헬라어 문장 검색 - Αππιαν́ΤηεΦορέ04́

(아피아노스, The Foreign Wars, chapter)

Οὐολοῦσκοι δὲ τοῖσ πταίσμασι τῶν γειτόνων οὐ καταπλαγέντεσ ἐστράτευον ἐπὶ Ῥωμαίουσ, καὶ ἐπολιόρκουν τοὺσ αὐτῶν κληρούχουσ. συιδ. ϝ. κληροῦχον. Ὁ δὲ δῆμοσ τὸν Μάρκιον μετιόντα τὴν ὑπατείαν οὐκ ἐχειροτόνησεν, οὐ τὸν ἄνδρα ἀπαξιῶν, ἀλλὰ τὸ φρόνημα δεδιὼσ αὐτοὺ. ιδ. ϝ. ἀπαξιῶν. Ο Μάρκιοσ πιμπράμενοσ ἐπὶ Ῥωμαίοισ, φυγὴν καταδικασθείσ, καὶ μικρὸν ἐσ αὐτοὺσ οὐδὲν ἐπινοῶν ἐσ Οὐολούσκουσ ἐτράπετο. ιδ. ϝ. πίμπραται. Ὅτι πατρίδα καὶ γένοσ ἀλλαξάμενοσ ἥκοι, τὸ μηδὲν ἡγησάμενοσ, καὶ τὰ τῶν Οὐολούσκων ἀντὶ τῆσ πατρίδοσ αἱρήσεσθαι βουληθείσ. ιδ. ϝ. ἀλλαξάμενοσ. Ὅτι τοῦ Μαρκίου φυγαδευθέντοσ καὶ ἐσ Οὐολούσκουσ καταφυγόντοσ καὶ κατὰ Ῥωμαίων ἐκστρατεύσαντοσ καὶ τεσσαράκοντα σταδίουσ ἀποσχόντοσ ἀπὸ τοῦ ἄστεοσ καὶ στρατοπεδεύσαντοσ, ὁ δῆμοσ ἠπείλει τῇ βουλῇ παραδώσειν τὰ τείχη τοῖσ πολεμίοισ, εἰ μὴ πρεσβεύσοιντο περὶ διαλλαγῶν πρὸσ Μάρκιον.

ἡ δὲ μόλισ ἐξέπεμψεν αὐτοκράτορασ εἰρήνησ πέρι Ῥωμαίοισ πρεπούσησ, οἳ προελθόντεσ ἐσ τὸ Οὐολούσκων στρατόπεδον Μαρκίῳ μετὰ Οὐολούσκων ἀκροωμένῳ προύτειναν ἀμνηστίαν καὶ κάθοδον, εἰ καταλύσει τὸν πόλεμον, τῆσ τε βουλῆσ αὐτὸν ὑπεμίμνησκον ὡσ οὐχ ἁμαρτούσησ ἐσ αὐτόν. ὁ δὲ πολλὰ τοῦ δήμου κατηγορήσασ περὶ ὧν ἐσ αὐτὸν καὶ Οὐολούσκουσ ἐξημαρτήκεσαν, ἐπηγγέλλετο ὅμωσ Οὐολούσκουσ αὐτοῖσ διαλλάξειν, ἂν ἥν τε γῆν ἔχουσι Οὐολούσκων καὶ τὰσ πόλεισ ἀποδῶσι, καὶ ποιήσωνται πολίτασ ὥσπερ Λατίνουσ. ἑώσ δ’ ἂν ἔχωσι τὰ τῶν κρατούντων οἱ κρατούμενοι, οὐχ ὁρᾶν τίνεσ αὐτοῖσ ἔσονται διαλύσεισ. ταῦτα μετοίσοντασ ἀπέλυε τοὺσ πρέσβεισ, καὶ τριάκοντα ἡμέρασ ἐσ τὴν σκέψιν ἐδίδου. τραπεὶσ δ’ ἐπὶ τοὺσ ἄλλουσ Λατίνουσ ἑπτὰ πόλεισ αὐτῶν εἷλε ταῖσ τριάκοντα ἡμέραισ, καὶ ἧκεν ἐπὶ τὰσ ἀποκρίσεισ. Οἱ δὲ ἀπεκρίναντο, ἐὰν ἐκ τῆσ Ῥωμαίων γῆσ ἀπαγάγῃ τὸν στρατόν, πέμψειν τοὺσ συνθησομένουσ αὐτῷ τὰ πρέποντα.

