헬라어 문장 검색 - Αππιαν́ΤηεΦορέ10́

(아피아노스, The Foreign Wars, chapter)

Ὅτι ἀποροῦντεσ Ῥωμαῖοί τε καὶ Καρχηδόνιοι χρηματων, οἱ μὲν οὐκέτι ἐναυπήγουν, τετρυμένοι διὰ τὰσ ἐσφοράσ, ἀλλὰ πεζὴν στρατιὰν καταλέγοντεσ ἐξέπεμπον ἐσ Λιβύην καὶ ἐσ Σικελίαν ἀνὰ ἔτοσ ἕκαστον, Καρχηδόνιοι δ’ ἐσ Πτολεμαῖον ἐπρεσβεύοντο, τὸν Πτολεμαίου τοῦ Λάγου, βασιλέα Αἰγύπτου, δισχίλια τάλαντα κιχρώμενοι. τῷ δ’ ἦν ἔσ τε Ῥωμαίουσ καὶ Καρχηδονίουσ φιλία, καὶ συναλλάξαι σφᾶσ ἐπεχείρησεν ἀλλήλοισ. οὐ δυνηθεὶσ δ’ ἔφη χρῆναι φίλοισ κατ’ ἐχθρῶν συμμαχεῖν, οὐ κατὰ φίλων. Ὅτι οἱ Καρχηδόνιοι δὶσ ἐν τῇ γῇ τοῦ αὐτοῦ χρόνου καὶ δὶσ ἐν τῇ θαλάσσῃ παθόντεσ, ἐν ᾗ δὴ καὶ πάνυ προύχειν ἐνόμιζον, καὶ χρημάτων ἀποροῦντεσ ἤδη καὶ νεῶν καὶ ἀνδρῶν, ᾔτουν ἀνοχὰσ παρὰ τοῦ Λουτατίου, καὶ λαβόντεσ ἐπρεσβεύοντὸ ἐσ Ῥώμην περὶ διαλλαγῶν ἐπὶ βραχυτέροισ, συνέπεμπόν τε τοῖσ πρέσβεσιν Ἀτίλιον Ῥῆγλον τὸν ὕπατον, αἰχμάλωτον ὄντα σφῶν, δεησόμενον τῆσ πατρίδοσ ἐπὶ τοῖσδε συνθέσθαι.

ὁ δὲ ἧκε μὲν ὡσ αἰχμάλωτοσ ἐσταλμένοσ φοινικικῶσ, ὑπολειφθεὶσ δὲ τῶν πρέσβεων ἐν τῷ βουλευτηρίῳ τετρῦσθαι τὰ Καρχηδονίων ἐδήλου, καὶ παρῄνεσεν ἢ πολεμεῖν ἐγκρατῶσ ἢ ἐπὶ πλείοσι συνθέσθαι. καὶ τόνδε μὲν ἐσ Καρχηδόνα ἑκόντα ἐπανελθόντα ἔκτειναν οἱ Καρχηδόνιοι, κέντρα σιδήρεα σανίσιν ἐνηρμοσμένα πάντοθεν ἑστῶτι περιθέντεσ, ἵνα μηδαμόσε δύναιτο ἐπικλίνεσθαι, αὐτοὶ δὲ τὴν εἰρήνην ἐπὶ πλείοσι συνέθεντο. Καὶ ἦν ἐφ’ οἷσ συνέθεντο, τὰ μὲν αἰχμάλωτα Ῥωμαίων καὶ τοὺσ αὐτομόλουσ, ὅσοι παρὰ Καρχηδονίοισ εἰσί, Ῥωμαίοισ εὐθὺσ ἀποδοῦναι, καὶ Σικελίασ Ῥωμαίοισ ἀποστῆναι καὶ τῶν βραχυτέρων νήσων ὅσαι περὶ Σικελίαν, Συρακοσίοισ δὲ ἢ Ιἕρωνι τῷ Συρακουσῶν τυράννῳ πολέμου Καρχηδονίουσ μὴ κατάρχειν, μηδὲ ἐκ τῆσ Ἰταλίασ ξενολογεῖν, ποινὴν δὲ τοῦ πολέμου Ῥωμαίοισ ἐνεγκεῖν τάλαντα Εὐβοϊκὰ δισχίλια ἐν ἔτεσιν εἴκοσι, τὸ μέροσ ἑκάστου ἔτουσ ἐσ Ῥώμην ἀναφέροντασ.

