헬라어 문장 검색 - Αππιαν́ΤηεΦορέ13́

(아피아노스, The Foreign Wars, chapter 2)

Οἱ δὲ Καρχηδόνιοι τοῖσ κέρδεσιν ἤδη τοῖσ ἐξ Ἰβηρίασ ἀρσσκόμενοι, στρατιὰν ἄλλην ἔπεμπον ἐσ Ἰβηρίαν, καὶ στρατηγὸν ἁπάντων ἀπέφηναν Ἀσδρούβαν τὸν τοῦ Βάρκα κηδεστήν, ὄντα ἐν Ἰβηρίᾳ. ὁ δὲ Ἀννίβαν τὸν οὐ πολὺ ὕστερον ἀοίδιμον ἐπὶ στρατηγίαισ, παῖδά τε ὄντα τοῦ Βάρκα καὶ τῆσ γυναικόσ οἱ γιγνόμενον ἀδελφὸν ἔχων ἐν Ἰβηρίᾳ, νέον ὄντα καὶ φιλοπόλεμον καὶ ἀρέσκοντα τῷ στρατῷ ὑποστράτηγον ἀπέφηνεν. καὶ τῆσ τε Ἰβηρίασ τὰ πολλὰ πειθοῖ προσήγετο, πιθανὸσ ὢν ὁμιλῆσαι, ἔσ τε τὰ βίασ δεόμενα τῷ μειρακίῳ χρώμενοσ προῆλθεν ἀπὸ τῆσ ἑσπερίου θαλάσσησ ἐσ τὸ μεσόγειον ἐπὶ Ἴβηρα ποταμόν, ὃσ μέσην που μάλιστα τέμνων τὴν Ἰβηρίαν, καὶ τῆσ Πυρήνησ ἀφεστὼσ ὁδὸν ἡμερῶν πέντε, ἐξίησιν ἐσ τὸν βόρειον ὠκεανόν. Ζακανθαῖοι δέ, ἄποικοι Ζακυνθίων, ἐν μέσῳ τῆσ τε Πυρήνησ καὶ τοῦ ποταμοῦ τοῦ Ἴβηρού ὄντεσ, καὶ ὅσοι ἄλλοι Ἕλληνεσ περί τε τὸ καλούμενον Ἐμπόριον καὶ εἴ πῃ τῆσ Ἰβηρίασ ᾤκουν ἀλλαχοῦ, δείσαντεσ ὑπὲρ σφῶν ἐπρέσβευον ἐσ Ῥώμην.

καὶ ἡ σύγκλητοσ οὐκ ἐθέλουσα τὰ Καρχηδονίων ἐπαίρεσθαι, πρέσβεισ ἐσ Καρχηδόνα ἔπεμπεν. καὶ συνέβησαν ἀμφότεροι ὁρ́ον εἶναι Καρχηδονίοισ τῆσ ἀρχῆσ τῆσ ἐν Ἰβηρίᾳ τὸν Ἴβηρα ποταμόν, καὶ μήτε Ῥωμαίουσ τοῖσ πέραν τοῦδε τοῦ ποταμοῦ πόλεμον ἐκφέρειν, Καρχηδονίων ὑπηκόοισ οὖσι, μήτε Καρχηδονίουσ ἐπὶ πολέμῳ τὸν Ἴβηρα διαβαίνειν, Ζακανθαίουσ δὲ καὶ τοὺσ ἄλλουσ ἐν Ἰβηρίᾳ Ἕλληνασ αὐτονόμουσ καὶ ἐλευθέρουσ εἶναι. καὶ τάδε ταῖσ συνθήκαισ ταῖσ Ῥωμαίων καὶ Καρχηδονίων προσεγράφη. Ἀσδρούβαν δὲ ἐπὶ τοῖσδε Ἰβηρίαν τὴν ὑπὸ Καρχηδονίοισ καθιστάμενον ἀνὴρ δοῦλοσ, οὗ τὸν δεσπότην ὠμῶσ διεφθάρκει, λαθὼν ἐν κυνηγεσίοισ ἀναιρεῖ.