πάλιν δ’ ἀντειπόντοσ ἔπεμπον ἑτέρουσ δέκα δεησομένουσ μηδὲν ἀνάξιον ποιεῖν τῆσ πατρίδοσ, μηδ’ ἐξ ἐπιτάγματοσ ἀλλ’ ἑκουσίουσ ἐᾶν γίγνεσθαι τὰσ συνθήκασ, αἰδούμενόν τε τὴν πατρίδα, καὶ τὸ τῶν προγόνων ἀξίωμα τιμῶντα τῶν ἐσ αὐτὸν οὐχ ἁμαρτόντων. ὁ δὲ τοσοῦτον αὐτοῖσ ἀπεκρίνατο, τριῶν ἄλλων ἡμερῶν ἥκειν βουλευσαμένουσ τι κάλλιον. οἱ μὲν δὴ τοὺσ ἱερέασ ἔπεμπον, ταῖσ ἱεραῖσ ἐσθῆσιν ἐσταλμένουσ, ταὐτὰ τοῦ Μαρκίου δεησομένουσ· ὁ δὲ καὶ τούτοισ ἔφη δεῖν ἢ τὰ κελευόμενα ποιεῖν, ἢ μηδ’ αὖ ἀφικνεῖσθαι πρὸσ αὐτόν. ἐσ οὖν πολιορκίαν καθίσταντο, καὶ τὸ τεῖχοσ ἐπλήρουν λίθων καὶ βελῶν ὡσ ἄνωθεν ἀμυνούμενοι Μάρκιον. Οὐαλερία δ’ ἡ Ποπλικόλα θυγάτηρ πολλὰσ ἀγομένη γυναῖκασ ἐπί τε τὴν μητέρα τοῦ Μαρκίου Οὐετουρίαν καὶ ἐπὶ τὴν γυναῖκα Οὐολουμνίαν, πένθιμα ἠμφιεσμέναι πᾶσαι, καὶ τὰ παιδία ταῖσ ἱκεσίαισ ἐπιφέρουσαι, συνεξελθεῖν αὑταῖσ πρὸσ Μάρκιον ἠξίουν αὐτάσ, καὶ δεηθῆναι φείσασθαι σφῶν τε αὐτῶν καὶ τῆσ πατρίδοσ.

αἱ μὲν δὴ τῆσ βουλῆσ ἐπιτρεπούσησ ἐξῄεσαν, μόναι γυναῖκεσ, ἐσ ἐχθρῶν στρατόπεδον· ὁ δὲ Μάρκιοσ θαυμάζων τῆσ εὐτολμίασ τὴν πόλιν, οἱᾶ Ῥωμαίων ἐστὶ καὶ τὰ γύναια, προσιούσαισ ἀπήντα, καὶ τὰσ ῥάβδουσ καθῄρει καὶ τοὺσ πελέκεασ διὰ τὴν μητέρα, προσδραμών τε ἠσπάζετο, καὶ ἦγεν ἐπὶ τὸ συνέδριον τῶν Οὐολούσκων, καὶ λέγειν ἐκέλευσεν ὅ τι χρῄζοι. Ἡ δὲ συνηδικῆσθαι μὲν ἐξελαυνομένῳ τῆσ πόλεωσ, μήτηρ οὖσα, ἔφη, ὁρᾶν δ’ ὅτι Ῥωμαῖοι πολλὰ πρὸσ αὐτοῦ πεπόνθασιν ἤδη καὶ τίσιν ἔτισαν ἱκανήν, ὧν χώρα τε τοσαύτη διέφθαρται καὶ πόλεισ ἀπολώλασι πολλαί, καὶ τὸ Ῥωμαίοισ ἔσχατον, παρακαλοῦσι καὶ πρέσβεισ πέμπουσιν ὑπάτουσ καὶ ἱερέασ καὶ μητέρα καὶ γυναῖκα, τό τε ἀδίκημα ἰῶνται ἀμνηστίᾳ καὶ καθόδῳ.