ἔχει δὲ τὸ Εὐβοϊκὸν τάλαντον Ἀλεξανδρείουσ δραχμὰσ ἑπτακισχιλίασ. ὁ μὲν δὴ πρῶτοσ περὶ Σικελίασ Ῥωμαίοισ καὶ Καρχηδονίοισ πόλεμοσ, ἔτεσιν εἴκοσι καὶ τέσσαρσιν αὐτοῖσ γενόμενοσ, ἐσ τοῦτο ἐτελεύτα. καὶ ἀπώλοντο νῆεσ ἐν αὐτῷ Ῥωμαίων ἑπτακόσιαι, Καρχηδονίων δὲ πεντακόσιαι. Σικελίασ δὲ οὕτω τοῦ πλέονοσ Ῥωμαῖοι κατέσχον, ὅσου Καρχηδόνιοι κατεῖχον· φόρουσ τε αὐτοῖσ ἐπέθεσαν, καὶ τέλη τὰ θαλάσσια ταῖσ πόλεσι μερισάμενοι στρατηγὸν ἐτήσιον ἔπεμπον ἐσ Σικελίαν. Ιἕρωνα δὲ τὸν Συρακοσίων τύραννον, ἀνθ’ ὧν αὐτοῖσ ἐσ τόνδε τὸν πόλεμον συνεπεπράχει, φίλον καὶ σύμμαχον ἔθεντο. Καταλυθέντοσ δὲ τοῦ πολέμου τοῦδε, Κελτοὶ Καρχηδονίουσ τόν τε μισθὸν ᾔτουν τὸν ἔτι ὀφειλόμενον σφίσιν ἐκ Σικελίασ, καὶ δωρεὰσ ὅσασ ὑπέσχητο αὐτοῖσ δώσειν Ἀμίλχασ.