καὶ τόνδε μὲν Ἀννίβασ ἐλεγχθέντα δεινῶσ αἰκισάμενοσ διέφθειρεν· ἡ στρατιὰ δὲ τὸν Ἀννίβαν, καίπερ ὄντα κομιδῇ νέον, ἀρέσκοντα δὲ ἰσχυρῶσ, στρατηγὸν ἀπέδειξαν αὑτῶν· καὶ ἡ Καρχηδονίων βουλὴ συνέθετο. ὅσοι δὲ τοῦ Βάρκα διαπολῖται τὴν Βάρκα τε καὶ Ἀσδρούβα δύναμιν ἐδεδοίκεσαν, ὡσ ἔμαθον αὐτοὺσ τεθνεῶτασ, Ἀννίβα κατεφρόνουν ὡσ νέου, καὶ τοὺσ ἐκείνων φίλουσ τε καὶ στασιώτασ ἐδίωκον ἐπὶ τοῖσ ἐκείνων ἐγκλήμασιν. ὅ τε δῆμοσ ἅμα τοῖσ κατηγοροῦσιν ἐγίγνετο, μνησικακῶν τοῖσ διωκομένοισ τῆσ βαρύτητοσ τῆσ ἐπὶ Βάρκα τε καὶ Ἀσδρούβα· καὶ τὰσ δωρεὰσ ἐκέλευον αὐτούσ, ὅσασ μεγάλασ Ἀσδρούβασ τε καὶ Βάρκασ αὐτοῖσ ἐπεπόμφεσαν, ἐσ τὸ κοινὸν ἐσενεγκεῖν ὡσ ἐκ τῶν πολεμίων πεπορισμένασ. οἱ δὲ ἐπέστελλον τῷ Ἀννίβᾳ, σφίσι τε ἐπικουρεῖν δεόμενοι, καὶ διδάσκοντεσ ὅτι καὶ αὐτὸσ ἔσοιτο τοῖσ πατρῴοισ ἐχθροῖσ εὐκαταφρόνητοσ, εἰ τοὺσ ἐν τῇ πατρίδι συνεργεῖν αὐτῷ δυναμένουσ ὑπερίδοι. Ὁ δὲ καὶ ταῦτα προεώρα, καὶ τὰσ ἐκείνων δίκασ ἀρχὴν ἐφ’ ἑαυτὸν οὖσαν ἐπιβουλῆσ·

οὐδ’ ἠξίου τὴν ἔχθραν, ὥσπερ ὁ πατὴρ καὶ ὁ κηδεστήσ, ἐσαεὶ καὶ μετὰ φόβου διαφέρειν, οὐδ’ ἐπὶ τῷ Καρχηδονίων κουφόνῳ μέχρι παντὸσ εἶναι, ῥᾳδίωσ ἐσ εὐεργέτασ πρὸσ ἀχαριστίαν τρεπομένων. ἐλέγετο δὲ καὶ παῖσ ὢν ἔτι ὑπὸ τοῦ πατρὸσ ὁρκωθῆναι ἐπὶ ἐμπύρων ἄσπειστοσ ἐχθρὸσ ἔσεσθαι Ῥωμαίοισ, ὅτε ἐσ πολιτείαν παρέλθοι. διὰ δὴ ταῦτ’ ἐπενόει μεγάλοισ καὶ χρονίοισ πράγμασι τὴν πατρίδα περιβαλών, καὶ καταστήσασ ἐσ ἀσχολίασ καὶ φόβουσ, τὸ ἑαυτοῦ καὶ τὰ τῶν φίλων ἐν ἀδεεῖ θέσθαι. Λιβύην μὲν οὖν εὐσταθοῦσαν ἑώρα, καὶ Ἰβήρων ὅσα ὑπήκοα ἦν· εἰ δὲ πρὸσ Ῥωμαίουσ πόλεμον αὖθισ ἀναρριπίσειεν, οὗ μάλιστα ἐπεθύμει, ἐδόκει Καρχηδονίουσ μὲν ἐν φροντίσι καὶ φόβοισ ἔσεσθαι μακροῖσ, αὐτὸσ δέ, εἴτε κατορθώσειεν, ἐπὶ κλέουσ ἀθανάτου γενήσεσθαι, τὴν πατρίδα τῆσ οἰκουμένησ γῆσ ἄρχουσαν ἀποφήνασ οὑ̓ γὰρ εἶναί τινασ ἀντιμάχουσ αὐτοῖσ ἐπὶ Ῥωμαίοισ̓, εἴτε καὶ πταίσειε, μεγάλην καὶ ὣσ τὸ ἐγχείρημα αὐτῷ δόξαν οἴσειν. Ἀρχὴν δὲ ὑπολαμβάνων ἔσεσθαι λαμπρὰν εἰ τὸν Ἴβηρα διαβαίη, Τορβολήτασ, οἳ γείτονέσ εἰσι Ζακανθαίων, ἀνέπεισε τῶν Ζακανθαίων παρὰ οἷ καταβοᾶν ὡσ τήν τε χώραν αὐτῶν ἐπιτρεχόντων καὶ πολλὰ σφᾶσ ἄλλα ἀδικούντων.

