πέντε καὶ εἴκοσι καὶ μηχαναὶ καὶ βέλη κατὰ λόγον, συνεμάχουν δὲ βασιλεῖσ καὶ δυνάσται ὅ τε Ἀρμένιοσ καὶ Σκυθῶν τῶν περὶ τὸν Πόντον, ἐπί τε Μαιώτιδα λίμνην καὶ ἀπ’ ἐκείνησ ἐπὶ τὸν Θρᾴκιον Βόσπορον περιπλέοντι. ἔσ τε τοὺσ Ῥωμαίων δυνατούσ, στασιάζοντασ ἀλλήλοισ τότε μάλιστα καὶ Ἰβηρίαν ἀνιστάντασ ἐπὶ Ῥωμαίουσ, περιέπεμπε, καὶ Κελτοῖσ φιλίαν ἐτίθετο ὡσ καὶ τῇδε ἐσβαλῶν ἐσ τὴν Ἰταλίαν, λῃστῶν τε ἐνεπίμπλη τὴν θάλασσαν ἀπὸ Κιλικίασ ἐπὶ στήλασ Ἡρακλείουσ, οἳ πάντα ἄμικτα καὶ ἄπλωτα ταῖσ πόλεσιν ἐσ ἀλλήλουσ ἐποίουν, καὶ λιμὸν ἐπίπονον ἐξειργάσαντο ἐπὶ πλεῖστον. ὅλωσ τε οὐδὲν ἀνδρὶ δυνατὸν ἐξέλιπεν ἢ πράττων ἢ διανοούμενοσ, ὡσ μέγιστον δὴ τόδε τὸ κίνημα ἐξ ἀνατολῆσ ἐπὶ δύσιν γενόμενον ἐνοχλῆσαι πᾶσιν ὡσ ἔποσ εἰπεῖν, ἢ πολεμουμένοισ ἢ συμμαχοῦσιν ἢ λῃστευομένοισ ἢ γειτονεύουσιν. τοσόσδε εἷσ οὗτοσ πόλεμοσ καὶ ποικίλοσ ἐγένετο. καὶ ἐσ τὰ μάλιστα λήγων συνήνεγκε Ῥωμαίοισ· ὡρίσαντο γὰρ ἐπὶ τῷδε τὴν ἡγεμονίαν ἐκ δύσεωσ ἐπὶ ποταμὸν Εὐφράτην. διελεῖν δ’ αὐτὰ κατὰ ἔθνοσ οὐκ ἦν, ὁμοῦ τε πραχθέντα καὶ ἀλλήλοισ ἀναπεπλεγμένα. ἃ δὲ καὶ ὣσ ἐδύνατο αὐτῶν κεχωρίσθαι, κατὰ μέρη τέτακται. Φαρνάκησ δ’ ἐπολιόρκει Φαναγορέασ καὶ τὰ περίοικα τοῦ Βοσπόρου, μέχρι τῶν Φαναγορέων διὰ λιμὸν ἐσ μάχην προελθόντων ἐκράτει τῇ μάχῃ, καὶ βλάψασ οὐδέν, ἀλλὰ φίλουσ ποιησάμενοσ καὶ λαβὼν ὅμηρα, ἀνεχώρει.