ᾔτουν δὲ καὶ Λίβυεσ, ὑπήκοοι μὲν ὄντεσ οἵδε Καρχηδονίων, ἀπὸ δὲ τῆσ ἐν Σικελίᾳ στρατείασ ἐπὶ φρονήματοσ γεγονότεσ καὶ τοὺσ Καρχηδονίουσ ἀσθενεῖσ καὶ ταπεινοὺσ ὁρῶντεσ· ἐχαλέπαινόν τε αὐτοῖσ τῆσ ἀναιρέσεωσ τῶν τρισχιλίων, οὓσ ἐσταυρώκεσαν τῆσ ἐσ Ῥωμαίουσ μεταβολῆσ οὕνεκα. διωθουμένων δὲ τῶν Καρχηδονίων ἑκατέρουσ, κατέλαβον ἄμφω Τύνητα πόλιν καὶ Ἰτύκην, ἣ μεγίστη Λιβύησ ἐστὶ μετὰ Καρχηδόνα· ὅθεν ὁρμώμενοι τήν τε ἄλλην ἀφίστανον καὶ τῶν Νομάδων τινὰσ ἔπειθον καὶ δούλων πολὺ πλῆθοσ ἀποδιδρασκόντων ὑπεδέχοντο, τά τε Καρχηδονίων πάντα ἐλεηλάτουν. οἱ δὲ πανταχόθεν πολεμούμενοι συμμάχουσ ἐπὶ τοὺσ Λίβυασ Ῥωμαίουσ ἐπεκαλοῦντο. καὶ Ῥωμαῖοι στρατιὰν μὲν αὐτοῖσ οὐκ ἔπεμψαν, ἀγορὰν δ’ ἔκ τε Ἰταλίασ καὶ Σικελίασ ἐπάγεσθαι καὶ ξενολογεῖν ἐκ τῆσ Ἰταλίασ ἐσ μόνον τόνδε τὸν πόλεμον ἐπέτρεψαν. ἔπεμψαν δὲ καὶ πρέσβεισ ἐσ Λιβύην, εἰ δύναιντο διαλῦσαι τὸν πόλεμον· οἳ ἐπανῆλθον ἄπρακτοι. καὶ Καρχηδόνιοι ἐγκρατῶσ εἴχοντο τοῦ πολέμου. Ὅτι Ἱπποκράτησ καὶ Ἐπικύδησ, ἀδελφὼ μὲν ἀλλήλων, στρατηγὼ δὲ Συρακοσίων, Ῥωμαίοισ ἐκ πολλοῦ δυσχεραίνοντεσ, ἐπεὶ τὰσ Συρακούσασ οὐκ ἴσχυον ἐκπολεμῶσαι, κατέφυγον ἐσ Λεοντίνουσ διαφερομένουσ τοῖσ Συρακοσίοισ, καὶ κατηγόρουν τῆσ πατρίδοσ ὅτι τὰσ σπονδὰσ Ιἕρωνοσ ἐφ’ ὅλῃ Σικελίᾳ πεποιημένου μόνοι Συρακόσιοι σφίσιν αὐτοῖσ ἀνακαινίσειαν. οἱ δὲ ἠρεθίζοντο. καὶ Συρακόσιοι μὲν ἐπεκήρυσσον, εἴ τισ Ἱπποκράτουσ ἢ Ἐπικύδουσ κομίσειε τὴν κεφαλήν, ἰσόσταθμον αὐτῷ χρυσίον ἀντιδώσειν, Λεοντῖνοι δὲ αὑτῶν Ἱπποκράτη στρατηγὸν ᾑροῦντο. ϝαλ. π. 558 ετ ηινξ συιδ. ϝ. Ἐπικύδησ. Ὅτι Σικελοὶ καὶ τέωσ ἀγανακτοῦντεσ ἐπὶ τῇ ὠμότητι Μαρκέλλου τοῦ στρατηγοῦ, μᾶλλόν τι καὶ τῷδε τῷ ἔργῳ συνεταράσσοντο, ἐφ’ ᾧ κατὰ προδοσίαν ἐσ Συρακούσασ ἐσῆλθεν. καὶ πρὸσ Ἱπποκράτη μετετίθεντο, καὶ συνώμνυντο μὴ διαλύσασθαι χωρὶσ ἀλλήλων, ἀγοράν τε αὐτῷ καὶ στρατιὰν ἔπεμπον, ἐσ δισμυρίουσ πεζοὺσ καὶ ἱππέασ πεντακισχιλίουσ. Ὅτι διαβεβλημένῳ τῷ Μαρκέλλῳ οὐκ ἐπίστευον χωρὶσ ὁρ́κων. διὸ καὶ Ταυρομενίων προσχωρούντων οἱ, συνέθετο καὶ ὤμοσε μήτε φρουρήσειν τὴν πόλιν μήτε στρατολογήσειν ἀπ’ αὐτῆσ. Ὅτι Κρήτη ἐξ ἀρχῆσ εὐνοϊκῶσ ἔχειν ἐδόκει Μιθριδάτῃ βασιλεύοντι Πόντου, καὶ αὐτῷ μισθοφορῆσαι πολεμοῦντι Ῥωμαίοισ ἐλέγετο.