οἱ δὲ ἐπείθοντο. καὶ πρέσβεισ αὐτῶν ὁ Ἀννίβασ ἐσ Καρχηδόνα ἔπεμπεν, αὐτόσ τε ἐν ἀπορρήτοισ ἔγραφε Ῥωμαίουσ τὴν ὑπὸ Καρχηδονίοισ Ἰβηρίαν ἀναπείθειν ἀπὸ Καρχηδονίων ἀφίστασθαι, καὶ Ζακανθαίουσ Ῥωμαίοισ ταῦτα συμπράσσειν. ὅλωσ τε τῆσ ἀπάτησ οὐ μεθίει, πολλὰ τοιαῦτα ἐπιστέλλων, ἑώσ ἡ βουλὴ προσέταξεν αὐτῷ πράσσειν ἐσ Ζακανθαίουσ ὅ τι δοκιμάσειεν. ὁ δὲ ἐπεὶ τῆσ ἀφορμῆσ ἐλάβετο, Τορβολήτασ αὖθισ ἔπραξεν ἐντυχεῖν οἱ κατὰ τῶν Ζακανθαίων, καὶ μετεπέμπετο πρέσβεισ. οἱ δὲ ἀφίκοντο μέν, κελεύοντοσ δὲ τοῦ Ἀννίβου λέγειν ἑκατέρουσ ἐφ’ ἑαυτοῦ περὶ ὧν διαφέρονται, Ῥωμαίοισ ἔφασαν ἐπιτρέψειν τὴν δίκην. ὁ μὲν δὴ ταῦτ’ εἰπόντασ ἀπέπεμπεν ἀπὸ τοῦ στρατοπέδου, καὶ τῆσ ἐπιούσησ νυκτὸσ παντὶ τῷ στρατῷ τὸν Ἴβηρα διαβὰσ τὴν χώραν ἐπόρθει καὶ τῇ πόλει μηχανήματα ἐφίστη. ἑλεῖν δ’ οὐ δυνάμενοσ ἀπετάφρευε καὶ φρούρια πολλὰ περιθεὶσ ἐκ διαστημάτων ἐπεφοίτα. Ζακανθαῖοι δὲ αἰφνιδίῳ καὶ ἀκαταγγέλτῳ κακῷ συμπεσόντεσ ἐπρέσβευον ἐσ Ῥώμην.