"σὺ δὲ μὴ ἀνιάτῳ κακῷ τὸ κακὸν ἰῶ, μηδὲ συμφοραῖσ ἐπιχείρει κοιναῖσ αὐτοῦ τε σοῦ καὶ τῶν ἀδικούντων. ποῖ φέρων οἴσεισ τὸ πῦρ; μετὰ τὴν χώραν ἐπὶ τὴν πόλιν; μετὰ τὴν πόλιν ἐπὶ τὴν ἑστίαν τὴν σήν; μετὰ τὴν ἑστίαν ἐπὶ τὰ ἱερά; δὸσ χάριν, ὦ παῖ, κἀμοὶ καὶ τῇ πατρίδι παρακαλούσαισ. " ἡ μὲν δὴ τοσαῦτα εἶπεν, ὁ δὲ Μάρκιοσ οὐκ εἰά πατρίδα καλεῖν τὴν ἐκβαλοῦσαν ἀλλὰ τὴν ὑποδεδεγμένην· οὐδὲν γὰρ εἶναι φίλιον, ἂν ἀδικῇ, οὐδὲ ἐχθρὸν εὖ ποιοῦν· καὶ τὸ τῶν παρόντων ἐκέλευεν ὁρᾶν, πίστιν τε δόντων αὐτῷ καὶ λαβόντων, καὶ πολίτην πεποιημένων καὶ στρατηγὸν ἀποφηνάντων καὶ τὰ ἴδια ἐπιτρεψάντων. τιμάσ τε ὅσων ἠξίωτο, καὶ ὁρ́κουσ οὓσ ὤμοσεν αὐτοῖσ, ἐπεξῄει, καὶ παρεκάλει τὴν μητέρα τοὺσ αὐτοὺσ ἐκείνοισ τίθεσθαι πολεμίουσ καὶ φίλουσ. Ἡ δὲ ἔτι λέγοντοσ ἀγανακτήσασα καὶ τὰσ χεῖρασ ἐσ τὸν οὐρανὸν ἀνασχοῦσα, θεοὺσ γενεθλίουσ ἐμαρτύρατο δύο μὲν ἤδη πρεσβείασ γυναικῶν ἀπὸ Ῥώμησ ἐν μεγάλοισ ἐστάλθαι κακοῖσ, ἐπὶ Τατίου βασιλέωσ καὶ Γαϊού Μαρκίου, τούτοιν δὲ Τάτιον μέν, ὄντα ξένον καὶ ἀληθῆ πολέμιον, ἐνδοῦναι ταῖσ γυναιξὶν αἰδούμενον, Μάρκιον δ’ ὑπερορᾶν πρεσβείασ γυναικῶν τοσῶνδε, καὶ τῆσ γεγαμημένησ καὶ μητρὸσ ἐπὶ ταύταισ.

"ἄλλη μὲν οὖν," ἔφη, "μηδεμία μήτηρ, ἀτυχοῦσα παιδόσ, ἐσ ἀνάγκην ἀφίκοιτο προσπεσεῖν αὐτῷ· ἐγὼ δὲ καὶ τοῦτο ὑφίσταμαι· προκυλίσομαί σου. " καὶ λέγουσα ἐσ τὸ ἔδαφοσ ἑαυτὴν ἐρρίπτει. ὁ δὲ ἐδάκρυσέ τε καὶ ἀνεπήδα καὶ ἀντείχετο αὐτῆσ, ὑπό τε τοῦ πάθουσ ἐξεφώνησε, "νικᾷσ, ὦ μῆτερ, ἀλλὰ νίκην ἐξ ἧσ τὸν υἱὸν ἀπολεῖσ. " ταῦτα εἰπὼν ἀπῆγε τῆν στρατιὰν ὡσ λόγον ἀποδώσων Οὐολούσκοισ καὶ τὰ ἔθνη συναλλάξων· ἐλπίσ τε ἦν ὅτι καὶ ταῦτα πείσει Οὐολούσκουσ. κατελεύσθη δὲ φθονούμενοσ παρὰ τοῦ στρατηγοῦ Ἀττίου. Ὁ δὲ Μάρκιοσ ἀντιλέγειν μὲν πρὸσ οὐδὲ ἓν αὐτῶν ἐδικαίου. συιδ. ϝ. ἐδικαίου. Ἐλεεινοὶ τοῦ πάθουσ, ἀξιέπαινοι τῆσ ἀρετῆσ γενόμενοι. μέγα γὰρ τοῦτο Ῥωμαίοισ πάθοσ ἐγένετο καὶ πλήθουσ ἕνεκα καὶ ἀξιώματοσ εὐγενοῦσ οἴκου καὶ πανωλεθρίασ. καὶ τὴν ἡμέραν ἀποφράδα τίθενται. συιδ. ϝϝ. ἐλεεινόσ ετ ἀποφράδεσ ἡμέραι. Τῷ δὲ στρατηγῷ στρατὸσ ἦν δυσπειθὴσ ὑπὸ μνησικακίασ, ἐθελοκάκωσ τε ἠγωνίζοντο, καὶ ἔφευγον ἐπιδησάμενοι τὰ σώματα ὡσ τετρωμένοι, καὶ τὰσ σκηνὰσ διέλυον, καὶ ἀναχωρεῖν ἐπεχείρουν, ἀπειρίαν ἐπικαλοῦντεσ τῷ στρατηγῷ. ιδ. ϝ. ἐθελοκάκωσ. Ὅτι σημειων γενομενων ἐκ Διὸσ ἀηδῶν μετὰ τὴν Οὐηιεντίασ ἅλωσιν, οἱ μάντεισ ἔλεγον ἐκλειφθῆναί τινα πρὸσ εὐσέβειαν, καὶ ὁ Κάμιλλοσ ἀνήνεγκεν ὅτι τὴν δεκάτην τῆσ λείασ ἐκλάθοιτο τῷ θεῷ τῷ χρήσαντι περὶ τῆσ λίμνησ ἐξελέσθαι.

