헬라어 문장 검색 - Αππιαν́ΤηεΦορέ29́

(아피아노스, The Foreign Wars, chapter 1)

Ὅσα δὲ Ἀννίβασ ὁ Καρχηδόνιοσ ἐξ Ἰβηρίασ ἐσ Ἰταλίαν ἐσβαλών, ἑκκαίδεκα ἔτεσιν οἷσ ἐπέμεινε πολεμῶν, ἔδρασέ τε καὶ ἔπαθεν ὑπὸ Ῥωμαίων, ἑώσ αὐτὸν Καρχηδόνιοί τε κινδυνεύοντεσ περὶ τῇ πόλει ἐπὶ τὰ σφέτερα μετεπέμψαντο καὶ Ῥωμαῖοι τῆσ Ἰταλίασ ἐξήλασαν, ἥδε ἡ γραφὴ δηλοῖ. ἥ τισ δὲ τῷ Ἀννίβᾳ γέγονε τῆσ ἐσβολῆσ αἰτία τε ἀληθὴσ καὶ πρόφασισ ἐσ τὸ φανερόν, ἀκριβέστατα μὲν ἐν τῇ Ἰβηρικῇ συγγραφῇ δεδήλωται, συγγράψω δὲ καὶ νῦν ὅσον ἐσ ἀνάμνησιν. Ἀμίλχαρ ᾧ Βάρκασ ἐπικλησισ ἦν, Ἀννίβου τοῦδε πατήρ, ἐστρατήγει Καρχηδονίων ἐν Σικελίᾳ, ὅτε Ῥωμαῖοι καὶ Καρχηδόνιοι περὶ αὐτῆσ ἀλλήλοισ ἐπολέμουν.

δόξασ δὲ πρᾶξαι κακῶσ ὑπὸ τῶν ἐχθρῶν ἐδιώκετο, καὶ δεδιὼσ ἔπραξεν ἐσ τοὺσ Νομάδασ αἱρεθῆναι στρατηγὸσ πρὸ τῶν εὐθυνῶν. γενόμενοσ δὲ χρήσιμοσ ἐν τῷδε, καὶ τὴν στρατιὰν θεραπεύσασ ἁρπαγαῖσ καὶ δωρεαῖσ, ἤγαγεν ἄνευ τοῦ κοινοῦ Καρχηδονίων ἐπὶ Γάδειρα, καὶ ἐπέρασε τὸν πορθμὸν ἐσ Ἰβηρίαν, ὅθεν λάφυρα πολλὰ διέπεμπεν ἐσ Καρχηδόνα, θεραπεύων τὸ πλῆθοσ, εἰ δύναιτο μὴ χαλεπαίνειν αὐτῷ τῆσ στρατηγίασ τῆσ ἐν Σικελίᾳ, χώραν δ’ αὐτοῦ κατακτωμένου πολλὴν κλέοσ τε μέγα ἦν, καὶ Καρχηδονίοισ ἐπιθυμία πάσησ Ἰβηρίασ ὡσ εὐμαροῦσ ἔργου. Ζακανθαῖοι δέ, καὶ ὅσοι ἄλλοι Ἕλληνεσ ἐν Ἰβηρίᾳ, καταφεύγουσιν ἐπὶ Ῥωμαίουσ, καὶ γίγνεται Καρχηδονίοισ ὁρ́οσ Ἰβηρίασ, μὴ διαβαίνειν τὸν Ἴβηρα ποταμόν· καὶ τόδε ταῖσ Ῥωμαίων καὶ Καρχηδονίων σπονδαῖσ ἐνεγράφη. ἐπὶ δὲ τούτῳ Βάρκασ μὲν τὴν ὑπὸ Καρχηδονίοισ Ἰβηρίαν καθιστάμενοσ ἔν τινι μάχῃ πεσὼν ἀποθνήσκει, καὶ στρατηγὸσ Ἀσδρούβασ ἐπ’ αὐτῷ γίγνεται, ὃσ ἐκήδευε τῷ Βάρκᾳ. καὶ τόνδε μὲν κτείνει θεράπων ἐν κυνηγεσίοισ, οὗ τὸν δεσπότην ἀνῃρήκει. Τρίτοσ δὲ ἐπὶ τοῖσδε στρατηγὸσ Ἰβήρων ὑπὸ τῆσ στρατιᾶσ ἀποδείκνυται, φιλοπόλεμοσ καὶ συνετὸσ εἶναι δοκῶν, Ἀννίβασ ὅδε, Βάρκα μὲν υἱὸσ ὤν, Ἀσδρούβου δὲ τῆσ γυναικὸσ ἀδελφόσ, νέοσ δὲ κομιδῇ, καὶ ὡσ μειράκιον ἔτι τῷ πατρὶ καὶ τῷ κηδεστῇ συνών.

