호흡부호 보기
강세부호 보기
장단부호 보기
작은 Iota 보기
모든 부호 보기
ἡ δὲ Κασπίη θάλασσα ἐστὶ ἐπ’ ἑωυτῆσ, οὐ συμμίσγουσα τῇ ἑτέρῃ θαλάσσῃ. τὴν μὲν γὰρ Ἕλληνὲσ ναυτίλλονται πᾶσα καὶ ἡ ἔξω στηλέων θάλασσα ἡ Ἀτλαντὶσ καλεομένη καὶ ἡ Ἐρυθρὴ μία ἐοῦσα τυγχάνει. ἡ δὲ Κασπίη ἐστὶ ἑτέρη ἐπ’ ἑωυτῆσ, ἐοῦσα μῆκοσ μὲν πλόου εἰρεσίῃ χρεωμένῳ πεντεκαίδεκα ἡμερέων, εὖροσ δέ, τῇ εὐρυτάτη ἐστὶ αὐτὴ ἑωυτῆσ, ὀκτὼ ἡμερέων. καὶ τὰ μὲν πρὸσ τὴν ἑσπέρην φέροντα τῆσ θαλάσσησ ταύτησ ὁ Καύκασοσ παρατείνει, ἐὸν ὀρέων καὶ πλήθεϊ μέγιστον καὶ μεγάθεϊ ὑψηλότατον. ἔθνεα δὲ ἀνθρώπων πολλὰ καὶ παντοῖα ἐν ἑωυτῷ ἔχει ὁ Καύκασοσ, τὰ πολλὰ πάντα ἀπ’ ὕλησ ἀγρίησ ζώοντα·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기