ἡ μὲν οὖν βουλὴ τοὺσ λαβόντασ ὁτιοῦν ἐκ τῆσ Οὐηιέντησ ἐκέλευσεν ἀποτιμήσασθαι καθ’ αὑτοὺσ καὶ σὺν ὁρ́κῳ τὸ δέκατον εἰσενεγκεῖν, ὑπὸ δὲ εὐσεβείασ οὐκ ὤκνησε καὶ τῆσ γῆσ ἤδη πεπραμένησ, ὡσ λαφύρου, τὸ δέκατον ἀναθεῖναι. κρατήρ τε ἀπὸ τῶνδε τῶν χρημάτων ἐν Δελφοῖσ ἔκειτο χρύσεοσ ἐπὶ χαλκῆσ βάσεωσ ἐν τῷ Ῥωμαίων καὶ Μασσαλιητῶν θησαυρῷ, μέχρι τὸν μὲν χρυσὸν Ὀνόμαρχοσ ἐν τῷ Φωκικῷ πολέμῳ κατεχώνευσε, κεῖται δ’ ἡ βάσισ. Αὐτὸν δὲ Κάμιλλον ἐν τῷ δήμῳ τισ ἐδιωκεν ὡσ αἴτιον γεγονότα τῇ πόλει φασμάτων καὶ τεράτων χαλεπῶν, καὶ ὁ δῆμοσ ἐκ πολλοῦ τὸν ἄνδρα ἀποστρεφόμενοσ ἐζημίωσε πεντήκοντα μυριάσιν, οὐκ ἐπικλασθεὶσ οὐδ’ ὅτι πρὸ τῆσ δίκησ αὐτῷ παῖσ ἐτεθνήκει.

τὰ μὲν οὖν χρήματα οἱ φίλοι συνεισήνεγκαν, ἵνα μὴ ὑβρισθείη τὸ σῶμα τοῦ Καμίλλου· αὐτὸσ δὲ βαρυθυμῶν ἐσ τὴν Ἀρδεατῶν πόλιν μετῴκησεν, εὐξάμενοσ τὴν Ἀχίλλειον εὐχήν, ἐπιποθῆσαι Ῥωμαίουσ Κάμιλλον ἐν καιρῷ. καὶ ἀπήντησεν αὐτῷ καὶ τόδε οὐ πολὺ ὕστερον· Κελτῶν γὰρ τὴν πόλιν καταλαβόντων ὁ δῆμοσ ἐπὶ Κάμιλλον κατέφυγε καὶ δικτάτορα αὖθισ εἵλετο, ὡσ ἐν ταῖσ Κελτικαῖσ πράξεσι συγγέγραπται. Ὅτι Μάρκοσ Μάλλιοσ εὐπατρίδησ, Κελτῶν ἐπελθόντων τῇ Ῥώμῃ, ταύτην περιέσωσε καὶ τιμῶν μεγίστων ἠξιώθη. ὕστερον δὲ πρεσβύτην πολλάκισ ἐστρατευμένον ἀγόμενον ἐσ δουλείαν ὑπὸ τοῦ δανειστοῦ γνωρίσασ, ἀπέδωκε τὸ χρέοσ ὑπὲρ αὐτοῦ, καὶ ἐπὶ τῷδε εὐφημούμενοσ πᾶσιν ἠφίει τοῖσ ἑαυτοῦ χρήσταισ τὰ ὀφλήματα. προϊὼν δὲ τῇ δόξῃ καὶ ὑπὲρ ἄλλων ἀπεδίδου. καὶ ταῖσ δημοκοπίαισ ἐπαιρόμενοσ ἐβούλευσεν ἤδη χρεῶν ἀποκοπὰσ κοινάσ, ἢ τὸν δῆμον ἠξίου τοῖσ δανείσασιν ἀποδοῦναι, τὴν γῆν ἐσ τοῦτο ἀποδόμενον ἔτι οὖσαν ἀνέμητον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Appian, The Foreign Wars, chapter

(아피아노스, The Foreign Wars, chapter)

상위

목록

SEARCH

MENU NAVIGATION