καὶ ὁ δῆμοσ ὁ Καρχηδονίων αὐτῷ τὴν στρατηγίαν ἐπεψήφισεν. οὕτω μὲν Ἀννίβασ, περὶ οὗ τάδε συγγράφω, γίγνεται στρατηγὸσ Καρχηδονίων ἐπ’ Ἴβηρσι· τῶν δ’ ἐχθρῶν τῶν Βάρκα τε καὶ Ἀσδρούβου τοὺσ φίλουσ τοὺσ ἐκείνων διωκόντων, καὶ Ἀννίβου τοῦδε καταφρονούντων ὡσ ἔτι νέου, ἀρχὴν εἶναι τοῦθ’ ὁ Ἀννίβασ ἐφ’ ἑαυτὸν ἡγούμενοσ, καὶ νομίζων οἱ τὸ ἀσφαλὲσ ἐκ τῶν τῆσ πατρίδοσ φόβων περιέσεσθαι, ἐσ πόλεμον αὐτοὺσ μέγαν ἐμβαλεῖν ἐπενόει. ὑπολαβὼν δ’, ὥσπερ ἦν, τὸ Ῥωμαίοισ ἐπιχειρῆσαι χρόνιόν τε Καρχηδονίοισ ἔσεσθαι, καὶ μεγάλην αὐτῷ δόξαν, εἰ καὶ τύχοι πταίσασ, τό γε ἐγχείρημα οἴσειν, λεγόμενοσ δὲ καὶ ὑπὸ τοῦ πατρὸσ ἐπὶ βωμῶν ἔτι παῖσ ὁρκωθῆναι Ῥωμαίοισ ἐπιβουλεύων οὔ ποτ’ ἐκλείψειν, ἐπενόει παρὰ τὰσ σπονδὰσ τὸν Ἴβηρα διαβῆναι, καὶ παρεσκεύαζέ τινασ ἐσ πρόφασιν κατηγορεῖν Ζακανθαίων. γράφων τε ταῦτα συνεχῶσ ἐσ Καρχηδόνα, καὶ προστιθεὶσ ὅτι Ῥωμαῖοι κρύφα τὴν Ἰβηρίαν αὐτῶν ἀφιστᾶσιν, ἔτυχε παρὰ Καρχηδονίων πράσσειν ὅ τι δοκιμάσειεν. ὁ μὲν δὴ τὸν Ἴβηρα διαβὰσ τὴν Ζακανθαίων πόλιν ἡβηδὸν διέφθειρε, Ῥωμαίοισ δὲ καὶ Καρχηδονίοισ ἐπὶ τῷδε ἐλέλυντο αἱ σπονδαὶ αἱ γενόμεναι αὐτοῖσ μετὰ τὸν πόλεμον τὸν ἐν Σικελίᾳ. Ἀννίβασ δὲ ὅσα μὲν αὐτὸσ καὶ οἱ μετ’ αὐτὸν ἄλλοι Καρχηδονίων τε καὶ Ῥωμαίων στρατηγοὶ περὶ Ἰβηρίαν ἔπραξαν, ἡ Ἰβηρικὴ γραφὴ δηλοῖ·

ἐπιλεξάμενοσ δὲ Κελτιβήρων τε καὶ Λιβύων καὶ ἑτέρων ἐθνῶν ὅτι πλείστουσ, καὶ τὰ ἐν Ἰβηρίᾳ παραδοὺσ Ἀσδρούβᾳ τῷ ἀδελφῷ, τὰ Πυρηναῖα ὄρη διέβαινεν ἐσ τὴν Κελτικὴν τὴν νῦν λεγομένην Γαλατίαν, ἄγων πεζοὺσ ἐνακισμυρίουσ καὶ ἱππέασ ἐσ δισχιλίουσ ἐπὶ μυρίοισ καὶ ἐλέφαντασ ἑπτὰ καὶ τριάκοντα. Γαλατῶν δὲ τοὺσ μὲν ὠνούμενοσ, τοὺσ δὲ πείθων, τοὺσ δὲ καὶ βιαζόμενοσ, διώδευε τὴν χώραν. ἐλθὼν δὲ ἐπὶ τὰ Ἄλπεια ὄρη, καὶ μηδεμίαν μήτε δίοδον μήτε ἄνοδον εὑρών ἁ̓πόκρημνα γάρ ἐστιν ἰσχυρῶσ̓, ἐπέβαινε κἀκείνοισ ὑπὸ τόλμησ, κακοπαθῶν χιονοσ τε πολλῆσ οὔσησ καὶ κρύουσ, τὴν μὲν ὕλην τέμνων τε καὶ κατακαίων, τὴν δὲ τέφραν σβεννὺσ ὕδατι καὶ ὄξει, καὶ τὴν πέτραν ἐκ τοῦδε ψαφαρὰν γιγνομένην σφύραισ σιδηραῖσ θραύων, καὶ ὁδὸν ποιῶν ἣ καὶ νῦν ἐστιν ἐπὶ τῶν ὀρῶν ἐντριβὴσ καὶ καλεῖται δίοδοσ Ἀννίβου. τῶν δὲ τροφῶν αὐτὸν ἐπιλειπουσῶν ἠπείγετο μέν, ἔτι λανθάνων ὅτι καὶ πάρεστιν ἐσ τὴν Ἰταλίαν, ἕκτῳ δὲ μόλισ ἀπὸ τῆσ ἐξ Ἰβήρων ἀναστάσεωσ μηνί, πλείστουσ ἀποβαλών, ἐσ τὸ πεδίον ἐκ τῶν ὀρῶν κατέβαινε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 1

(아피아노스, The Foreign Wars, chapter 1)

상위

목록

SEARCH

MENU NAVIGATION