ἔδοξε δὲ καὶ τοῖσ πλεύσασι τότε λῃσταῖσ ἐσ χάριν τοῦ Μιθριδάτου συλλαβεῖν καὶ συμμαχῆσαι σαφῶσ διωκομένοισ ὑπὸ Μάρκου Ἀντωνίου. πρεσβευσαμένου δὲ τοῦ Ἀντωνίου πρὸσ αὐτοὺσ ὑπεριδεῖν καὶ ὑπερηφάνωσ ἀποκρίνασθαι. καὶ πολεμῆσαι μὲν αὐτοῖσ εὐθὺσ ἐπὶ τῷδε Ἀντώνιοσ, καὶ οὐ πρᾶξαι καλῶσ, χρηματίσαι δ’ ὅμωσ διὰ τὴν πρᾶξιν Κρητικόσ. καὶ ἦν ὅδε πατὴρ Μάρκου Ἀντωνίου τοῦ πολεμήσαντοσ ὕστερον Καίσαρι τῷ κληθέντι Σεβαστῷ περὶ Ἄκτιον. ψηφισαμένων δὲ Ῥωμαίων Κρησὶ πολεμεῖν διὰ τάδε, οἱ Κρῆτεσ ἐπρέσβευσαν ἐσ Ῥώμην περὶ διαλλαγῶν. οἱ δὲ αὐτοὺσ ἐκέλευον ἐκδοῦναί τε αὐτοῖσ Λασθένη τὸν πολεμήσαντα Ἀντωνίῳ, καὶ τὰ σκάφη τὰ λῃστικὰ πάντα παραδοῦναι, καὶ ὅσα Ῥωμαίων εἶχον αἰχμάλωτα, καὶ ὅμηρα τριακόσια καὶ ἀργυρίου τάλαντα τετρακισχίλια. Οὐ δεξαμένων δὲ ταῦτα Κρητῶν ᾑρέθη στρατηγὸσ ἐπ’ αὐτοὺσ Μέτελλοσ.

καὶ νικᾷ μὲν ὁ Μέτελλοσ ἐν Κυδωνίᾳ Λασθένη, καὶ φυγόντοσ ἐσ Κνωσσὸν Πανάρησ Μετέλλῳ τὴν Κυδωνίαν παρέδωκεν ἐπὶ συνθήκῃ, μηδὲν παθεῖν αὐτόσ. Μετέλλου δὲ Κνωσσὸν περικαθημένου, ὁ Λασθένησ τὴν οἰκίαν χρημάτων πλήσασ κατέφλεξε, καὶ διέφυγεν ἀπὸ τῆσ Κνωσσοῦ. καὶ οἱ Κρῆτεσ ἐσ Πομπήιον Μάγνον, στρατηγοῦντα τοῦ λῃστικοῦ καὶ Μιθριδατείου πολέμου, πέμψαντεσ ἔφασαν ἑαυτοὺσ ἐλθόντι ἐπιτρέψειν. ὁ δὲ ἀσχόλωσ τότε ἔχων ἐκέλευε τὸν Μέτελλον, ὡσ οὐ δέον ἔτι πολεμεῖν τοῖσ ἑαυτοὺσ ἐπιτρέπουσιν, ἐξανίστασθαι τῆσ νήσου· παραλήψεσθαι γὰρ αὐτὸσ αὐτὴν ἐπελθών. ὁ δὲ οὐ φροντίσασ ἐπέμεινε τῷ πολέμῳ, μέχρι ὑπηγάγετο αὐτήν, Λασθένει συνθέμενοσ ὅμοια Πανάρει. καὶ ἐθριάμβευσε, καὶ Κρητικὸσ ἐκλήθη ὅδε δικαιότερον Ἀντωνίου, τὴν νῆσον ἐξεργασάμενοσ. Ὅτι Κλώδιοσ ὁ πατρίκιοσ, ὁ ποῦλχερ ἐπίκλην, τοῦτ’ ἔστιν εὐπρεπήσ, τῆσ Γαϊού Καίσαροσ γυναικὸσ ἤρα. καὶ ἁρμόσασθαι αὑτὸν ἐσ γυναῖκα ἐκ κεφαλῆσ ἐσ ἄκρουσ πόδασ, ἔτι ὄντα ἀγένειον, καὶ ἐσ τὴν οἰκίαν τοῦ Γαϊού παρελθεῖν οἱᾶ γυναῖκα νυκτόσ, ὅτε μόναισ γυναιξὶν ἐξῆν ἐσελθεῖν, μυστηρίων ἀγομένων. πλανηθέντα δὲ τῆσ ὁδηγούσησ, κατάφωρον ὑπ’ ἄλλων ἐκ τῆσ φωνῆσ γενόμενον ἐξελαθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter

(아피아노스, The Foreign Wars, chapter)

상위

목록

SEARCH

MENU NAVIGATION