μετ’ οὐ πολὺ δὲ καὶ Σινώπην εἷλε καὶ Ἀμισὸν ἐνθυμιζόμενοσ καὶ Καλουίνῳ στρατηγοῦντι ἐπολέμησεν, ᾧ χρόνῳ Πομπήιοσ καὶ Καῖσαρ ἐσ ἀλλήλουσ ᾖσαν, ἑώσ αὐτὸν Ἄσανδροσ ἐχθρὸσ ἴδιοσ, Ῥωμαίων οὐ σχολαζόντων, ἐξήλασε τῆσ Ἀσίασ. ἐπολέμησε δὲ καὶ αὐτῷ Καίσαρι καθελόντι Πομπήιον, ἐπανιόντι ἀπ’ Αἰγύπτου, περὶ τὸ Σκότιον ὄροσ, ἔνθα ὁ πατὴρ αὐτοῦ Ῥωμαίων τῶν ἀμφὶ Τριάριον ἐκεκρατήκει· καὶ ἡττηθεὶσ ἔφευγε σὺν χιλίοισ ἱππεῦσιν ἐσ Σινώπην. Καίσαροσ δ’ αὐτὸν ὑπ’ ἀσχολίασ οὐ διώξαντοσ, ἀλλ’ ἐπιπέμψαντοσ αὐτῷ Δομίτιον, παραδοὺσ τὴν Σινώπην Δομιτίῳ ὑπόσπονδοσ ἀφείθη μετὰ τῶν ἱππέων. καὶ τοὺσ ἵππουσ ἔκτεινε πολλὰ δυσχεραινόντων τῶν ἱππέων, ναυσὶ δ’ ἐπιβὰσ ἐσ τὸν Πόντον ἔφυγε, καὶ Σκυθῶν τινασ καὶ Σαυροματῶν συναγαγὼν Θεοδοσίαν καὶ Παντικάπαιον κατέλαβεν. ἐπιθεμένου δ’ αὖθισ αὐτῷ κατὰ τὸ ἔχθοσ Ἀσάνδρου, οἱ μὲν ἱππεῖσ ἀπορίᾳ τε ἵππων καὶ ἀμαθίᾳ πεζομαχίασ ἐνικῶντο, αὐτὸσ δὲ ὁ Φαρνάκησ μόνοσ ἠγωνίζετο καλῶσ, μέχρι κατατρωθεὶσ ἀπέθανε, πεντηκοντούτησ ὢν καὶ βασιλεύσασ Βοσπόρου πεντεκαίδεκα ἔτεσιν. Ὧδε μὲν δὴ καὶ Φαρνάκησ ἐξέπεσε τῆσ ἀρχῆσ, καὶ αὐτοῦ τὴν βασιλείαν Γάιοσ μὲν Καῖσαρ ἔδωκε Μιθριδάτῃ τῷ Περγαμηνῷ συμμαχήσαντί οἱ προθύμωσ ἐν Αἰγύπτῳ·

νῦν δ’ εἰσὶν οἰκεῖοι, Πόντου δὲ καὶ Βιθυνίασ πέμπεταί τισ ἀπὸ τῆσ βουλῆσ στρατηγὸσ ἐτήσιοσ τὰ δ’ ἑτέροισ ὑπὸ τοῦ Πομπηίου δεδομένα ὁ μὲν Γάιοσ, ἐπιμεμψάμενοσ τοῖσ ἔχουσιν ὅτι Πομπηίῳ καθ’ αὑτοῦ συνεμάχουν, ὅμωσ ἐφύλαξε, πλὴν τῆσ ἐν Κομάνοισ ἱερωσύνησ, ἣν ἐσ Λυκομήδην μετήνεγκεν ἀπὸ Ἀρχελάου· πάντα δὲ οὐ πολὺ ὕστερον, καὶ τάδε καὶ ὅσα Γάιοσ Καῖσαρ ἢ Μᾶρκοσ Ἀντώνιοσ ἔχειν ἑτέροισ ἐδεδώκεσαν, ἐσ στρατηγίασ Ῥωμαίων περιῆλθεν, ἀπὸ τοῦ Σεβαστοῦ Καίσαροσ ἑλόντοσ Αἴγυπτον, ὀλίγησ ἔτι Ῥωμαίων προφάσεωσ ἐσ ἑκάστουσ δεομένων. ὅθεν αὐτοῖσ τῆσ ἡγεμονίασ ἐπὶ τῷδε τῷ Μιθριδατείῳ πολέμῳ προελθούσησ ἔσ τε τὸν Πόντον τὸν Εὔξεινον καὶ ἐπὶ ψάμμον τὴν πρὸ Αἰγύπτου καὶ ἐσ ποταμὸν Εὐφράτην ἀπὸ Ἰβήρων τῶν παρὰ στήλαισ Ἡρακλείοισ, εἰκότωσ ἥ τε νίκη μεγάλη καὶ ὁ στρατηγήσασ Πομπήιοσ μέγασ ἐκλήθη. ἔχουσι δ’ αὐτοῖσ καὶ Λιβύην, ὅση μέχρι Κυρήνησ Κ̔υρήνην γὰρ αὐτὴν Ἀπίων βασιλεὺσ τοῦ Λαγιδῶν γένουσ νόθοσ ἐν διαθήκαισ ἀπέλιπεν̓, Αἴγυπτοσ ἐσ περίοδον τῆσ ἐντὸσ θαλάσσησ ἔτι ἔλειπεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 17

(아피아노스, The Foreign Wars, chapter 17)

상위

목록

SEARCH

MENU NAVIGATION