καὶ ἡ σύγκλητοσ αὐτοῖσ συνέπεμπε πρέσβεισ, οἳ πρῶτον μὲν Ἀννίβαν ἔμελλον ὑπομνήσειν τῶν συγκει μένων, οὐ πειθομένου δὲ ἐσ Καρχηδόνα πλευσεῖσθαι κατ’ αὐτοῦ· τούτοισ τοῖσ πρέσβεσι πλεύσασιν ἐσ Ἰβηρίαν, καὶ ἐσ τὸ στρατόπεδον ἀπὸ θαλάσσησ ἀναβαίνουσιν, ὁ Ἀννίβασ ἀπηγόρευσε μὴ προσιέναι. καὶ οἱ μὲν ἀπέπλευσαν ἐπὶ Καρχηδόνοσ σὺν τοῖσ πρέσβεσι τοῖσ Ζακανθαίων, καὶ τῶν συνθηκῶν ἀνεμίμνησκον αὐτούσ. Καρχηδόνιοι δὲ ᾐτιῶντο τοὺσ Ζακανθαίουσ πολλὰ τοὺσ ὑπηκόουσ σφῶν ἀδικεῖν. καὶ Ζακανθαίων οἱ πρέσβεισ ἐσ δίκην αὐτοὺσ προυκαλοῦντο ἐπὶ Ῥωμαίων κριτῶν· οἱ δ’ οὐκ ἔφασαν χρῄζειν δίκησ, ἀμύνεσθαι δυνάμενοι. ὧν ἐσ Ῥώμην ἀπαγγελθέντων, οἱ μὲν ἐκέλευον ἤδη συμμαχεῖν τοῖσ Ζακανθαίοισ, οἱ δ’ ἐπεῖχον ἔτι, λέγοντεσ οὐ συμμάχουσ αὐτοὺσ ἐν ταῖσ συνθήκαισ σφῶν ἀλλ’ αὐτονόμουσ καὶ ἐλευθέρουσ ἀναγεγράφθαι, ἐλευθέρουσ δ’ ἔτι καὶ τοὺσ πολιορκουμένουσ εἶναι. καὶ ἐκράτησεν ἡ γνώμη. Ζακανθαῖοι δέ, ἐπειδὴ τὰ Ῥωμαίων ἀπέγνωσαν καὶ ὁ λιμὸσ σφᾶσ ἐπίεζε καὶ Ἀννίβασ περιεκάθητο συνεχῶσ εὑ̓δαίμονα γὰρ καὶ πολύχρυσον ἀκούων εἶναι τὴν πόλιν οὐκ ἀνίει τῆσ πολιορκίασ̓, τὸν μὲν χρυσὸν καὶ ἄργυρον, ὅσοσ ἦν δημόσιόσ τε καὶ ἰδιωτικόσ, ἀπὸ κηρύγματοσ ἐσ τὴν ἀγορὰν συνήνεγκαν, καὶ μολύβδῳ καὶ χαλκῷ συνεχώνευσαν ὡσ ἀχρεῖον Ἀννίβᾳ γενέσθαι, αὐτοὶ δὲ ἐν χερσὶν ἑλόμενοί τι παθεῖν μᾶλλον ἢ ὑπὸ τοῦ λιμοῦ, ἐξέδραμον ἔτι νυκτὸσ ἐπὶ τὰ φρούρια τὰ τῶν Λιβύων, ἀναπαυομένων ἔτι καὶ οὐδέν τοιοῦτον ὑπονοούντων·

ὅθεν αὐτοὺσ ἀνισταμένουσ τε ἐξ εὐνῆσ καὶ σὺν θορύβῳ μόλισ ὁπλιζομένουσ, ἔστι δ’ οὓσ ἤδη καὶ μαχομένουσ, διέφθειρον. μακροῦ δὲ τοῦ ἀγῶνοσ γενομένου, Λιβύων μὲν ἀπώλοντο πολλοί, Ζακανθαῖοι δὲ παντεσ. αἱ δὲ γυναῖκεσ ἀπὸ τοῦ τείχουσ ὁρῶσαι τὸ τέλοσ τῶν ἀνδρῶν, αἱ μὲν ἐρρίπτουν ἑαυτὰσ κατὰ τῶν τεγῶν, αἱ δ’ ἀνήρτων, αἱ δὲ καὶ τὰ τέκνα προκατέσφαζον. καὶ τοῦτο τέλοσ ἦν Ζακανθαίοισ, πόλει μεγάλῃ τε καὶ δυνατῇ γενομένῃ. Ἀννίβασ δὲ ὡσ ἔμαθε περὶ τοῦ χρυσοῦ, τοὺσ μὲν ὑπολοίπουσ καὶ ἔτι ἡβῶντασ αὐτῶν αἰκιζόμενοσ διέφθειρεν ὑπ’ ὀργῆσ, τὴν δὲ πόλιν ὁρῶν ἐπιθάλασσόν τε καὶ Καρχηδόνοσ οὐ μακράν, καὶ χώρασ ἄρχουσαν ἀγαθῆσ, ᾤκιζεν αὖθισ καὶ Καρχηδονίων ἄποικον ἀπέφαινεν· ἣν νῦν οἶμαι Καρχηδόνα καλεῖσθαι τὴν Σπαρταγενῆ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter 2

(아피아노스, The Foreign Wars, chapter 2)

상위

목록

SEARCH

MENU NAVIGATION